| e-texts navigator |
| Wylie |
234b1 འདི་སྐད་ཅེས་བཤོས་མ་བཀུམ་གྲང་ཞེས་སྨྲས་པ་དང་། དེ་དག་གིས་སྐབས་དེ་དགེ་སློང་མ་རྣམས་ལ་སྨྲས་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ
234b2 ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཀླན་ཀ་ཚོལ་བས་ཅི་ནས་ཀྱང་དགེ་སློང་མ་འདི་ལ་ཀླན་ཀ་བཙལ་བར་འགྱུར་རོ་སྙམ་པ་དེ་ཉིད་རྐྱེན་དུ་བྱས་ཏེ། དགེ་སློང་མ་ལ་འདི་སྐད་ཅེས་འཕགས་མ་ཁྱོད་ཚུར་ཁྱིམ་དག་ཏུ་བཞུད་དོ།། དེར
234b3 ཁྱོད་ལ་བཟའ་བ་དང་བཅའ་བ་བསོད་པ་དག་ཇི་ཙམ་འདོད་པ་སྦྱིན་དུ་གཞུག་གོ། ཞེས་སྨྲས་ནས་དེས་དེ་ལ་བཟའ་བ་དང་། བཅའ་བ་བསོད་པ་དག་ཇི་ཙམ་འདོད་པར་སྦྱིན་དུ་མ་བཅུག་པར་དེའི་འོག་ཏུ་འདི་སྐད་ཅེས་འཕགས་མ་ཁྱོད་དང་ཁོ་མོ་ལྷན་ཅིག་སྨྲ་བའམ་འདུག་པ
234b4 བདེ་བ་མ་ཡིན་ནོ། ། དེ་ལྟ་མོད་ཀྱི་ཁོ་མོ་གཅིག་པུ་སྨྲའམ་འདུག་ན་བདེས། ཁྱོད་སོང་ཤིག་ཅེས་ཟེར་ན་ལྟུང་བྱེད་དོ།། ཡང་དགེ་སློང་མ་གང་ཞེས་བྱ་བ་ནི་བཅུ་གཉིས་སྡེ་དག་གོ།། དགེ་སློང་མ་ལ་ཞེས་བྱ་བ་ནི་བཅོམ་ལྡན་འདས་ཀྱི་ཉན་ཐོས་མ་ལའོ།། འདི་སྐད་ཅེས
234b5 ཟེར་ན་ཞེས་བྱ་བ་ནི་སྨྲ་ནའོ། ། ཚུར་ཁྱིམ་དག་ཏུ་བཞུད་དང་ཞེས་བྱ་བ་ནི་བྲམ་ཟེ་དང་། ཁྱིམ་བདག་གི་ཁྱིམ་རྣམས་སུའོ།། དེར་ཁྱོད་ལ་བཟའ་བ་དང་བཅའ་བ་བསོད་པ་དག་སྦྱིན་དུ་གཞུག་གོ་ཞེས་བྱ་བ་ནི་བཅའ་བ་ལྔ་དང་། བཟའ་བ་ལྔའོ།། ཇི་ཙམ་འདོད་པར་ཞེས
234b6 བྱ་བ་ནི་ཇི་ཙམ་ཟ་འདོད་པའོ། ། དེས་དེ་ལ་སྦྱིན་དུ་མ་བཅུག་པར་འདི་སྐད་ཅེས་ཁྱོད་དང་ཁོ་མོ་ལྷན་ཅིག་བདེ་བ་མ་ཡིན་ནོ་ཞེས་བྱ་བ་ནི་ཁྱོད་དང་ལྷན་ཅིག་དགའ་བ་མ་ཡིན་པའོ།། སྨྲའམ་ཞེས་བྱ་བ་ནི་ཚིག་གོ།། འདུག་པའམ་ཞེས་བྱ་བ་ནི་འཁོད་པའོ།། ཀླན་ཀ་ཚོལ་བ་ཞེས
234b7 བྱ་བ་ནི་ཐོ་བཙམ་པའི་གླགས་ཚོལ་བའོ། ། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཀླན་ཀ་ཚོལ་བས་དེ་སྐད་ཅེས་སྨྲས་ན་ཐམས་ཅད་དུ་ལྟུང་བྱེད་དུ་འགྱུར་རོ།། གལ་ཏེ་སྨན་པའི་ལུང་ཡོད
iiif viewer powered by OpenSeadragon
