| e-texts navigator |
| Wylie |
257a1 འཇུག་ན་ཞེས་བྱ་བ་ནི་གཞན་ནོ། ། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་རང་བཞིན་ཅན་གྱིས་རྐོ་ན་རྐོ་བ་ན་དེ་ལ་ལྟུང་བྱེད་དོ།། རང་བཞིན་ཅན་མ་ཡིན་པ་རྐོ་ན་ཉེས་བྱས་སོ།། དགེ
257a2 སློང་མས་ས་ལ་ཕུར་པ་འདེབས་ན་ལྟུང་བྱེད་དོ། ། འབྱིན་ན་ཉེས་བྱས་སོ།། དགེ་སློང་མས་ས་ཞག་འགོགས་པར་བྱེད་པ་ན་གལ་ཏེ་སའི་ཁམས་ནི་ཆེས་མང་ལ་སའི་ཞག་ནི་ཆེས་སྲབ་པར་གྱུར་ན་ལྟུང་བྱེད་དོ།། ས་ཞག་གི་ཁམས་ནི་ཆེས་སྟུག་ལ་སའི་ཁམས་ནི
257a3 ཆེས་སྲབ་པར་གྱུར་ན་ཉེས་བྱས་སོ། ། དེ་བཞིན་དུ་ལྕི་བ་ནི་ཆེས་མང་ལ་སའི་ཁམས་ནི་ཆེས་ཉུང་ན་ཉེས་བྱས་སོ།། དགེ་སློང་མས་ས་ལ་བྱེ་ཞག་འགོགས་པར་བྱེད་ན་སའི་ཁམས་ནི་ཆེས་སྟུག་ལ་བྱེ་མའི་ཁམས་ནི་ཆེས་སྲབ་ན་ལྟུང་བྱེད་དོ།། བྱེ་མའི་ཁམས་ཆེས་མང་ལ
257a4 སའི་ཁམས་ནི་ཆེས་སྲབ་ན་ཉེས་བྱས་སོ། ། དོག་ས་མ་གྲུམ་པ་རྟིབ་པར་བྱེད་ན་ལྟུང་བྱེད་དོ།། གྲུམ་པ་ལ་ནི་ཉེས་བྱས་སོ།། རྩིག་པ་མ་གྲུམ་པ་འཇིག་པར་བྱེད་ན་ལྟུང་བྱེད་དོ།། གྲུམ་པ་ལ་ནི་ཉེས་བྱས་སོ།། རྩིག་པ་ལ་ཕུར་པས་འདེབས་ན་ལྟུང་བྱེད་དོ།། འབྱིན་ན
257a5 ཉེས་བྱས་སོ། ། ཞལ་ཞལ་མ་གྲུམ་པ་འགོགས་ན་ལྟུང་བྱེད་དོ།། གྲུམ་པ་ལ་ནི་ཉེས་བྱས་སོ།། ཐ་ན་རླམས་འདྲལ་བར་བྱེད་ན་ཡང་ཉེས་བྱས་སོ།། འདམ་རྫབ་ལ་ཕུར་པས་སམ། ཕུར་བུས་འདེབས་ན་ཉེས་བྱས་སོ།། འཁྲུག་ན་ཉེས་བྱས་སོ།། ཕུར་པ
257a6 རྙིང་པའི་མཆན་དུ་ཕུར་པ་འདེབས་ན་ཉེས་བྱས་སོ། ། ས་ལ་རི་མོ་འདྲི་ན་ཉེས་བྱས་སོ།། གལ་ཏེ་ལག་གི་བླ་ཞིག་རྩིས་བྱེད་ན་ལྟུང་བ་མེད་དོ།། ལྟུང་བྱེད་དྲུག་པའི་གསུམ་པ་རྫོགས་།། །། གླེང་གཞི་ནི་མཉན་ཡོད་ནའོ།། གང་གི་ཚེ་བཅོམ་ལྡན་འདས་ཀྱིས་དྲུག་སྡེ
257a7 རྣམས་ལ་བརྟེན་ཏེ་ཟླ་བ་བཞིར་མགྲོན་དུ་བོས་པའི་བསླབ་པའི་གཞི་བཅའ་བ་མཛད་པ་དེའི་ཚེ་བཅུ་གཉིས་སྡེ་དེ་དག་གིས་ཟླ་བ་ལྔ་དང་། ཟླ་བ་དྲུག་ཏུ་མགྲོན་དུ་བོས་པ་ཡང་བདག་གིར་བྱེད་པ་དང་། དེ་ནས་དེ་དག་ལ་དགེ་སློང་མ་དེ་རྣམས་ཀྱིས་འདི་སྐད་ཅེས་སྨྲས་སོ།།
iiif viewer powered by OpenSeadragon
