| e-texts navigator |
| Wylie |
261b1 ཁྱིམ་དུ་མགྲོན་དུ་བོས་ལ་ཟས་སྔ་མ་དང་ཟས་ཕྱི་མ་ལ་ཁྱིམ་དག་ཏུ་ཁྱིམ་བདག་འཁོད་པ་ལ་གོ་བར་མ་བྱས་པར་འགྲོ་ན་ལྟུང་བྱེད་དོ། ། ཡང་གང་ཞེས་བྱ་བ་ནི་དགའ་མོའོ་ཟས་དང་བཅས་པ་ཞེས་བྱ་བ་ནི་སྟོན་མོ་ཅན་གྱི་ཁྱིམ་དུའོ།། ཁྱིམ་དག་ཏུ་ཞེས་བྱ་བ་ནི་ཁྱིམ་བདག་གི
261b2 ཁྱིམ་དག་ཏུ་མགྲོན་དུ་བོས་པའོ། ། ཟས་སྔ་མ་ཞེས་བྱ་བ་ནི་སྔ་དྲོའི་དུས་སོ།། ཕྱི་མ་ཞེས་བྱ་བ་ནི་ཕྱི་དྲོའི་དུས་སོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དགེ་སློང་མ་ཟས་དང་བཅས་པའི་ཁྱིམ་དུ་མགྲོན་དུ
261b3 བོས་ནས་སྔ་མ་ལ་ཁྱིམ་གཉིས་སུ་སོང་ལ་ཆེད་དུ་བསམས་ཏེ་ཁྱིམ་གསུམ་པར་འགྲོ་ན་ལྟུང་བྱེད་དོ། ། ཟས་ཕྱི་མ་ལ་ཁྱིམ་གསུམ་དུ་སོང་ལ་ཆེད་དུ་བསམས་ཏེ་ཁྱིམ་བཞི་པར་འགྲོ་ན་ལྟུང་བྱེད་དོ།། ཁྱིམ་བདག་གི་མི་ལ་གོ་བར་བྱས་ན་ལྟུང་བ་མེད་དོ།། ལྟུང་བྱེད་བདུན་པའི
261b4 དང་པོ་རྫོགས་། ། །། གླེང་གཞི་ནི་མཉན་ཡོད་ནའོ།། གང་གི་ཚེ་བཅོམ་ལྡན་འདས་ཀྱིས་དྲུག་སྡེ་རྣམས་ལ་བརྟེན་ཏེ་སྒོ་གཏན་གྱི་བསླབ་པའི་གཞི་བཅའ་བ་མཛད་པ་དེའི་ཚེ་བཅུ་གཉིས་སྡེ་དེ་དག་གིས་དགེ་སློང་གི་བསླབ་པའི་གཞི་ཡིན་ནོ་ཞེས་བྱ་བ་ནས་བསླབ་པའི
261b5 གཞི་དེ་ལ་རྗེས་སུ་སྒྲུབ་པར་མི་བྱེད་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་མ་རྣམས་ཀྱིས་ཀྱང་ནམ་མ་ནངས་ཤིང་སྐྱ་རེངས་མ་ཤར་གྱི་བར་དུའོ།། གང་གི་ཚེ
261b6 ར་གྱལ་པོ་འཆར་ཀས་དཔལ་ལྡན་མའི་ཕྱིར་ཁྱིམ་བདག་གདངས་ཅན་ལ་ཁྱོད་ཀྱི་བུ་མོ་དགེ་སློང་རྣམས་ལྟ་བར་འདོད་དོ་ཞེས་རྒྱལ་པོས་བསྒོ་བ་དེའི་ཚེ་ཁྱིམ་བདག་གདངས་ཅན་གྱིས་དགེ་སློང་ཤཱ་རིའི་བུ་ལ་དཔལ་ལྡན་མ་གདུལ་བའི་ཆེད་དུ་གསོལ་བ་བཏབ་ནས་རྒྱལ་པོའི་ཕོ
261b7 བྲང་དུ་བཏང་བ་དང་། བཅོམ་ལྡན་འདས་ཀྱིས་ཀྱང་གནང་ངོ་།། དེས་དུས་གཞན་ཞིག་ན་གདངས་ཅན་གྱི་བུ་མོ་ཡང་དགེ་སློང་མ་རྣམས་ལྟ་བར་འདོད་པ་དེའི་ཚེ་ཁྱིམ་བདག་གདངས་ཅན་གྱིས་སྐྱེ་དགུའི་བདག་མོ་ཆེན་མོ་ལ་གསོལ་བ་བཏབ་པ་དང་། དེས་རྒྱལ་པོའི་ཕོ་བྲང་དུ
iiif viewer powered by OpenSeadragon
