| e-texts navigator |
| Wylie |
247a1 བའི་བར་དུ་མཛད་དེ། བཅོམ་ལྡན་འདས་ཀྱིས་ཟླ་བ་ཕྱེད་ཕྱེད་ཅིང་ཁྲུས་བྱའོ་ཞེས་གསུངས་པ་དེ་ལས་འདུམས་པར་བྱེད་ན་དུས་མ་གཏོགས་ཏེ་ལྟུང་བྱེད་དོ།། དེ་ལ་དུས་ནི་འདི་ཡིན་ཏེ། སོ་ག་རྣམས་ཀྱི་ཟླ་བ་ཕྱེད་དང་གཉིས་དང་། དབྱར་རྣམས
247a2 ཀྱི་ཟླ་བ་དང་པོ་དང་། ཟླ་བ་ཕྱེད་དང་གསུམ་པོ་དེ་དག་ནི་ཚ་བའི་དུས་སོ།། ལྷག་མ་ནི་ན་བ་དུས་སོ།། ལས་དུས་སོ།། ལམ་དུས་སོ།། རླུང་དུས་སོ།། ཆར་དུས་སོ།། རྫི་ཆར་དུས་ཏེ། དེ་ལ་དེ་ནི་དུས་ཡིན་ནོ།། ཟླ་བ་ཕྱེད་ཅིང་ཞེས་བྱ་བ་ནི་ཟླ་བའི་ངོ་ཕྱེད་ཅིང
247a3 ངོ་། ། ཁྲུས་ཞེས་བྱ་བ་ལ་ཁྲུས་ནི་རྣམ་པ་གཉིས་ཏེ། དབང་བསྐུར་བའི་ཁྲུས་དང་། འཇུག་པའི་ཁྲུས་སོ།། དུས་མ་གཏོགས་ཏེ་ཞེས་བྱ་བ་ནི་དུས་བཞག་སྟེའོ།། དེ་ལ་དེ་ནི་དུས་ཡིན་ནོ་ཞེས་བྱ་བ་ནི་སོ་ག་རྣམས་ཀྱི་ལྷག་མ་ཟླ་བ་ཕྱེད་དང་གཉིས་དང་། དབྱར་རྣམས
247a4 ཀྱི་དང་པོ་ཞེས་བྱ་བ་ནི་ཐོག་མའི་ཟླ་བ་སྟེ་དབྱར་ཟླ་ར་བ་དང་། ཟླ་བ་ཕྱེད་དང་གསུམ་པོ་འདི་དག་ནི་ཚ་བའི་དུས་སོ།། ལྷག་མ་ནི་ན་བའི་དུས་སོ།། ཞེས་བྱ་བ་ནི་ཁྲུས་མ་བྱས་ན་ན་བར་འགྱུར་བའོ།། ལས་དུས་སོ་ཞེས་བྱས་ཏེ་ཁྲུས་བྱའོ་ཞེས་བྱ་བ་ནི་ལས་དག་བྱས
247a5 པས་དེ་དག་དུབ་པར་གྱུར་པའོ། ། ལམ་དུས་སོ་ཞེས་བྱས་ཏེ་ཁྲུས་བྱའོ་ཞེས་བྱ་བ་ནི་དཔག་ཚད་ཕྱེད་དམ་དཔག་ཚད་གཅིག་གི་ལམ་ནས་འོངས་པས་དེ་དག་དུབ་པར་གྱུར་པའོ།། རླུང་དུས་སོ་ཞེས་བྱས་ཏེ་ཁྲུས་བྱའོ་ཞེས་བྱ་བ་ནི་རླུང་གིས་དཀྲུགས་པར་གྱུར་པ་སྟེ།
247a6 ཐ་ན་ཆོས་གོས་ཀྱི་གྲཝ་ཙམ་རླུང་གིས་བསྒུལ་བར་གྱུར་པའོ།། ཆར་དུས་སོ་ཞེས་བྱས་ཏེ་ཁྲུས་བྱའོ་ཞེས་བྱ་བ་ནི་ཆར་གྱི་ཐིགས་པ་གཉིས་སམ་གསུམ་ལུས་ལ་བབ་པར་གྱུར་པ་ནི་ཆར་གྱི་དུས་ཡིན་ནོ།། རྫི་ཆར་དུས་སོ་ཞེས་བྱས་ཏེ་ཁྲུས་བྱའོ་ཞེས་བྱ་བ་ནི་དེ་རླུང་གིས་ཀྱང
247a7 བསྒུལ་ལ་ཆར་གྱི་ཐིགས་པ་གཉིས་སམ་གསུམ་ཡང་ལུས་ལ་བབ་པར་གྱུར་པའོ། ། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་དབང་བསྐུར་བའི་ཁྲུས་ཀྱིས་ཁྲུས་བྱེད་ན། དེས་དུས་བྱིན་གྱིས་བརླབ་པར་བྱའོ།།
iiif viewer powered by OpenSeadragon
