| e-texts navigator |
| Wylie |
251b1 རྣམས་ཁྱོད་ཀྱི་དྲུང་དུ་འོངས་ནས་དེ་དག་གིས་གསོད་པར་འགྱུར། སྲོག་དང་བྲལ་བར་འགྱུར་རོ་ཞེས་སྨྲས་ན། དགེ་སློང་མ་སྔངས་པར་གྱུར་ཀྱང་རུང་མ་གྱུར་ཀྱང་རུང་། ལྟུང་བྱེད་དུ་འགྱུར་རོ།། དེ་བཞིན་དུ་སྒྲ་འབྱིན་པར་བྱེད་པ་འདི་ལྟ་སྟེ། སེང་གེ་དང་སྟག
251b2 དང་། སྤྱང་ཀི་རྣམས་ཀྱི་དང་། དེ་བཞིན་དུ་དང་། ཤ་ཟ་རྣམས་ཀྱི་སྒྲ་སྣ་ཚོགས་དག་ཅེས་བྱ་བ་ནས། ལྟུང་བྱེད་དོ་ཞེས་བྱ་བའི་བར་རོ།། དེ་བཞིན་དུ་དྲི་འབྱིན་པར་བྱེད་པ་འདི་ལྟ་སྟེ། ངན་སྐྱུགས་དང་། གཅིན་གྱི་དང་། རའི་དང་། ར་རལ་པ
251b3 ཅན་རྣམས་ཀྱི་དང་། དེ་བཞིན་དུ་ལ་སོགས་པ་དྲི་སྣ་ཚོགས་དག་ཅེས་བྱ་བ་ནས། ལྟུང་བྱེད་དོ་ཞེས་བྱ་བའི་བར་རོ།། དེ་བཞིན་དུ་རེག་པ་སྣ་ཚོགས་འབྱིན་པར་བྱེད་པ་འདི་ལྟ་སྟེ། ཤིང་དང་། སབ་མ་དང་། རེ་ལྡེ་དང་། ཕྱར་བ་རྣམས་ཀྱི་དང་།
251b4 དེ་བཞིན་དུ་ལ་སོགས་པའི་རེག་པ་སྣ་ཚོགས་དག་ཅེས་བྱ་བ་ནས། ལྟུང་བྱེད་དོ་ཞེས་བྱ་བའི་བར་རོ།། དགེ་སློང་མས་དགེ་སློང་མ་ལ་སྔངས་པར་བྱ་བའི་བསམ་པས་ཡིད་དུ་འོང་བའི་གཟུགས་དག་སྟོན་པར་བྱེད་པ་འདི་ལྟ་སྟེ། རྒྱལ་རིགས་ཤིང་སཱ་ལ
251b5 ཆེན་པོ་ལྟ་བུ་དང་། བྲམ་ཟེ་ཤིང་སཱ་ལ་ཆེན་པོ་ལྟ་བུ་དང་། ཁྱིམ་བདག་ཤིང་སཱ་ལ་ཆེན་པོ་ལྟ་བུ་རྣམས་ཏེ། གཟུགས་འདི་འདྲ་བའི་ལྷ་དང་། དྲི་ཟ་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཏེ། དགེ་སློང་མ་སྔངས་པར་གྱུར་ཀྱང་རུང་མ་གྱུར་ཀྱང
251b6 རུང་ཉེས་བྱས་སུ་འགྱུར་རོ། ། དེ་བཞིན་དུ་སྒྲ་ཡིད་དུ་འོང་བ་འབྱིན་པར་བྱེད་པ་འདི་ལྟ་སྟེ། པི་བང་དང་། ལྕགས་ཀྱི་སིལ་ཀྲོལ་དང་། ཁར་རྔ་དང་། ཤིན་ཏུ་དབྱངས་སྙན་རྣམས་ཀྱི་སྟེ། སྒྲ་འདི་ལྟ་བུའི་ལྷ་ལ་སོགས་པ་ཞེས་བྱ་བ་ནས་ཉེས་བྱས་སོ་ཞེས
251b7 བྱ་བའི་བར་རོ། ། དེ་བཞིན་དུ་དྲི་ཡིད་དུ་འོང་བ་འབྱིན་པར་བྱེད་པ་འདི་ལྟ་སྟེ། ཨ་ག་རུ་དང་། ཙན་དན་དང་། དུ་རུ་སྐ་དང་། ག་བུར་ལ་སོགས་པའི་སྟེ། དྲི་འདི་ལྟ་བུའི་ལྷ་ལ་སོགས་པ་ཞེས་བྱ་བ་ནས་ཉེས་བྱས་སོ་ཞེས་བྱ་བའི་བར་རོ།།
iiif viewer powered by OpenSeadragon
