| e-texts navigator |
| Wylie |
268b1 མོས་འདི་སྐད་ཅེས་སྨྲས་སོ། ། བཅོམ་ལྡན་འདས་ཀྱིས་བཀག་གོ་ཞེས་བྱ་བ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་སོར་མོའི་ཚིགས་གཉིས་ཀྱིས་ཁྲུས་བྱའོ།། ཇི་ཙམ་ན་དེ་ཉིད་ཉེས་དམིགས་སུ་གྱུར་ཏོ།། དེ་ནས་བཅོམ་ལྡན་འདས་ཀྱིས་བྱུང་བ
268b2 འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཁྲུས་བྱེད་པ་ན་སོར་མོའི་ཚིགས་གཉིས་ལས་འདས་པར་བྱེད་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ་དགའ་མོའོ།། ཁྲུས་བྱེད་ན་ཞེས་བྱ་བ་ནི་ཆུ་བླངས་ནས་སོ།། སོར་མོའི་ཚིགས
268b3 གཉིས་ལས་འདས་པར་འཇུག་ན་ཞེས་བྱ་བ་ནི་དེ་ལས་ལྷག་པར་རོ། ། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཁྲུས་བྱེད་པ་ནི་སོར་མོའི་ཚིགས་གཉིས་ལས་འདས་པར་བྱེད་ན་ཐམས་ཅད་དུ་ལྟུང
268b4 བྱེད་དུ་འགྱུར་རོ། ། ལྟུང་བྱེད་བརྒྱད་པའི་གསུམ་པ་རྫོགས་།། །། གླེང་གཞི་ནི་མཉན་ཡོད་ནའོ།། དེའི་ཚེ་སྦོམ་དགའ་མོ་ཉོན་མོངས་པས་ཉེན་ནས་ཇི་སྲིད་ཚིམ་གྱི་བར་དུ་གསང་བའི་ཕྱོགས་སུ་ཐལ་མོས་བརྒྱབ་པས་ཇི་ཙམ་ན་སྐྲངས་པར་གྱུར་ཏོ།། གང་གི་ཚེ་འདོད
268b5 ཆགས་ཞི་བར་གྱུར་པ་དེའི་ཚེ་ན་ནས་ཆོ་ངེས་འདེབས་སོ། ། དེ་ནས་ལྷན་ཅིག་གནས་པ་དང་ཉེ་གནས་རྣམས་ཀྱིས་དྲིས་པ་ལས་དེས་སྐབས་དེ་རྒྱས་པར་སྨྲས་པ་ན། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས
268b6 བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་བུད་མེད་ཀྱི་ཡུལ་ལ་ཐལ་མོས་རྡེག་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ་དགའ་མོའོ།། བུད་མེད་ཀྱི་ཡུལ་ལ་ཐལ་མོས་རྡེག་ན་ཞེས
268b7 བྱ་བ་ནི་མོ་མཚན་ལ་ཐལ་ལྕག་གིས་བརྡེགས་ནའོ། ། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་བུད་མེད་ཀྱི་ཡུལ་ལ་ཐལ་མོས་རྡེག་ན་ཐམས་ཅད་དུ་ལྟུང་བྱེད་དུ་འགྱུར་རོ།། ལྟུང་བྱེད་བརྒྱད་པའི་ཚིགས
iiif viewer powered by OpenSeadragon
