| e-texts navigator |
| Wylie |
265a1 དགེ་སློང་མ་ཞེས་བྱ་བ་ནི་ཆོས་འདི་པའོ།། བྱེད་དམ་ཞེས་བྱ་བ་ནི་བདག་ཉིད་ཀྱིས་སོ།། བྱེད་དུ་འཇུག་ན་ཞེས་བྱ་བ་ནི་གཞན་ནོ།། སྲིད་དུ་ཞེས་བྱ་བ་ནི་དེའི་ཆུ་གང་ཡིན་པའོ།། བདེ་བར་གཤེགས་པའི་མཐོ་གང་གིས་ཞེས་བྱ་བ་ལ། བདེ་བར་གཤེགས
265a2 པ་ཞེས་བྱ་བ་ནི་སྟོན་པའོ། ། བདེ་བར་གཤེགས་པའི་མཐོ་གང་གང་ཡིན་པ་དེ་ལ་ནི་ཚད་དང་ལྡན་པའི་ཁྲུ་ཕྱེད་དང་དོ་སྟེ། བདེ་བར་གཤེགས་པའི་མཐོ་གསུམ་གང་ཡིན་པ་དེ་ལ་ཚད་དང་ལྡན་པའི་ཁྲུའི་ཁྲུ་ཕྱེད་དང་ལྔའོ།། ཞེང་དུ་མཐོ་ཕྱེད་དང་དོའོ་ཞེས་བྱ་བ་ནི་ཚད་དང་ལྡན་པའི
265a3 ཁྲུ་དོ་དང་སོར་དྲུག་གོ། ། དེ་ལས་ལྷག་པར་ཞེས་བྱ་བ་ནི་དེ་ལས་འདས་པར་རོ།། བྱེད་དམ་ཞེས་བྱ་བ་ནི་བདག་ཉིད་ཀྱིས་སོ།། བྱེད་དུ་འཇུག་ན་ཞེས་བྱ་བ་ནི་གཞན་ནོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ
265a4 ཅུང་ཟད་གདིང་བ་ཁྲུ་ཕྱེད་དང་ལྔ་ལས་ལྷག་པར་བྱེད་དམ། བྱེད་དུ་འཇུག་ན་ཐམས་ཅད་དུ་བཅད་ནས་ལྟུང་བྱེད་དོ།། གང་གི་མདུན་དུ་ལྟུང་བ་འཆགས་པར་བྱེད་ན་ཞེས་བྱ་བ་ནས་ལྟུང་བའི་རིམ་པ་སྔ་མ་བཞིན་ནོ།། གལ་ཏེ་བྱས་ཟིན་པ་རྙེད་ན་བྱས་ཟིན་པ་ཉིད་ལོངས་སྤྱད་པར
265a5 བྱའོ། ། ལྟུང་བྱེད་བདུན་པའི་བདུན་པ་རྫོགས་།། །། གླེང་གཞི་ནི་མཉན་ཡོད་ནའོ།། གང་གི་ཚེ་བཅོམ་ལྡན་འདས་ཀྱིས་དགེ་སློང་དང་། དགེ་སློང་མ་རྣམས་ཀྱིས་གཡན་པ་དགབ་པའི་གོས་བཅང་བར་བྱའོ་ཞེས་བཀའ་སྩལ་པ་དེའི་ཚེ་དེ་དགེ་སློང་མ་དེ་དག་གིས་ཅི་འདྲ་བ་དེ
265a6 ཚད་ཇི་ཙམ་པ་བཅང་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། སྲིད་དུ་བདེ་བར་གཤེགས་པའི་མཐོ་བཞིའོ།། ཞེང་དུ་མཐོ་དོའོ།། གང་གི་ཚེ་བཅོམ་ལྡན་འདས་ཀྱིས་ཚད་བཀའ་སྩལ་པ་དེའི་ཚེ་བཅུ་གཉིས་སྡེ་དེ་དག་ཚད་ལས་ལྷག་པར་བྱེད་པ་དང་། དོན
265a7 ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། དགེ་སློང་མ་གཡན་པ་དགབ་པའི་གོས་བྱེད་པས་ཚད་བཞིན་དུ་བྱེད་དུ་གཞུག
iiif viewer powered by OpenSeadragon
