| e-texts navigator |
| Wylie |
267a1 དབྱར་ཁང་དུ་འོངས་པ་དང་། དགེ་སློང་མ་རྣམས་ཀྱིས་དྲིས་པ་ལས་དེས་སྐབས་དེ་རྒྱས་པར་སྨྲས་པ་ན། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས
267a2 བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་སྒོག་སྐྱ་ཟ་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ་དགའ་མོའོ།། སྒོག་སྐྱ་ཞེས་བྱ་བ་ནི་བྱི་སྐུའོ།། ཟ་ན་ཞེས་བྱ་བ་ནི་ལྐོག་མར་མིད་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར
267a3 ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་སྒོག་སྐྱ་ཟ་ན་ཐམས་ཅད་དུ་ལྟུང་བྱེད་དུ་འགྱུར་རོ་ཞེས་དེ་ལྟར་བསླབ་པའི་གཞི་བཅའ་བ་མཛད་པ་དང་། དགེ་སློང་མ་ནད་པ་ཞིག་ཡོད་པ་དེས་སྨན་པ་ལ་དྲིས་པ་དང་། སྨན་པས་སྒོག་སྐྱ་བསྟན་ཏོ།། དེས་འདི་སྐད་ཅེས་སྨྲས་སོ།། བཞིན
267a4 སྨན་པ་ཁོ་མོ་ད་ནི་ཤི་ཟིན་ནོ། ། སྨན་པས་སྨྲས་པ། ཅི་ཉེས། དེས་འདི་སྐད་ཅེས་སྨྲས་སོ།། བཅོམ་ལྡན་འདས་ཀྱིས་བཀག་གོ།། དེས་འདི་སྐད་ཅེས་སྨྲས་སོ།། ཁྱོད་ཀྱི་སྟོན་པ་ཐུགས་རྗེ་ཅན་ཡིན་པས་རྗེས་སུ་གནང་བར་འགྱུར་རོ་ཞེས་པའི་སྐབས་དེ་དགེ་སློང་མ་རྣམས་ཀྱིས་བཅོམ
267a5 ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྨན་པའི་ལུང་གིས་ནད་པ་ལ་ནི་ལྟུང་བ་མེད་དོ་ཞེས་བྱ་བ་ནས་སྒོག་སྐྱ་དང་། ཀིའུ་ལ་སོགས་པ་ཀུན་ཏུ་སྤྱད་པར་བྱའོ།། དགེ་སློང་མ་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས
267a6 བཅོམ་ལྡན་འདས་ལ་ཞུས་པ། བཙུན་པ་སྦོམ་དགའ་མོ་ལྷག་པར་ཆགས་པའི་ཟིལ་གྱིས་ནོན་པས་སྒོག་སྐྱའི་ཕྱིར་བརྡེགས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་འབའ་ཞིག་མ་ཡིན་གྱི་འོན་ཀྱང་འདས་པའི་དུས་ན་ཡང་ལྷག་པར
267a7 ཆགས་པས་ཚུལ་མ་ཡིན་པས་སྡུག་བསྔལ་བར་གྱུར་པ་དེ་ཉོན་ཅིག་ཅེས་བྱ་བ་ནས་གྲོང་ཁྱེར་བཱ་རཱ་ཎ་སཱིར་རྒྱལ་པོ་ཚངས་བྱིན་ཞེས་བྱ་བ་ཞིག་བྱུང་ངོ་ཞེས་བྱ་བའི་བར་རོ། ། ཇི་ཙམ་ན་རྐུན་པོ་ཞིག་རྒྱལ་པོའི་ཕོ་བྲང་ཕུག་པ་དང་ཞེས་བྱ་བ་ནས། ཕུ་གུའི་སྒོར་དངུལ་སྐྱོགས
iiif viewer powered by OpenSeadragon
