| e-texts navigator |
| Wylie |
259b1 ཀྱི་གཏམ་རྣམ་པར་གཏན་ལ་འབེབས་པ་ན་ཅང་མི་སྨྲ་བས་ལངས་ཏེ་འགྲོ་ན་ཞེས་བྱ་བ་ནས་དོན་མ་གོ་ན་ཉེས་བྱས་སོ། ། སྒྲ་མ་གོ་ལ་དོན་གོ་ན་ལྟུང་བྱེད་དོ།། ལྟུང་བྱེད་དྲུག་པའི་བདུན་པ་རྫོགས་།། །། གླེང་གཞི་ནི་མཉན་ཡོད་ནའོ།། དེའི་ཚེ་སྦོམ
259b2 དགའ་མོ་འཁོར་དང་བཅས་པ་སངས་རྒྱས་ལ་མ་གུས་ཆོས་དང་དགེ་འདུན་ལ་མ་གུས་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ
259b3 བཅའ་བའི་བར་དུ་མཛད་དེ། གུས་པར་མི་བྱེད་ན་ལྟུང་བྱེད་དོ།། གུས་པར་མི་བྱེད་ན་ཞེས་བྱ་བ་ལ། གུས་པར་མི་བྱེད་པ་ནི་གཉིས་ཏེ། དགེ་འདུན་དང་གང་ཟག་ལའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་ལ
259b4 ཁང་སྐྱོང་གིས་གནས་མལ་ལོང་ཤིག་ཅེས་བསྒོ་བ་ན་མི་ལེན་ན་ལྟུང་བྱེད་དོ། ། གལ་ཏེ་ཆོས་དང་ལྡན་པའི་འདུ་ཤེས་ཀྱིས་གསོལ་བ་འདེབས་ཤིང་དེ་མ་བླངས་པ་ལ་ལྟུང་བ་མེད་དོ།། དེ་བཞིན་དུ་སོང་ཤིག་སྨྲོས་ཤིག་ཅེས་བྱ་བ་དེ་ལྟ་བུ་ལ་སོགས་པ་ཐམས་ཅད་ལ་ལྟུང་བྱེད་དུ
259b5 འགྱུར་ཏེ། འདི་ནི་དགེ་འདུན་ལ་ཡིན་ནོ།། གང་ཟག་གི་ནི་མཁན་མོ་དང་སློབ་དཔོན་གྱིས་གནས་མལ་ལོང་ཤིག་ཅེས་བསྒོ་བ་ན་མི་ལེན་ན་ཉེས་བྱས་སོ།། མ་སོང་ན་ཉེས་བྱས་སོ།། སྨྲས་ན་ཉེས་བྱས་སོ།། མ་སྨྲས་ན་ཉེས་བྱས་ཏེ། དེ་བཞིན་དུ་ཐམས་ཅད་ལ
259b6 ཉེས་བྱས་སོ། ། གལ་ཏེ་ཆོས་དང་ལྡན་པའི་འདུ་ཤེས་ཀྱིས་གསོལ་བ་འདེབས་པ་ལ་ནི་ལྟུང་བ་མེད་དོ།། ལྟུང་བྱེད་དྲུག་པའི་བརྒྱད་པ་རྫོགས་།། །། གླེང་གཞི་ནི་མཉན་ཡོད་ནའོ།། གང་གི་ཚེ་བཅོམ་ལྡན་འདས་ཀྱིས་ཚེ་དང་ལྡན་པ་ལེགས་འོངས་ལ་བརྟེན་ཏེ་བག་མེད་པའི
259b7 གནས་མྱོས་པར་འགྱུར་བ་འབྲུའི་ཆང་དང་བཅོས་པའི་ཆང་གི་བསླབ་པའི་གཞི་བཅའ་བ་མཛད་པ་དེའི་ཚེ་དགེ་སློང་མའི་དགེ་འདུན་དག་འདི་སྙམ་དུ་སེམས་ཏེ། བདག་ཅག་གིས་བསླབ་པའི་གཞི་འདི་ཇི་ལྟར་གདོན་པར་བྱ་སྙམ་དུ་བསམས་ནས་དགེ་སློང་མའི་དགེ
iiif viewer powered by OpenSeadragon
