| e-texts navigator |
| Wylie |
249b1 བླངས་པར་མ་གྱུར་གྲང་ཞེས་བྱ་བ་དང་། ལྟུང་བ་དང་བཅས་པར་མ་གྱུར་གྲང་ཞེས་བྱ་བ་དང་། ཁྱོད་མིའི་ཆོས་བླ་མའི་གཏམ་སྨྲ་བའི་བསམ་པས་གཏམ་མ་སྨྲས་གྲང་ཞེས་བྱ་བ་དང་། ཁྱོད་གནས་དེར་མ་སོང་ངམ། ཁྱོད་ཚངས་པ་མཚུངས་པར་སྤྱོད་པ
249b2 རྣམས་དང་མི་མཐུན་པར་མ་གྱུར་གྲང་། མི་འགྱུར་གྲང་ཞེས་བྱ་བ་སྟེ། དེ་ལྟ་བུ་ནི་འདུལ་བའི་ཡོ་བྱད་ཡིན་ནོ།། །། བར་སྡོམ་ནི། རིགས་དང་བསྙེན་པར་རྫོགས་པ་དང་།། མཁན་མོ་ཉིད་དང་དེ་འཕྲོག་དང་།། འགྲོ་བ་དང་ནི་སྨྲ་བ་དང་།། དོན་ཉིད
249b3 དང་ནི་འདུལ་བའོ། ། ལྟུང་བྱེད་ལྔ་པའི་ལྔ་པ་རྫོགས་།། །། གླེང་གཞི་ནི་མཉན་ཡོད་ནའོ།། དེའི་ཚེ་བཅུ་གཉིས་སྡེ་རྣམས་དགོད་པའི་བསམ་པས་སོར་མོས་དགེ་སློང་མ་རྣམས་ཀྱི་མཆན་ཁུང་དག་ཏུ་འཛུགས་ཤིང་ག་ག་ཚིལ་བྱེད་པ་ན་དོན་ཉུང
249b4 བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། སོར་མོས་ག་ག་ཚིལ་བྱེད་ན་ལྟུང་བྱེད་དོ།། སོར་མོ་ཞེས་བྱ་བ་ནི་ག
249b5 ག་ཚིལ་བྱ་བའི་བསམ་པ་ཅན་གྱི་གང་ཡིན་པའོ། ། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་སོར་མོ་གཅིག་གིས་ག་ག་ཚིལ་བྱེད་ན་ལྟུང་བྱེད་དོ།། དེ་བཞིན་དུ་གཉིས་དང་། ལྔའི་བར་གྱིས་བྱེད་ན་ལྟུང
249b6 བྱེད་ལྔའོ། ། གལ་ཏེ་སྨེ་བའམ་ནག་ནོག་སྟོན་ན་ལྟུང་བ་མེད་དོ།། ལྟུང་བྱེད་ལྔ་པའི་དྲུག་པ་རྫོགས་།། །། གླེང་གཞི་ནི་མཉན་ཡོད་ནའོ།། གང་གི་ཚེ་བཅོམ་ལྡན་འདས་ཀྱིས་བཅུ་བདུན་སྡེ་རྣམས་ལ་བརྟེན་ཏེ། ཆུ་ལ་རྩེ་བའི་བསླབ་པའི་གཞི་བཅའ
249b7 བར་མཛད་པ་དང་། དེ་ནས་བཅུ་གཉིས་སྡེ་དེ་དག་ཆུར་ཞུགས་ནས་རྩེ་བར་བྱེད། རྩེར་འཇུག་པར་བྱེད་པ་དང་། དེ་དག་ལ་དགེ་སློང་མ་རྣམས་ཀྱིས་འདི་སྐད་ཅེས་སྨྲས་སོ།། ཕུ་ནུ་མོ་དག་བཅོམ་ལྡན་འདས་ཀྱིས་བསླབ་པའི་གཞི་བཅའ་བ་མ་མཛད་དམ།
iiif viewer powered by OpenSeadragon
