| e-texts navigator |
| Wylie |
265b1 གོ། ། དེ་ལ་གཡན་པ་དགབ་པའི་གོས་ཀྱི་ཚད་ནི་འདི་ཡིན་ཏེ། སྲིད་དུ་བདེ་བར་གཤེགས་པའི་མཐོའི་མཐོ་བཞིའོ།། ཞེང་དུ་མཐོ་དོའོ།། དེ་ལས་ལྷག་པར་བྱེད་ན་བཅད་ནས་ལྟུང་བྱེད་དོ།། གཡན་པ་དགབ་པའི་གོས་ཞེས་བྱ་བ་ནི་ན་བའི་གོས་སོ།། དགེ་སློང་མ་ཞེས
265b2 བྱ་བ་ནི་ཆོས་འདི་པའོ། ། བྱེད་དམ་ཞེས་བྱ་བ་ནི་བདག་ཉིད་ཀྱིས་སོ།། བྱེད་དུ་འཇུག་ན་ཞེས་བྱ་བ་ནི་གཞན་ནོ།། སྲིད་དུ་བདེ་བར་གཤེགས་པའི་མཐོའི་མཐོ་བཞི་ཞེས་བྱ་བ་ནི་དེའི་མཆུ་གང་ཡིན་པ་ཚད་དང་ལྡན་པའི་ཁྲུའི་ཁྲུ་དྲུག་གོ།། བདེ་བར་གཤེགས་པ་ཞེས
265b3 བྱ་བ་ནི་སྟོན་པའོ། ། ཞེང་དུ་མཐོ་དོའོ་ཞེས་བྱ་བ་ནི་ཚད་དང་ལྡན་པའི་ཁྲུ་གསུམ་མོ།། དེ་ལས་ལྷག་པར་ཞེས་བྱ་བ་ནི་དེ་ལས་འདས་པར་རོ།། བྱེད་དམ་ཞེས་བྱ་བ་ནི་བདག་ཉིད་ཀྱིས་སོ།། བྱེད་དུ་འཇུག་ན་ཞེས་བྱ་བ་ནི་གཞན་ནོ།། བཅད་ནས་ཞེས་བྱ་བ་ནི་མཉམ་པོར་བྱས་ནས
265b4 སོ། ། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་སྤྱད་ཅུང་ཟད་གཡན་པ་དགབ་པའི་གོས་ཁྲུ་དྲུག་ལས་ལྷག་པར་བྱེད་དུ་འཇུག་ན་ཐམས་ཅད་དུ་བཅད་ནས་ལྟུང་བྱེད་དོ།། གང་གི་མདུན་དུ་འཆགས་པར་བྱེད་ན
265b5 ཞེས་བྱ་བའི་བར་གོང་ནས་འབྱུང་བ་བཞིན་ནོ། ། ལྟུང་བྱེད་བདུན་པའི་བརྒྱད་པ་རྫོགས་།། །། གླེང་གཞི་ནི་མཉན་ཡོད་ནའོ།། གང་གི་ཚེ་ཉེ་བདེ་བར་གཤེགས་པའི་ཆོས་གོས་ཀྱི་ཚད་ཀྱི་ཚད་བྱེད་དུ་བཅུག་ལ། བཅོམ་ལྡན་འདས་ཀྱིས་ནི་བཀག་པ་དེའི་ཚེ
265b6 སྦོམ་དགའ་མོས་ཀྱང་ཉེ་དགའ་མཐོང་ནས་བདེ་བར་གཤེགས་པའི་ཆོས་གོས་ཀྱི་ཚད་ཀྱི་ཆོས་གོས་བྱེད་དུ་བཅུག་ནས་བགོས་ཏེ་དགེ་སློང་མའི་དབྱར་ཁང་དུ་སོང་ནས་དེས་བདེ་བར་གཤེགས་པའི་ཆོས་གོས་ཀྱི་ཚད་ཁ་ཅིག་ནི་མཆན་ཁུང་དུ་བརྟུལ། ཁ་ཅིག་ནི་ཕྲག་པ་ལ
265b7 གཟར། ཁ་ཅིག་ནི་ལུས་ལ་བགོས། ཁ་ཅིག་ནི་འཇོལ་ཞིང་འདུག་པ་དང་། དེ་ལ་དགེ་སློང་མ་རྣམས་ཀྱིས་སྨྲས་པ། འཕགས་མ་ལྷུང་བཟེད་དང་ཆོས་གོས་བླངས་ཏེ་གང་དུ་འགྲོ། དེས་འདི་སྐད་ཅེས་སྨྲས་སོ།། ཁོ་མོ་ལྷུང་བཟེད་དང་ཆོས་གོས་བླངས་ཏེ་གང་དུ་ཡང
iiif viewer powered by OpenSeadragon
