| e-texts navigator |
| Wylie |
234a1 ཡང་དགེ་སློང་མ་གང་ཤེས་བཞིན་དུ་དགེ་སློང་མའི་གནས་ངན་ལེན་གྱི་ལྟུང་བ་འཆབ་ན་ལྟུང་བྱེད་དོ།། ཡང་དགེ་སློང་མ་གང་ཞེས་བྱ་བ་ནི་བཅུ་གཉིས་སྡེ་དག་གོ།། གནས་ངན་ལེན་ཞེས་བྱ་བ་ནི་གནས་ངན་ལེན་གཉིས་ཏེ། ཕས་ཕམ་པར་གྱུར
234a2 པས་ཀུན་ནས་བསླང་བ་དང་། དགེ་འདུན་ལྷག་མས་ཀུན་ནས་བསླང་བའོ།། འཆབ་ན་ཞེས་བྱ་བ་ནི་གཞན་ལ་མི་སྨྲ་བའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་དགེ་སློང་མ་ལ་ཕས་ཕམ་པར་འགྱུར་བས་ཀུན
234a3 ནས་བསླང་བའི་ལྟུང་བ་བྱུང་བ་མཐོང་ལ་དེ་ཡིས་དེ་བཅབ་པར་སེམས་བསྐྱེད་ན་ལྟུང་བྱེད་དོ། ། དེ་བཞིན་དུ་དགེ་འདུན་ལྷག་མ་དང་། དེ་བཞིན་དུ་ལྟུང་བྱེད་དང་། སོ་སོར་བཤགས་པར་བྱ་བ་དང་། ཉེས་བྱས་ལ་ནི་ཉེས་བྱས་སོ།། གལ་ཏེ་ཐབ་མོར་གྱུར་ན་ལྟུང་བ་མེད་དོ།།
234a4 ལྟུང་བྱེད་བཞི་པའི་དྲུག་པ་རྫོགས་།། །། གླེང་གཞི་ནི་མཉན་ཡོད་ནའོ།། དེ་ནས་བཅུ་གཉིས་སྡེ་རྣམས་ཀྱིས་བསམས་པ། ཚེམ་བུ་པ་ལྷུང་བཟེད་ནག་པོ་ཅན་འདི་དག་གིས་ཁོ་བོ་ཅག་དགེ་སློང་མ་རྣམས་ཀྱི་མདུན་དུ་ཐོ་བཙམས་ན། ཁོ་མོ་ཅག་གིས་འདི་དག་ལ་གནོད
234a5 པ་ཅི་ཞིག་བྱ་སྙམ་མོ། ། དེ་ནས་སྦོམ་དགའ་མོ་དང་། གཙུག་དགའ་མོས་འདི་སྐད་ཅེས་སྨྲས་སོ།། ལན་དུ་ཐོ་བཙམ་པར་བྱ་བ་ལྟ་བླའོ་ཞེས་དེ་དག་གིས་དགེ་སློང་མ་རྒན་མོ་རྒན་མོ་རྣམས་སྲང་དང་། སུམ་མདོ་དང་། བཞི་མདོ་རྣམས་སུ་མགྲོན་དུ་བོས་ནས། ཇི་སྲིད་ཀྱི
234a6 ཟན་འཆད་པ་དེ་སྲིད་འཁྱམ་དུ་བཅུག་གོ། ། བཅུ་གཉིས་སྡེ་རྣམས་ཀྱིས་ནི་གཉིས་ཤིང་གཉིས་ཤིང་གསང་ནས་བྲམ་ཟེ་དང་ཁྱིམ་བདག་གི་ཁྱིམ་རྣམས་སུ་སོང་སྟེ། བསོད་སྙོམས་ཟོས་སོ།། དེ་ནས་དགེ་སློང་མ་རྒན་མོ་རྒན་མོ་དེ་དག་དབྱར་ཁང་དུ་འོངས་ནས་འཕྲེས་ཏེ
234a7 འདུག་པ་དང་། དེ་དག་གི་ལྷན་ཅིག་གནས་པ་དང་། ཉེ་གནས་རྣམས་ཀྱིས་སྨྲས་པ། འཕགས་མ་དག་གལ་ཏེ་ཟས་གཞན་གྱི་ལགས་ཞེས་ཏེ། ལྟོ་ཡང་གཞན་གྱི་ལགས་སམ་ཅི། དེ་དག་གིས་འདི་སྐད་ཅེས་སྨྲས་སོ།། དེ་རིང་སུས་ཟོས་པ་ཡིན་གྲང་། དེ་དག་གིས
iiif viewer powered by OpenSeadragon
