| e-texts navigator |
| Wylie |
235b1 བཞིན་དུ་མེ་འཐོར་བར་བྱེད་དམ་སྤུང་བར་བྱེད་ན་ཡང་ལྟུང་བྱེད་དོ། ། དགེ་སློང་མས་མགལ་མེ་བླངས་ཏེ་མགལ་མེའི་འཁོར་ལོ་སྐོར་བར་བྱེད་ན་ལྟུང་བྱེད་དོ། ཞེས་བྱ་བ་ནས་དེ་བཞིན་དུ་མདག་མ་ལ་རི་མོ་འདྲི་བར་བྱེད་ན་ལྟུང་བྱེད་དོ་ཞེས་བྱ་བའི་བར་རོ།། དགེ་སློང་མས་མདག་མ་ལེན
235b2 ན་གལ་ཏེ་དུས་བྱིན་གྱིས་རློབ་ན་དེ་ལྟ་ན་ལེགས། གལ་ཏེ་མི་བྱེད་ན་ཉེས་བྱས་སོ།། གལ་ཏེ་ནད་པའི་ཕྱིར་བླ་གབ་མེད་པར་སྣོད་དུ་བཙོ་བ་འཚེད་དམ། དེ་བཞིན་དུ་ཚོན་རྩིའི་ལས་དང་། ལྷུང་བཟེད་ཀྱི་ལས་བྱེད་པ་སྟེ། ཐམས་ཅད་དུ་དུས་བྱིན་གྱིས་བརླབས་ན་ལྟུང་བ་མེད་དོ།།
235b3 ལྟུང་བྱེད་བཞི་པའི་བརྒྱད་པ་རྫོགས་།། །། གླེང་གཞི་ནི་མཉན་ཡོད་ནའོ།། གང་གི་ཚེ་བཅོམ་ལྡན་འདས་ཀྱིས་བཅུ་བདུན་སྡེ་རྣམས་ལ་བརྟེན་ནས་དགེ་འདུན་གྱི་བྱ་བ་ཆོས་དང་ལྡན་པའི་བསླབ་པའི་གཞི་བཅའ་བ་མཛད་པ། དེའི་ཚེ་རང་བཞིན་དུ་གནས་པའི་དགེ་སློང་མ་རྣམས
235b4 དགེ་འདུན་གྱི་བྱ་བ་ཆོས་དང་ལྡན་པས་དགེ་འདུན་གྱི་བྱ་བ་བྱེད་དོ། ། དེའི་ཚེ་བཅུ་གཉིས་སྡེ་དེ་རྣམས་ཀྱིས་དགེ་འདུན་གྱི་བྱ་བ་ཆོས་དང་ལྡན་པ་ལ་འདུན་པ་བྱིན་ཟིན་ནས་མི་སྦྱིན་ནོ།། ཉེས་པར་བྱིན་ནོ།། མི་མཐུན་པས་བྱས་ཀྱི། མཐུན་པས་མ་ཡིན་ནོ་ཞེས་སྨྲ་བ་ན་དོན་ཉུང
235b5 བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དགེ་འདུན་གྱི་བྱ་བ་ཆོས་དང་ལྡན་པ་ལ་འདུན་པ་བྱིན་ནས་དེའི་འོག
235b6 ཏུ་སྤོང་བའི་ཆོས་སུ་བྱེད་ཅིང་། དགེ་སློང་མ་འདུན་པ་ཕྱིར་བྱིན་ཅིག་ཁྱོད་ལ་མི་སྦྱིན་ནོ་ཞེས་ཟེར་ན་ལྟུང་བྱེད་དོ།། ཡང་དགེ་སློང་མ་གང་ཞེས་བྱ་བ་ནི་བཅུ་གཉིས་སྡེ་དག་གོ།། དགེ་འདུན་གྱི་བྱ་བ་ཆོས་དང་ལྡན་པ་ལ་ཞེས་བྱ་བ་ནི་དགེ་འདུན་གྱི་ཆོས་དང་ལྡན་པའི་དགེ་འདུན་གྱི
235b7 བྱ་བ་གསོལ་བ་དང་། གསོལ་བ་དང་གཉིས་དང་། གསོལ་བ་དང་བཞིའི་ལས་དག་གོ།། འདུན་པ་བྱིན་ནས་ཞེས་བྱ་བ་ནི་བློ་གྲོས་བྱིན་ནས་སོ།། དེའི་འོག་ཏུ་ཞེས་བྱ་བ་ནི་དུས་གཞན་ནའོ།། སྤོང་བའི་ཆོས་སུ་བྱེད་ཅིང་ཞེས་བྱ་བ་ནི་འདི་སྐད་ཅེས་ཁོ་མོས་འདུན་པ་མ
iiif viewer powered by OpenSeadragon
