| e-texts navigator |
| Wylie |
257b1 བཅོམ་ལྡན་འདས་ཀྱིས་ཟླ་བ་བཞིའི་བསླབ་པའི་གཞི་བཅའ་བ་མ་མཛད་དམ། དེ་དག་གིས་འདི་སྐད་ཅེས་དེ་ནི་དགེ་སློང་རྣམས་ལ་མཛད་ཀྱི་དགེ་སློང་མ་རྣམས་ལ་ནི་མ་ཡིན་ནོ་ཞེས་སྨྲས་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས
257b2 བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། དགེ་སློང་མས་ཟླ་བ་བཞིར་མགྲོན་དུ་བོས་པ་བདག་གིར་བྱའོ།། དེ་ལས་འདས་པར་བྱེད་ན་དུས་མ་གཏོགས་ཏེ་ལྟུང་བྱེད་དོ།། དེ་ལ་འདི་ནི་དུས་ཡིན་ཏེ། སོ་སོར་མགྲོན་དུ་བོས་པ་དང་། ཡང་དང་ཡང
257b3 མགྲོན་དུ་བོས་པ་དང་། ལྷག་པར་མགྲོན་དུ་བོས་པ་དང་། རྟག་ཏུ་མགྲོན་དུ་བོས་པའོ།། ཟླ་བ་བཞི་ཞེས་བྱ་བ་ནི་ཟླ་བ་བཞིའོ།། དེ་ལས་ལྷག་པར་མགྲོན་དུ་བོས་པ་ཞེས་བྱ་བ་ནི་མགྲོན་དུ་གཉེར་བའོ།། དུས་མ་གཏོགས་ཏེ་ཞེས་བྱ་བ་ནི་དུས་བཞག་སྟེའོ།། སོ་སོར
257b4 ཞེས་བྱ་བ་ནི་ཐ་དད་པར་རོ། ། ཡང་དང་ཡང་ཞེས་བྱ་བ་ནི་ཕྱིར་ཞིང་ཕྱིར་ཞིང་ངོ་།། ལྷག་པར་ཞེས་བྱ་བ་ནི་ཆོག་པར་རོ།། རྟག་ཏུ་ཞེས་བྱ་བ་ནི་རྒྱུན་དུའོ།། དེ་ལ་འདི་ནི་དུས་ཡིན་ཏེ། ཞེས་བྱ་བ་ནི་དེ་ལ་འདི་ནི་རྗེས་སུ་མཐུན་པའི་ཆོས་ཡིན་པའོ།། ལྟུང་བྱེད་དོ་ཞེས
257b5 བྱ་བ་ནི་གོང་མ་བཞིན་ནོ། ། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་ཁྱིམ་བདག་གི་ཁྱིམ་རྣམས་སུ་ཚོད་མ་ལ་མགྲོན་དུ་བོས་ལ་ཁུ་བ་སློང་ན་ལྟུང་བྱེད་དོ།། དེ་བཞིན་དུ་ཕལ་པ་ལ་མགྲོན་དུ་བོས་ལ་བསོད་པ་སློང་ན་ཞེས་བྱ་བ་ནས་ཐམས་ཅད་དུ་ལྟུང་བྱེད་དུ
257b6 འགྱུར་རོ་ཞེས་བྱ་བའི་བར་རོ། ། བསོད་པ་ལ་ཞེས་བྱ་བ་ནས་ཕལ་པ་སློང་ན་ཉེས་བྱས་སོ།། གལ་ཏེ་ནད་པ་ཡིན་ནམ་བསོད་པ་རྙེད་ལ་ཕལ་པ་སློང་ངམ་བསྟབས་པ་ཡིན་ན་ལྟུང་བ་མེད་དོ།། ལྟུང་བྱེད་དྲུག་པའི་བཞི་པ་རྫོགས་།། །། གླེང་གཞི་ནི་མཉན་ཡོད་ནའོ།། བཅོམ
257b7 ལྡན་འདས་ཀྱིས་ཁ་ཅིག་ནི་དགེ་སློང་མ་ཐུན་མོང་བའི་བསླབ་པའི་གཞི་བཅའ་བ་མཛད་པ་ཡང་ཡོད། ཁ་ཅིག་ནི་དགེ་སློང་མ་དང་ཐུན་མོང་པ་ཡང་ཡོད། ཁ་ཅིག་ནི་གཉི་གའི་ཐུན་མོང་པ་ཡང་ཡོད་པས་གང་གི་ཚེ་བཅོམ་ལྡན་འདས་ཀྱིས་གཉི་གའི་ཐུན་མོང་གི་བསླབ་པའི་གཞི
iiif viewer powered by OpenSeadragon
