| e-texts navigator |
| Wylie |
267b1 ཤིག་བརྗེད་དེ་ལུས་པ་དང་། རྐུན་པོ་དེས་སླར་ཡང་སོང་སྟེ་བླང་ངོ་སྙམ་ནས་ཞེས་བྱ་བ་ནས་རྒྱལ་པོའི་བཀྲབས་པ་དག་གིས་བཟུང་ནས་ཚུལ་མ་ཡིན་པས་སྡུག་བསྔལ་བར་བྱས་སོ།། དེ་ནས་ལྷ་ཞིག་གིས་དེའི་ཚེ་ཚིགས་སུ་བཅད་དེ་སྨྲས་པ། ལྷག་པར་ཆགས་པས་ཟིལ་ནོན་ན།།
267b2 དོན་གྲུབ་པ་ཡང་ཉམས་གྱུར་ཏེ།། ཕྱིར་དོན་གཉེར་བར་བྱེད་པ་ཡིན།། རྐུན་མའི་སྐྱོགས་ནི་ཇི་བཞིན་ནོ།། དགེ་སློང་དག་གཞན་ཡང་ལྷག་པར་ཆགས་པ་ཁོ་ནས་རིན་པོ་ཆེ་དག་ལས་ཡོངས་སུ་ཉམས་པར་གྱུར་པ་དེ་ཉོན་ཅིག། དགེ་སློང་དག་སྔོན་བྱུང་བ་གྲོང་ཁྱེར་བཱ་ར་ཎཱ་སཱི་ན
267b3 ཁྱིམ་བདག་ཅིག་ཡོད་པ་དེ་ཞེས་བྱ་བ་ནས་དེ་ལ་བུ་མོ་ཞིག་བཙས་པ་དང་། ཤི་ནས་ངང་པའི་རྒྱལ་པོ་རང་བཞིན་གྱིས་སྐྱེ་བ་དྲན་པ་ཞིག་ཏུ་སྐྱེས་སོ་ཞེས་བྱ་བའི་བར་རོ།། ཇི་ཙམ་ན་དེ་བུ་མོའི་དོན་དུ་ཉི་མ་རེ་རེ་ཞིང་རིན་པོ་ཆེ་དག་སྐྱེལ་བར་བྱེད་དོ།། དེ་ནས་བུ་མོས་བསམས་པ།
267b4 ངང་པའི་རྒྱལ་པོ་ཡང་བཟུང་ལ་རིན་པོ་ཆེ་ཡང་བླང་ངོ་སྙམ་པ་དང་། དེ་བྲོས་ནས་ཕྱིན་ཆད་མི་འོང་བར་གྱུར་ཏོ།། ཇི་ཙམ་ན་ལྷ་ཞིག་གིས་ཚིགས་སུ་བཅད་དེ་སྨྲས་པ། ལྷག་པར་ཆགས་པར་མི་བྱ་སྟེ།། ཆོས་མིན་ཆགས་པ་སྡིག་པ་ཅན།། ངང་པའི་རྒྱལ་པོ་གཟུང་སྙམ་པས།།
267b5 རིན་ཆེན་རྣམས་ལས་ཡོངས་སུ་ཉམས།། དགེ་སློང་དག་ཇི་སྙམ་དུ་སེམས། དེའི་ཚེ་རྐུན་པོ་དང་། བུ་མོ་གང་ཡིན་པ་དེ་ནི་སྦོམ་དགའ་མོ་འདི་ཉིད་ཡིན་ཏེ། དེ་ནས་ཡང་ལྷག་པར་ཆགས་པ་ཁོ་ནར་གྱུར་ཏོ།། ད་ལྟར་ཡང་ལྷག་པར་ཆགས་པ་ཁོ་ནར་གྱུར་ཏོ།། དེ་ལྟ་བས་ན
267b6 ལྷག་པར་ཆགས་པར་མི་བྱ་སྟེ། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ།། ལྟུང་བྱེད་བརྒྱད་པའི་དང་པོ་རྫོགས་།། །། གླེང་གཞི་ནི་མཉན་ཡོད་ནའོ།། དེའི་ཚེ་སྦོམ་དགའ་མོས་མདོམས་ཀྱི་ཕྱོགས་ཀྱི་སྤུའི་ལས་བྱེད་ཅིང་དེ་ཁྲུས་བྱེད་པ་ན་བྲམ་ཟེ་དང་། ཁྱིམ
267b7 བདག་གི་ཆུང་མ་རྣམས་ལ་བསྟན་ཏེ། ཏིལ་འབྲུས་ཁྲ་བོར་བྱས་པའི་ཕན་ཅི་ལྟར་འདུག་པ་འདི་ལ་ལྟོས། དེ་དག་གིས་འདི་སྐད་ཅེས་སྨྲས་སོ།། འཕགས་མ་རེ་ཞིག་ཁོ་མོ་ཅག་ནི་སྡུམ་ཐབ་ཀྱི་སེམས་མགུ་བར་བགྱིད་པའི་ཕྱིར་བགྱིད་ན་ཁྱོད་ཀྱིས་འདི་ཅིར་འཚལ། ཁྱོད་ཀྱི
iiif viewer powered by OpenSeadragon
