| e-texts navigator |
| Wylie |
256b1 གྱི་ཟླ་བ་བརྩི་བར་བྱའོ། ། གལ་ཏེ་ཚང་ན་དེ་ལྟ་ན་ལེགས། དེ་སྟེ་མ་ཚང་ན་ཞེས་བྱ་བ་ནས་བསྙིལ་བར་འོས་པ་ཡིན་ནོ་ཞེས་བྱ་བའི་བར་རོ།། དགེ་སློང་མ་དག་དེ་ལ་དགེ་སློང་མ་ལོ་བཅུ་དགུ་ལོན་པ་གང་ཡིན་པ་དེ་ལོ་ཉི་ཤུའི་འདུ་ཤེས་ཀྱིས་བསྙེན་པར་རྫོགས
256b2 པར་གྱུར་ལ། གལ་ཏེ་ལོ་གཅིག་གི་དྲན་པ་རྙེད་ན་ཇི་ལྟར་བསྙེན་པར་རྫོགས་པ་དེ་བཞིན་དུ་བསྙེན་པར་རྫོགས་པ་ཡིན་ཏེ། དགེ་སློང་མ་དག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་མའི་དངོས་པོ་རྙེད་པར
256b3 དཀའ་བའི་ཕྱིར་རོ། ། གལ་ཏེ་ལོ་མ་ཚང་བར་དྲན་པ་རྙེད་ན་མངལ་གྱི་ཟླ་བ་དང་ཤོལ་གྱི་ཟླ་བ་བརྩི་བར་བྱའོ།། གལ་ཏེ་ཚང་ན་དེ་ལྟ་ན་ལེགས། གལ་ཏེ་མ་ཚང་ན་ས་སྤོ་བར་བྱ་བའམ། སླར་ཡང་བསྙེན་པར་རྫོགས་པར་བྱའོ་ཞེས་བྱ་བ་ནས་བསྙིལ་བར་འོས་པ
256b4 ཡིན་ནོ་ཞེས་བྱ་བའི་བར་རོ། ། ལྟུང་བྱེད་དྲུག་པའི་གཉིས་པ་རྫོགས་།། །། གླེང་གཞི་ནི་མཉན་ཡོད་ནའོ།། གང་གི་ཚེ་བཅོམ་ལྡན་འདས་ཀྱིས་དྲུག་སྡེ་རྣམས་ལ་བརྟེན་ཏེ་རང་གི་ལག་གིས་ས་རྐོ་བའི་བསླབ་པའི་གཞི་བཅའ་བ་མཛད་པ་དང་། དེ་ནས་བཅུ་གཉིས
256b5 སྡེ་དེ་དག་རང་གི་ལག་གིས་ས་རྐོ་བར་བྱེད། རྐོར་འཇུག་པར་བྱེད་པ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ།
256b6 ཡང་དགེ་སློང་མ་གང་ས་རྐོའམ་རྐོར་འཇུག་ན་ལྟུང་བྱེད་དོ།། ཡང་གང་ཞེས་བྱ་བ་ནི་བཅུ་གཉིས་སྡེ་དག་གོ།། ས་ཞེས་བྱ་བ་ལ་ས་ནི་གཉིས་ཏེ། རང་བཞིན་ཅན་དང་། རང་བཞིན་ཅན་མ་ཡིན་པའོ།། དེ་ལ་རང་བཞིན་ཞེས་བྱ་བ་ནི་ཆར་ཆུ་ཞོད་པའི་དུས་སུ་ཟླ་བ
256b7 གསུམ་གྱིས་ས་རྟས་པར་གྱུར་པ་སྟེ་འདི་ནི་རང་བཞིན་ཅན་གྱིས་ཞེས་བྱའོ། ། རང་བཞིན་ཅན་མ་ཡིན་པའི་ས་གང་ཞེ་ན། གང་གི་ཚེ་ཆར་མ་བབ་པ་དེའི་ཚེ་ས་མ་རྟས་པར་གྱུར་པ་སྟེ་འདི་ནི་ས་རང་བཞིན་ཅན་མ་ཡིན་པ་ཞེས་བྱའོ།། རྐོ་ན་ཞེས་བྱ་བ་ནི་རང་གིས་སོ།། རྐོར
iiif viewer powered by OpenSeadragon
