| e-texts navigator |
| Wylie |
256a1 དང་ཡིད་གཉིས་སྤང་བར་བྱ་སྟེ། གང་གི་ཚེ་ཤེས་པར་གྱུར་ཏམ། དྲན་པར་གྱུར་ཏམ། སོམ་ཉི་དང་ཡིད་ཉིད་སྤངས་པར་གྱུར་ལ། གལ་ཏེ་རེ་ཞིག་ཚང་ན་ཇི་ལྟར་བསྙེན་པར་རྫོགས་པ་དེ་བཞིན་དུ་བསྙེན་པར་རྫོགས་པ་ཡིན་ནོ།། གལ་ཏེ་མ
256a2 ཚང་ན་ས་སྤོ་བར་བྱ་བའམ། སླར་ཡང་བསྙེན་པར་རྫོགས་པར་བྱའོ།། ས་སྤོ་བར་མི་བྱེད་དམ། སླར་ཡང་བསྙེན་པར་རྫོགས་པར་མི་བྱེད་ལ། གལ་ཏེ་རང་བཞིན་དུ་གནས་པའི་དགེ་སློང་མ་རྣམས་དང་ལྷན་ཅིག་ལན་གཉིས་སམ་གསུམ་གསོ་སྦྱོང་གི་ལས་དག
256a3 ཉམས་སུ་མྱོང་བར་བྱེད་ན་དགེ་སློང་མ་དག་རྐུ་ཐབས་སུ་གནས་པ་ཡིན་ཏེ་དགེ་སློང་མ་དེ་བསྙིལ་བར་འོས་པ་ཡིན་ནོ། ། དགེ་སློང་མ་དག་དེ་ལ་དགེ་སློང་མ་ལོ་ཉི་ཤུ་མ་ལོན་པར་གྱུར་པ་ལོ་ཉི་ཤུ་ལོན་པའི་འདུ་ཤེས་ཀྱིས་བསྙེན་པར་རྫོགས་པ་དང་དེའི་གཉེན་དག་ལྷགས
256a4 ཏེ་འདི་སྐད་ཅེས་སྨྲས་སོ། ། མིང་འདི་ཞེས་བྱ་བ་ཡོད་དམ་དེ་དག་གིས་འདི་སྐད་ཅེས་སྨྲས་སོ།། དེ་ནི་བསྙེན་པར་རྫོགས་སོ།། དེ་དག་གིས་འདི་སྐད་ཅེས་སྨྲས་སོ།། དེ་ནི་ལོ་ཉི་ཤུ་མ་ལོན་ནོ་ཞེས་དེ་སྐད་སྨྲས་པ་ན་བཅོམ་ལྡན་འདས་ཀྱིས་བཀའ་སྩལ་པ། དེའི་ཤོལ
256a5 གྱི་ཟླ་བ་དང་། མངལ་གྱི་ཟླ་བ་ཡང་བརྩི་བར་བྱའོ།། གལ་ཏེ་ཚང་ན་དེ་ལྟ་ན་ལེགས། དེ་སྟེ་མ་ཚང་ན་ས་སྤོ་བར་བྱ་བའམ། སླར་ཡང་བསྙེན་པར་རྫོགས་པར་བྱའོ།། ས་སྤོ་བར་མི་བྱེད་དམ། སླར་ཡང་བསྙེན་པར་རྫོགས་པར་མི་བྱེད་ན་ཞེས་བྱ་བ་ནས
256a6 བསྙིལ་བར་འོས་པ་ཡིན་ནོ་ཞེས་བྱ་བའི་བར་རོ། ། དགེ་སློང་མ་དག་དེ་ལ་དགེ་སློང་མ་ལོ་བརྒྱད་ལོན་པ་གང་ཡིན་པ་དེ་ལོ་ཉི་ཤུའི་འདུ་ཤེས་ཀྱིས་བསྙེན་པར་རྫོགས་པར་གྱུར་ལ། གལ་ཏེ་ལོ་གཉིས་ཀྱི་དྲན་པ་རྙེད་ན་ཇི་ལྟར་བསྙེན་པར་རྫོགས་པ་དེ་བཞིན
256a7 དུ་བསྙེན་པར་རྫོགས་པ་ཡིན་ཏེ། དགེ་སློང་མ་དག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་མའི་དངོས་པོ་རྙེད་པར་དཀའ་བའི་ཕྱིར་རོ།། གལ་ཏེ་ལོ་གཅིག་གི་དྲན་པ་རྙེད་ན་མངལ་གྱི་ཟླ་བ་དང་ཤོལ
iiif viewer powered by OpenSeadragon
