| e-texts navigator |
| Wylie |
232b1 ཚུན་ཆད་ནི་ཉེ་དུ་ཡིན་ནོ། ། དགེ་སློང་ཞེས་བྱ་བ་ནི་ཆོས་འདི་པའོ།། རྙིང་པ་དག་ཅེས་བྱ་བ་ནི་དུས་ཚིགས་གསུམ་པོ་དགུན་དང་དཔྱིད་དང་། དབྱར་གང་ཡང་རུང་བའི་དུས་ཚིགས་སུ་ལོངས་སྤྱད་པར་གྱུར་པའོ།། གོས་ཞེས་བྱ་བ་ནི་བདུན་པོ་གང་ཡང་རུང་བའོ།། འཁྲུའམ
232b2 ཞེས་བྱ་བ་ནི་ཐ་ན་ཆུ་ལན་གཅིག་ལྡུགས་པ་ཡང་ངོ་། ། ཁ་སྒྱུར་རམ་ཞེས་བྱ་བ་ནི་ཐ་ན་ཚོན་གྱི་ནང་དུ་ལན་གཅིག་འཇུག་པ་ཡང་ངོ་།། འཆག་ན་ཞེས་བྱ་བ་ནི་ཐ་ན་ལག་མཐིལ་གྱིས་ལན་གཅིག་རྡེབས་ན་ཡང་ངོ་།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར
232b3 འགྱུར་ཞེ་ན། དགེ་སློང་མས་ཉེ་དུ་མ་ཡིན་པའི་འདུ་ཤེས་ཀྱིས་དགེ་སློང་ཉེ་དུ་མ་ཡིན་པའི་འཁྲུ་ན་ལྟུང་བྱེད་དོ།། ཁ་སྒྱུར་ན་ལྟུང་བྱེད་དོ།། འཆག་ན་ལྟུང་བྱེད་དོ།། དེ་བཞིན་དུ་ཉེ་དུ་མ་ཡིན་པ་ལ་ཡིད་གཉིས་ཀྱིས་འཁྲུ་ན་ལྟུང་བྱེད་དོ།། ཁ་སྒྱུར་ན་ལྟུང་བྱེད་དོ།། འཆག་ན་ལྟུང་བྱེད
232b4 དོ། ། དགེ་སློང་མས་དགེ་སློང་ཉེ་དུ་ལ་ཉེ་དུ་མ་ཡིན་པའི་འདུ་ཤེས་ཀྱིས་འཁྲུ་ན་ཉེས་བྱས་སོ།། ཁ་སྒྱུར་ན་ཉེས་བྱས་སོ།། འཆག་ན་ཉེས་བྱས་སོ།། དེ་བཞིན་དུ་ཉེ་དུ་ལ་ཡིད་གཉིས་ཀྱིས་འཁྲུ་ན་ཉེས་བྱས་སོ།། ཁ་སྒྱུར་ན་ཉེས་བྱས་སོ།། འཆག་ན་ཉེས་བྱས་སོ།། ཕ་དང་བུ་དང
232b5 མིང་པོ་དག་གི་ལ་ལྟུང་བ་མེད་དོ། ། ལྟུང་བྱེད་བཞི་པའི་གསུམ་པ་རྫོགས་།། །། གླེང་གཞི་ནི་མཉན་ཡོད་ནའོ།། གང་གི་ཚེ་བཅུ་བདུན་སྡེ་རྣམས་ལ་བརྟེན་ནས་བཅོམ་ལྡན་འདས་ཀྱིས་དགེ་སློང་རྣམས་ལ་སྦེད་པའི་བསླབ་པའི་གཞི་བཅའ་བ་མཛད་པ་དང་། དེ་ནས་བཅུ
232b6 གཉིས་སྡེ་རྣམས་རྒོད་པའི་བསམ་པས་དགེ་སློང་རྣམས་ཀྱི་གོས་དག་སྦེད་པར་བྱེད་པ་དང་། དོན་ཉུང་བའི་དགེ་སློང་མ་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ
232b7 མཛད་དེ། ཡང་དགེ་སློང་མ་གང་དགེ་སློང་གིའམ། དགེ་སློང་མའི་འམ། དགེ་སློབ་མའི་འམ། དགེ་ཚུལ་ལམ། དགེ་ཚུལ་མའི་ལྷུང་བཟེད་དམ། ཆོས་གོས་སམ། དྲ་བའམ། ཚྭ་ཁུག་གམ། སྐ་རགས་སྦེད་དམ། སྦེད་དུ་འཇུག་ན་ལྟུང་བྱེད་དོ།། ཡང་དགེ་སློང
iiif viewer powered by OpenSeadragon
