| e-texts navigator |
| Wylie |
250b1 གཞི་ནི་མཉན་ཡོད་ནའོ། ། གང་གི་ཚེ་བཅོམ་ལྡན་འདས་ཀྱིས་ཚེ་དང་ལྡན་པ་མ་འགགས་པ་ལ་བརྟེན་ཏེ་བུད་མེད་དང་གནས་གཅིག་ཏུ་ཉལ་བའི་བསླབ་པའི་གཞི་བཅའ་བ་མཛད་པ་དེའི་ཚེ་བཅུ་གཉིས་སྡེ་རྣམས་སྐྱེས་པ་དག་དང་གནས་གཅིག་ཏུ་ཉལ་བར་བྱེད་དོ།།
250b2 དེ་ནས་དགེ་སློང་མ་དེ་རྣམས་ཀྱིས་བཅུ་གཉིས་སྡེ་དག་ལ་འདི་སྐད་ཅེས་སྨྲས་སོ།། ཕུ་ནུ་མོ་དག་བཅོམ་ལྡན་འདས་ཀྱིས་གནས་གཅིག་ཏུ་ལྷན་ཅིག་ཉལ་བའི་བསླབ་པའི་གཞི་བཅའ་བ་མ་མཛད་དམ། དེ་དག་གིས་འདི་སྐད་ཅེས་དགེ་སློང་རྣམས་ལ་ཡིན་གྱི། དགེ
250b3 སློང་མ་རྣམས་ལ་ནི་མ་ཡིན་ནོ་ཞེས་སྨྲས་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ།
250b4 ཡང་དགེ་སློང་མ་གང་སྐྱེས་པ་དང་། གནས་གཅིག་ཏུ་ཉལ་བར་བྱེད་ན་ལྟུང་བྱེད་དོ།། ཡང་དགེ་སློང་མ་གང་ཞེས་བྱ་བ་ནི་བཅུ་གཉིས་སྡེ་དག་གོ།། སྐྱེས་པ་དང་ལྷན་ཅིག་ཅེས་བྱ་བ་ནི་སྐྱེས་པའི་དབང་པོ་དང་ལྡན་པ་དང་ངོ་།། གནས་གཅིག་ཏུ་ཉལ་ན་ཞེས་བྱ
250b5 བ་ནི་གནས་བཞི་པོ་དག་ཏུ་སྐྱ་རེངས་འཆར་བར་བྱེད་པའོ། ། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་སྟེང་ཁང་གི་གཞི་ན་ཉལ་བར་བྱེད་ལ། སྐྱེས་པ་ནི་ཤོད་ན་ཉལ་ན་དགེ་སློང་མ་དེས་སྐས་བརྟུལ་བར
250b6 བྱའོ། ། གལ་ཏེ་ཐེམ་སྐས་ཡིན་ན་དེར་ཡང་གཏན་པས་སྒོ་བཅད་ལ་དེའི་འོག་ཏུ་ཉལ་བར་བྱའོ།། གལ་ཏེ་སྐས་མ་བརྟུལ་ཏམ། གཏན་པས་སྒོ་མ་བཅད་པར་གློས་ཕབ་སྟེ་ཉལ་བར་བྱེད་ན་ལྟུང་བྱེད་དུ་འགྱུར་རོ།། དེ་བཞིན་དུ་བར་ཁང་ན་སྐྱེས་པ་ཉལ་ལ
250b7 ཤོད་ན་དགེ་སློང་མ་ཉལ་བར་བྱེད་ན་ལྟུང་བྱེད་དོ་ཞེས་བྱ་བའི་བར་རོ། ། དེ་བཞིན་དུ་སྟེང་ཁང་ན་སྐྱེས་པ་ཉལ་ལ་ཤོད་དུ་དགེ་སློང་མ་ཉལ་བར་བྱེད་ན་སྐས་བརྟུལ་བར་བྱ་བའམ། གཏན་པས་སྒོ་གཅད་པར་བྱའོ།། མ་བྱས་པར་ཉལ་བར་བྱེད་ན་ལྟུང་བྱེད
iiif viewer powered by OpenSeadragon
