| e-texts navigator |
| Wylie |
242b1 གྱི་གཞན་ནི་གཏི་མུག་གོ་ཞེས་བྱ་བའི་བར་རོ། ། དེ་གཉིས་ལ་དགེ་འདུན་གྱིས་གསོལ་བ་དང་བཞིའི་ལས་ཀྱིས་བསྒོ་སྟེ། དེ་གཉིས་ལ་གསོལ་བ་དང་བཞིའི་ལས་ཀྱིས་བསྒོ་བ་ན་ཞེས་བྱ་བ་ནས་འདི་ཉིད་བདེན་གྱི་གཞན་ནི་གཏི་མུག་གོ་ཞེས་བྱ་བའི་བར་དུ་མཆི་ནས
242b2 འཕགས་མའི་དགེ་འདུན་གྱིས་དགེ་ཚུལ་མ་མཛེས་མ་དང་། རྒྱལ་མ་སྡིག་པ་ཅན་གྱི་ལྟ་བར་སོང་བ་དེ་གཏོང་དུ་མི་བཏུབ་པ་དེ་གཉིས་ལ་བསྙིལ་བའི་ཕྲིན་ལས་མཛད་པར་གང་དག་བཟོད་པ་དེ་དག་ནི་ཅང་མ་གསུང་ཤིག། གང་དག་མི་བཟོད་པ་དེ་དག་ནི་གསུང
242b3 ཤིག། འདི་ནི་ལས་བརྗོད་པ་དང་པོ་ཡིན་ནོ།། དེའི་འོག་ཏུ་དེ་གཉིས་ལ་བསྒོ་བར་བྱ་སྟེ། གལ་ཏེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་ལན་གཉིས་སུ་ཡང་དོན་དེ་ཉིད་བརྗོད་པར་བྱའོ།། འཕགས་མའི་དགེ་འདུན་ཕུ་ནུ་མོ་དག་བདག་ལ་གསན
242b4 དུ་གསོལ་ཞེས་བྱ་བ་ནས། ལན་གཉིས་པ་ཉིད་བརྗོད་པ་བྱས་ནས་ཡང་བསྒོ་བར་བྱ་སྟེ། གལ་ཏེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་ལན་གསུམ་དུ་ཡང་དོན་དེ་ཉིད་བརྗོད་པར་བྱའོ།། འཕགས་མའི་དགེ་འདུན་ཕུ་ནུ་མོ་དག་བདག་ལ་གསན་དུ
242b5 གསོལ་ཞེས་བྱ་བ་ནས། འཕགས་མའི་དགེ་འདུན་གྱིས་དགེ་ཚུལ་མ་མཛེས་མ་དང་། རྒྱལ་མ་སྡིག་པ་ཅན་གྱི་ལྟ་བར་སོང་བ་དེ་གཏོང་དུ་མི་བཏུབ་པ་ལ་བསྙིལ་བའི་ཕྲིན་ལས་མཛད་པར་འཕགས་མའི་དགེ་འདུན་གྱིས་བཟོད་ཅིང་གནང་ནས། འདི་ལྟར་ཅང་མི
242b6 གསུང་བས་དེ་དེ་བཞིན་དུ་འཛིན་ཏོ། ། དེ་ནས་དགེ་ཚུལ་མ་དེ་གཉིས་ངུ་ཞིང་མཁན་མོའི་དྲུང་དུ་དོང་སྟེ་ཕྱིན་ནས་མཁན་མོ་ལ་འདི་སྐད་ཅེས་སྨྲས་སོ།། མཁན་མོ་བདག་ཅག་ལ་དགེ་སློང་མའི་དགེ་འདུན་གྱིས་བསྙིལ་བའི་ཕྲིན་ལས་མཛད་ལགས་སོ།། དེ་ནས་སྦོམ་དགའ
242b7 མོས་དགེ་ཚུལ་མ་དེ་གཉིས་ལ་འདི་སྐད་ཅེས་སྨྲས་སོ། ། བསྙིལ་བའི་ལས་བྱས་པ་རྣམས་ལ་ཅི་ཁམས་གསུམ་ཡང་མ་ལུས་སམ། གྲོང་དང་། ལྗོངས་དག་ཀྱང་མེད་དམ་ཅི་ཞེས་ད་བསྙིལ་བའི་ལས་བྱས་པ་དེ་གཉིས་དང་ལྷན་ཅིག་གཏམ་འདྲེ་བར་བྱེད། ཕེབས་པར
iiif viewer powered by OpenSeadragon
