| e-texts navigator |
| Wylie |
258b1 བ་ནི་མདོ་སྡེ་ལ་མི་གསལ། འདུལ་བ་ལ་མི་གསལ། མ་མོ་ལ་མི་གསལ་བ་ནི་མི་གསལ་བ་ཞེས་བྱའོ།། འདི་ལྟར་དགེ་སློང་མ་མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་པ་གཞན་ལ་འདྲིའོ་ཞེས་བྱ་བ་ནས་མདོ་སྡེ་ལ་གསལ་བ། འདུལ་བ་ལ་གསལ་བ། མ་མོ་ལ
258b2 གསལ་བ་ཞེས་བྱ་བའི་བར་རོ། ། དགེ་སློང་མ་ཀུན་ཤེས་པར་འདོད་པ་ཞེས་བྱ་བ་ནི་བསླབ་པར་འདོད་པས་སོ།། བསླབ་པ་དེ་ལ་ཡང་བསླབ་པར་བྱའོ་ཞེས་བྱ་བ་ནི་དགེ་སློང་མ་དག་གང་ལ་སློབ་པ་ལའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ
258b3 སློང་མས་ཇི་ཙམ་ཅུང་ཟད་དགེ་སློང་མ་རྣམས་ཀྱིས་བསྒོ་བ་ན་འདི་སྐད་ཅེས་བུས་པ་ཞེས་ཟེར་ན་ལྟུང་བྱེད་དོ། ། རྨོངས་པ་ཞེས་ཟེར་ན་ལྟུང་བྱེད་དོ།། མི་གསལ་བ་ཞེས་ཟེར་ན་ལྟུང་བྱེད་དོ།། མི་མཁས་པ་ཞེས་ཟེར་ན་ལྟུང་བྱེད་དོ།། ལྟུང་བྱེད་དྲུག་པའི་ལྔ་པ་རྫོགས་།། །། གླེང
258b4 གཞི་ནི་མཉན་ཡོད་ནའོ། ། དེའི་ཚེ་བཅུ་གཉིས་སྡེ་རྣམས་ཀྱིས་དགེ་སློང་མ་དག་འཐབ་མོ་བྱུང་བ་ལ་ཉན་རྣ་བར་སྒོར་བསྡད་ནས་དེ་དག་གིས་ཅུང་ཟད་ཅི་ཐོས་པ་ཚུ་བི་ལས་ཐོས་པ་དེ་ཕ་བི་དག་ལ་སྦྲོན་པར་བྱེད་ཅིང་། ཕ་བི་དག་ལས་ཐོས་པ་དེ་ཚུ་བི་དག་ལ་སྦྲོན་པར་བྱེད་པས
258b5 དེས་ན་དགེ་འདུན་འཐབ་པ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་བ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི
258b6 བར་དུ་མཛད་དེ། ཡང་དགེ་སློང་མ་གང་ཤེས་བཞིན་དུ་དགེ་སློང་མ་རྣམས་འཐབ་མོ་བྱུང་བར་གྱུར་ལ། མཚང་འདྲུ་བ་དང་། འགྱེད་པ་དང་། རྩོད་པ་བྱུང་ཞིང་འཁོད་པ་ལ་དགེ་སློང་མ་དེ་དག་ཅི་སྨྲས་པ་དེ་བདག་གིས་མཉན་ལ་དེ་ལྟ་དེ་ལྟར་རྗེས་སུ་ཐ་སྙད་གདགས་པར
258b7 བྱའོ་ཞེས་ཅང་མི་སྨྲ་བས་ཉན་རྣ་བྱེད་ཅིང་འདུག་ན་ལྟུང་བྱེད་དོ། ། ཡང་གང་ཞེས་བྱ་བ་ནི་བཅུ་གཉིས་སྡེ་དག་གོ།། ཉན་རྣ་བྱེད་ཅིང་འདུག་ན་ཞེས་བྱ་བ་ནི་ཐོས་པར་འདོད་པས་སྒོ་ན་སྡོད་པའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན།
iiif viewer powered by OpenSeadragon
