| e-texts navigator |
| Wylie |
231b1 བྱེད་ཀྱི་ཚལ་དུ་སོང་བ་དང་ཉེ་འདི་སྐད་ཅེས་སྨྲས་སོ། ། དགོས་པ་ཅི་ཞིག་ལ་འོངས། དེ་ནས་སྦེད་མས་འདི་སྐད་ཅེས་སྨྲས་སོ།། རབ་ཏུ་འབྱུང་ངོ་།། ཉེ་འདི་སྐད་ཅེས་སྨྲས་སོ།། འཆར་ཀ་ནི་ཡུལ་ཀོ་ས་ལའི་སྤུ་གྲི་རྟུལ་བས་ཡུལ་མ་ག་དྷཱར་སྤུ་གྲིའི་ཕྱིར་སོང
231b2 ངོ་། ། དེ་ནས་སྦེད་མ་དེ་བདག་རབ་ཏུ་ཡང་མ་བྱུང་ལ་ཁྱིམ་ན་གནས་པར་ཡང་མ་གྱུར་ཏོ་སྙམ་དུ་སེམས་ཁོང་དུ་ཆུད་ཅིང་འདུག་པ་དང་། དགེ་སློང་མ་འཆག་པ་གཞན་ཞིག་གིས་སྦེད་མ་སྐྱེ་དགུའི་བདག་མོ་ཆེན་མོ་ལ་གཏད་ནས་ཞེས་བྱ་བ་ནས། རབ་ཏུ་ཕྱུང་ངོ་ཞེས་བྱ་བའི་བར
231b3 རོ། ། དེ་ནས་འཆར་ཀ་དབྱར་གྱི་ཟླ་བ་གསུམ་པོ་དག་འདས་ནས་མཉན་ཡོད་དུ་ཕྱིན་པ་དང་། སྦེད་མས་འཆར་ཀ་འོངས་སོ་ཞེས་ཐོས་ནས། དེ་ནས་དགེ་སློང་མ་སྦེད་མ་འཆར་ཀ་གང་ན་བ་དེར་སོང་སྟེ་སོན་པ་དང་གནས་ཁང་གི་སྒོ་ལ་བརྡེགས་སོ།། དེ་ནས་འཆར་ཀས
231b4 འདི་སུ་ཞིག་ཅེས་དྲིས་སོ། ། དེས་འདི་སྐད་ཅེས་སྨྲས་སོ།། བདག་སྦེད་མ་ལགས་སོ།། དེ་ནས་འཆར་ཀས་འདི་སྐད་ཅེས་སྨྲས་སོ།། ཁྱིམ་བདག་གི་ཆུང་མ་ནང་དུ་ཞུགས་ཤིག། དེས་འདི་སྐད་ཅེས་སྨྲས་སོ།། བདག་ཁྱིམ་བདག་གི་མཆིས་འབྲང་མ་ལགས་ཏེ། བདག
231b5 རབ་ཏུ་བྱུང་བ་ལགས་སོ། ། དེས་ཁྱོད་སུས་གནང་ན་འདི་ལྟར་ཁྱོད་རབ་ཏུ་བྱུང་ཞེས་སྤྱོས་པ་དང་། དེ་ནས་སྦེད་མས་འཆར་ཀ་ལ་བཟོད་པ་གསོལ་ཏོ།། དེ་ནས་དེའི་འོག་ཏུ་འཆར་ཀས་སྦེད་མ་ལ་ཆོས་བཤད་པར་བརྩམས་པ་དང་། ཇི་ཙམ་ན་ཀུན་དུ་ཆགས
231b6 པར་གྱུར་ཏོ། ། བཅོམ་ལྡན་འདས་ཀྱིས་བུད་མེད་མཁས་པའི་རང་བཞིན་ཅན་ནི་སྐྱེས་པ་ཆགས་པ་ཤེས་སོ་ཞེས་གསུངས་པ་ཡིན་པས་ཇི་ཙམ་ན་འཕྲིགས་ནས་གཅི་བའི་བརྡ་བྱས་ཏེ་བྲོས་སོ།། འཆར་ཀ་ཡང་རྐང་པའི་སྒྲ་ལ་མཁས་པ་ཡིན་པས་རིག་ནས་ཕྱི་བཞིན
231b7 བརྒྱུགས་པ་དང་། དེའི་བརླ་ལ་རེག་པས་སྨད་གཡོགས་གཤེར་ཏོ།། སྦེད་མས་འདོད་ཆགས་དང་བྲལ་བར་རིག་ནས་འཆར་ཀ་གང་ན་བ་དེར་སོང་སྟེ་ཕྱིན་ནས་སྦེད་མས་འཆར་ཀ་ལ་འདི་སྐད་ཅེས་སྨྲས་སོ།། འཕགས་པ་འཆར་ཀ་གལ་ཏེ་བདག་གིས་དེ་ལྟར་མ
iiif viewer powered by OpenSeadragon
