| e-texts navigator |
| Wylie |
247b1 བྱིན་གྱིས་མ་བརླབས་ན་ཇི་སྲིད་དུ་ཆུ་ལྟེ་བར་སོན་གྱི་བར་དུ་ནི་ཉེས་བྱས་སོ།། ཆུ་ལྟེ་བ་ལས་འདས་ན་ལྟུང་བྱེད་དོ།། དགེ་སློང་མས་འཇུག་པའི་ཁྲུས་ཀྱིས་ཁྲུས་བྱེད་ན་དེས་དུས་བྱིན་གྱིས་བརླབ་པར་བྱའོ།། བྱིན་གྱིས་མ་བརླབས་ན་ཇི་སྲིད་དུ་ཆུ་ལྟེ་བར་སོན་གྱི་བར་དུ
247b2 ཉེས་བྱས་སོ། ། ཆུ་ལྟེ་བ་ལས་འདས་ན་ལྟུང་བྱེད་དོ།། དེ་བཞིན་དུ་དབང་བསྐུར་བའི་ཁྲུས་ཀྱིས་ཁྲུས་བྱས་ནས་འཇུག་པའི་ཁྲུས་འདོད་ན་དུས་གཞན་བྱིན་གྱིས་བརླབ་པར་བྱའོ།། བྱིན་གྱིས་མ་བརླབས་ན་ཇི་སྲིད་དུ་ཆུ་ལྟེ་བར་སོན་གྱི་བར་དུ་ཉེས་བྱས་སོ།། འདས་ན་ལྟུང་བྱེད་དོ།།
247b3 དེ་བཞིན་དུ་འཇུག་པའི་ཁྲུས་ཀྱིས་ཁྲུས་བྱས་ནས་དབང་བསྐུར་བའི་ཁྲུས་ཀྱིས་ཁྲུས་བྱེད་པར་འདོད་ན། དེ་ཡང་ཞེས་བྱ་བ་ནས་ཇི་སྲིད་དུ་ཆུས་ལྟེ་བར་སོན་གྱི་བར་དུ་ནི་ཉེས་བྱས་སོ།། འདས་ན་ལྟུང་བྱེད་དོ།། དེ་བཞིན་དུ་དྲོན་མོའི་ཁྲུས་བྱས་ནས་བསིལ་བའི་ཁྲུས་འདོད་ན། དེ་ཡང
247b4 ཞེས་བྱ་བ་ནས་ཉེས་བྱས་སོ། ། འདས་ན་ལྟུང་བྱེད་དོ།། དེ་བཞིན་དུ་བསིལ་བའི་ཁྲུས་བྱས་ནས་དྲོན་མོའི་ཁྲུས་འདོད་ན། དེ་ཡང་ཞེས་བྱ་བ་ནས་ཉེས་བྱས་སོ།། འདས་ན་ལྟུང་བྱེད་དོ།། དེ་བཞིན་དུ་གལ་ཏེ་ཁྲུས་དེ་ཉིད་ཀྱིས་ཡང་བྱེད་པར་འདོད་ན་དེ་སྲིད་དུ་དུས་གཞན་བྱིན་གྱིས
247b5 བརླབ་པར་བྱའོ། ། གལ་ཏེ་བརྒྱལ་བ་ལ་ཆུས་གཏོར་བ་དང་། རྒལ་ཏེ་འགྲོ་བ་དང་། མཆོངས་པ་ན་ཆུར་ལྟུང་བ་དང་། ཆུ་བོ་རྒལ་བའམ། མཚོ་ཆེན་པོ་རྒལ་བ་ན་ཆུར་ནུབ་པ་ལ་ནི་ལྟུང་བ་མེད་དོ།། ལྟུང་བྱེད་ལྔ་པའི་གསུམ་པ་རྫོགས་།། །། གླེང་གཞི
247b6 ནི་མཉན་ཡོད་ནའོ། ། གང་གི་ཚེ་བཅོམ་ལྡན་འདས་ཀྱིས་འཆར་ཀ་ལ་བརྟེན་ཏེ་ཆེད་དུ་བསམས་པའི་དུད་འགྲོའི་སྐྱེ་གནས་ཀྱི་བསླབ་པའི་གཞི་བཅའ་བ་མཛད་པ་དེའི་ཚེ་བཅུ་གཉིས་སྡེ་དེ་དག་གིས་ཆེད་དུ་བསམས་པ་དང་། ཆེད་དུ་མ་བསམས་པར་དུད
247b7 འགྲོའི་སྐྱེ་གནས་སུ་གཏོགས་པའི་སྲོག་ཆགས་རྣམས་ཀྱི་སྲོག་གཅོད་པར་བྱེད་པ་དང་། དོན་ཉུང་བའི་དགེ་སློང་མ་དག་སྨོད་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི
iiif viewer powered by OpenSeadragon
