| e-texts navigator |
| Wylie |
25b1 @##།། རྒྱ་གར་སྐད་དུ། བྷི་ཀྵུ་ཎཱི་བི་ན་ཡ་བི་བྷངྒ། བོད་སྐད་དུ། དགེ་སློང་མའི་འདུལ་བ་རྣམ་པར་འབྱེད་པ། བམ་པོ་དང་པོ། ཐམས་ཅད་མཁྱེན་པ་ལ་ཕྱག་འཚལ་ལོ།། རྒྱལ་པོ་དུལ་བ་རྗེ་ཡི་རིགས་སུ་འཁྲུངས།། སློབ་མ་དུལ་མཛད་ཉེས་པར་བ་ཐུལ་བ།།
25b2 སངས་རྒྱས་འདུལ་བའི་གཙོ་དང་ཆགས་བྲལ་ཆོས།། རྡུལ་དང་བྲལ་བའི་ཚོགས་ལ་ཕྱག་འཚལ་ཏེ།། དགེ་སློང་མ་ཡི་སོ་སོར་ཐར།། རྣམ་འབྱེད་ཧ་ཅང་བསྡུས་པ་དང་།། རྒྱས་པ་མ་ཡིན་བརྗོད་པར་བྱ།། འདུལ་བ་དེ་ནི་ང་ལས་ཉོན།། བསྐལ་པ་བྱེ་བ་རྣམས་སུ་ཡང་།།
25b3 འདུལ་བ་ཐོས་པར་འགྱུར་བ་དང་།། གཟུང་དང་འཛིན་པ་རྙེད་དཀའ་སྟེ།། སྒྲུབ་པའང་ཤིན་ཏུ་རྙེད་པར་དཀའ།། སངས་རྒྱས་རྣམས་ནི་འབྱུང་བ་བདེ།། ཆོས་བསྟན་པ་ཡང་བདེ་བ་ཡིན།། དགེ་འདུན་མཐུན་པ་བདེ་བ་སྟེ།། མཐུན་པ་རྣམས་ཀྱི་དཀའ་ཐུབ་བདེ།། ཆོས
25b4 ཐོས་པ་དང་མཐོང་བ་ཡི། ། དབེན་པར་དགའ་བ་བདེ་བ་ཡིན།། འཇིག་རྟེན་སྲོག་ཆགས་འབྱུང་པོ་ལ།། མི་འཚེ་ཡང་དག་སྡོམ་པ་བདེ།། འཇིག་རྟེན་འདོད་ཆགས་བྲལ་བ་དང་།། འདོད་པ་རྣམས་ལས་རྒྱལ་བ་བདེ།། ང་འོ་ང་རྒྱལ་འདུལ་བ་གང་།། དེ་ནི་མཆོག་ཏུ་བདེ་བ
25b5 ཡིན། ། ཚུལ་ཁྲིམས་ལྡན་པ་མཐོང་བ་བདེ།། མང་དུ་ཐོས་པ་མཐོང་བ་བདེ།། ཡང་སྲིད་རྣམ་པར་གྲོལ་བ་ཡི།། དགྲ་བཅོམ་པ་དག་མཐོང་བ་བདེ།། འཕགས་པ་རྣམས་ནི་མཐོང་བ་བདེ།། དམ་པ་རྣམས་དང་འགྲོགས་པ་བདེ།། བྱིས་པ་རྣམས་ནི་མ་མཐོང་ན།།
25b6 རྟག་ཏུ་བདེ་བ་ཉིད་དུ་འགྱུར།། འཇུག་ངོགས་བདེ་བའི་ཆུ་ཀླུང་བདེ།། ཆོས་ལ་གོམས་པའི་སྐྱེ་བོ་བདེ།། ཤེས་རབ་ཐོབ་པར་གྱུར་པ་བདེ།། ངའོ་ང་རྒྱལ་ཟད་པ་བདེ།། འཇིག་རྟེན་དགེ་སྦྱོང་འཛིན་པ་བདེ།། དེ་བཞིན་བྲམ་ཟེར་འཛིན་པ་བདེ།། འཇིག་རྟེན་ན་ནི
25b7 ཕར་འཛིན་བདེ། ། དེ་བཞིན་མར་འཛིན་ཉིད་ཀྱང་བདེ།། ངེས་པར་བྱས་ཤིང་དབང་པོ་ཐུལ་བ་དག། དགོན་པ་ཞི་བ་རྣམས་སུ་རྒས་གྱུར་དང་།། མང་དུ་ཐོས་པ་ནགས་ཀྱི་ནང་དག་ཏུ།། ལང་ཚོ་ཡོལ་བ་རྣམས་ཀྱི་གནས་པ་བདེ།། བྱང་ཆུབ་སེམས་དཔའ་དགའ
iiif viewer powered by OpenSeadragon
