| e-texts navigator |
| Wylie |
231a1 ཁྱད་པར་ནི་འདི་ཡོད་དེ། དགེ་སློང་མ་དེ་རྣམས་ཁོ་ན་ལ་ཞེས་བྱ་བ་ནས་ཐལ་མོ་གཟས་པ་དང་། ཞེས་བྱ་བའི་བར་རོ།། ཇི་ཙམ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང
231a2 བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློང་མ་ལ་རྡེག་པར་གཟས་ན་ཐ་ན་ཐལ་མོས་ཀྱང་རུང་སྟེ་ལྟུང་བྱེད་དོ།། ཡང་དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ།། གཞན
231a3 ནི་སྔ་མ་བཞིན་ནོ། ། ཁྱད་པར་ནི་འདི་ཡོད་དེ། གཟས་ན་ཞེས་བྱ་བ་ནི་གདེངས་ནས་མ་བརྒྱབ་པའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དེ་ཁོ་ན་བཞིན་དུ་ལྟུང་བའི་རིམ་པ་བརྗོད་པར་བྱ་སྟེ། དགེ་སློང་མས་ཇི་ཙམ་ཅུང་ཟད
231a4 དགེ་སློང་མ་ལ་གཟས་ན་ཐམས་ཅད་དུ་ལྟུང་བྱེད་དུ་འགྱུར་རོ། ། ལྟུང་བྱེད་བཞི་པའི་གཉིས་པ་རྫོགས་།། །། དགེ་སློང་མའི་འདུལ་བ་རྣམ་པར་འབྱེད་པ། བམ་པོ་བཅུ་དགུ་པ། གླེང་གཞི་ནི་མཉན་ཡོད་ནའོ།། དེ་ནས་ཚེ་དང་ལྡན་པ་འཆར་ཀ་སྔ་དྲོ་ཤམ
231a5 ཐབས་བགོས་ལྷུང་བཟེད་དང་། ཆོས་གོས་བླངས་ནས་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་ཏེ། མཉན་ཡོད་དུ་བསོད་སྙོམས་སྤྱད་ནས་སྦེད་མའི་ཁྱིམ་གང་ན་བ་དེར་སོང་བ་དང་། སྦེད་མས་འཆར་ཀ་རྒྱང་རིང་པོ་ཁོ་ན་ནས་འོང་བ་མཐོང་ངོ་།། མཐོང་ནས་ཀྱང་འདི་སྐད
231a6 ཅེས་སྨྲས་སོ། ། འཆར་ཀ་རབ་ཏུ་བྱུང་ན་ད་བདག་གིས་ཅི་དག་བགྱི། དེ་ནས་འཆར་ཀས་སྦེད་མ་ལ་འདི་སྐད་ཅེས་སྨྲས་སོ།། བྱང་ཆུབ་སེམས་དཔས་བཙུན་མོ་དྲུག་ཁྲི་སྤངས་ཏེ་རབ་ཏུ་བྱུང་ན་ཁྱོད་ཀྱིས་དེ་དག་གི་རྐང་པ་འཁྲུ་བར་ཡང་མི་ཁོམ་ན་དེ་དག་ཅི་བྱེད། དེས་འདི་སྐད
231a7 ཅེས་སྨྲས་སོ། ། བདག་ཀྱང་རབ་ཏུ་འབྱུང་ལགས་གྲང་། དེ་ནས་འཆར་ཀས་སྦེད་མ་ལ་འདི་སྐད་ཅེས་སྨྲས་སོ།། ཁྱིམ་གྱི་བྱ་བ་དག་ལེགས་པར་སྤོངས་ཤིག། དེས་ལེགས་པར་སྤངས་ནས་འཆར་ཀ་དང་རྒྱལ་པོའི་ཁབ་ཏུ་སོང་སྟེ་དབྱར་གནས་སོ།། དེ་ནས་སྦེད་མ་རྒྱལ
iiif viewer powered by OpenSeadragon
