| e-texts navigator |
| Wylie |
263b1 གྱུར་ལ། གང་གི་ཚེ་ཤཱཀྱའི་སྲས་ཀྱི་དགེ་སྦྱོང་མ་རྣམས་ལ་མངོན་པར་དད་པར་གྱུར་པ་དེའི་ཚེ་བཀྲེན་པར་གྱུར་ཏོ་ཞེས་སྨྲས་པ་དགེ་སློང་མ་རྣམས་ཀྱིས་ཐོས་སོ།། ཐོས་ནས་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི
263b2 དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་བ་སོའམ། རུས་པའམ། རྭའི་ཁབ་རལ་ལས་སར་པ་བྱེད་དུ་འཇུག་ན་བཅག་ནས་ལྟུང་བྱེད་དོ།། ཡང་གང་ཞེས་བྱ་བ་ནི་བཅུ་གཉིས་སྡེ་དག་གོ།། བ་སོའམ་ཞེས་བྱ་བ་ནི་བ་སོ་ཉིད
263b3 དོ། ། རུས་པའམ་ཞེས་བྱ་བ་ནི་རུས་པ་ཉིད་དོ།། རྭ་ལས་བྱས་པ་ཞེས་བྱ་བ་ནི་རྭ་ཉིད་དོ།། ཁབ་རལ་ཞེས་བྱ་བ་ལ་ཁབ་རལ་ནི་གཉིས་ཏེ། སྦུ་བུ་ཅན་དང་། ཆང་བ་ལྟ་བུའོ།། བྱེད་དམ་ཞེས་བྱ་བ་ནི་བདག་ཉིད་ཀྱིས་སོ།། བྱེད་དུ་འཇུག་ན་ཞེས་བྱ་བ་ནི་གཞན་ནོ།།
263b4 ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་བ་སོའམ་ཞེས་བྱ་བ་ནས། རྭའི་བར་གྱི་ཁབ་རལ་སར་པ་བྱེད་དམ། བྱེད་དུ་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ།། གང་གི་མདུན་དུ་དེ
263b5 འཆགས་པར་བྱེད་པ་དེས་ཅི་ག་བཅག་གམ་ཞེས་དྲི་བར་བྱའོ། ། མ་དྲིས་པར་འཆགས་པར་བྱེད་ན་ལྟུང་བ་དེ་ཡང་མ་བཤགས་ཤིང་གང་གི་མདུན་དུ་འཆགས་པར་བྱེད་པ་དེ་ལ་ཡང་ཉེས་བྱས་སུ་འགྱུར་རོ།། ལྟུང་བྱེད་བདུན་པའི་བཞི་པ་རྫོགས་།། །། གླེང་གཞི་ནི
263b6 མཉན་ཡོད་ནའོ། ། གང་གི་ཚེ་བཅོམ་ལྡན་འདས་ཀྱིས་དྲུག་སྡེ་རྣམས་ལ་བརྟེན་ཏེ་ཁྲི་དང་། ཁྲིའུའི་ཚད་བདེ་བར་གཤེགས་པའི་སོར་བརྒྱད་ཀྱི་བསླབ་པའི་གཞི་བཅའ་བ་མཛད་པ་དེའི་ཚེ་བཅུ་གཉིས་སྡེ་དེ་དག་གིས་ཚད་ལས་འདས་པའི་ཁྲི་དང་། ཁྲིའུ་དག་བྱེད
263b7 དུ་འཇུག་པ་དང་། དེ་དག་ལ་དགེ་སློང་མ་རྣམས་ཀྱིས་སྨྲས་པ། ཕུ་ནུ་མོ་དག་བཅོམ་ལྡན་འདས་ཀྱིས་བསླབ་པའི་གཞི་བཅའ་བ་མ་མཛད་དམ། དེ་དག་གིས་འདི་སྐད་ཅེས་དགེ་སློང་རྣམས་ལ་མཛད་ཀྱི། དགེ་སློང་མ་རྣམས་ལ་ནི་མ་ཡིན་ནོ་ཞེས་སྨྲས་པ་ན་དོན་ཉུང་བའི
iiif viewer powered by OpenSeadragon
