| e-texts navigator |
| Wylie |
264a1 དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། དགེ་སློང་མས་དགེ་འདུན་གྱི་ཁྲིའམ། ཁྲིའུ་བྱེད་དུ
264a2 འཇུག་ན་རྩ་བ་བུ་གར་གཞུག་པ་མ་གཏོགས་པར་བདེ་བར་གཤེགས་པའི་སོར་བརྒྱད་ཀྱི་ཚད་དུ་བྱེད་དུ་གཞུག་པར་བྱའོ། ། དེ་ལས་ལྷག་པར་བྱེད་དུ་འཇུག་ན་བཅད་ནས་ལྟུང་བྱེད་དོ།། དགེ་འདུན་གྱི་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་མའི་དགེ་འདུན་གྱིའོ།། དགེ
264a3 སློང་མ་ཞེས་བྱ་བ་ནི་བཅུ་གཉིས་སྡེ་དག་གོ། ། ཁྲིའམ་ཞེས་བྱ་བ་ནི་ཉལ་བའིའོ།། ཁྲིའུའམ་ཞེས་བྱ་བ་ནི་ཁྲིའུ་ཉིད་དོ།། བདེ་བར་གཤེགས་པའི་ཞེས་བྱ་བ་ནི་སྟོན་པའིའོ།། བདེ་བར་གཤེགས་པའི་སོར་བརྒྱད་གང་ཡིན་པ་དེ་ལ་ནི་ཚད་དང་ལྡན་པའི་ལག་པའི་ཁྲུ་གང་ངོ་།། བུ་གར
264a4 གཞུག་པ་མ་གཏོགས་ཏེ་ཞེས་བྱ་བ་ནི་བཞག་སྟེའོ། ། དེ་ལས་ལྷག་པར་བྱེད་ན་ཞེས་བྱ་བ་ནི་དེ་ལས་འདས་པར་བྱེད་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་བདེ་བར་གཤེགས་པའི་སོར་བརྒྱད
264a5 ཀྱི་ཚད་ལས་ལྷག་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། ། གང་གི་མདུན་དུ་འཆགས་པར་བྱེད་ན་ཞེས་བྱ་བ་སྔ་མ་བཞིན་ནོ།། ལྟུང་བྱེད་བདུན་པའི་ལྔ་པ་རྫོགས་།། །། གླེང་གཞི་ནི་མཉན་ཡོད་ནའོ།། གང་གི་ཚེ་བཅོམ་ལྡན་འདས་ཀྱིས་དགེ་སློང་དང་། དགེ་སློང
264a6 མ་རྣམས་ཀྱིས་གནས་མལ་བསྐོ་བར་བྱའོ་ཞེས་བསྐོ་བ་མཛད་པ་ན། དེ་ནས་དུས་གཞན་ཞིག་གི་ཚེ་དགེ་སློང་མ་རྣམས་གནས་མལ་སྐོ་བར་བྱེད་པ་དང་། དེའི་འོག་ཏུ་བཅུ་གཉིས་སྡེ་རྣམས་ཀྱིས་དགེ་འདུན་གྱི་ཁྲི་དང་། ཁྲིའུ་ལ་ཤིང་བལ་དག་བཏིང་བ་དེའི་ཚེ་གཞན་གྱིས
264a7 བསྡུས་ནས་བླངས་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དགེ་འདུན་གྱི་ཁྲིའམ། ཁྲིའུ
iiif viewer powered by OpenSeadragon
