| e-texts navigator |
| Wylie |
230a1 གནས་སོ་ཞེས་བྱ་བའི་བར་རོ། ། དེའི་ཚེ་བཅོམ་ལྡན་འདས་ཀྱིས་དེ་རྣམས་ལ་གཡུལ་བཤམས་པ་དང་། རྒྱལ་མཚན་གྱི་མཆོག་གི་བསླབ་པའི་གཞི་བཅའ་བ་མཛད་དོ།། དེ་ནས་བཅུ་གཉིས་སྡེ་དེ་དག་ཡང་གཡུལ་བཤམས་པ་དང་། རྒྱལ་མཚན་གྱི
230a2 མཆོག་དང་། དཔུང་གི་མཆོག་གི་ནང་དུ་དོང་བ་དང་། དགེ་སློང་མ་དེ་རྣམས་ཀྱིས་སྨྲས་པ། ཀྱེ་ཕུ་ནུ་མོ་དག་བསླབ་པའི་གཞི་བཅའ་བ་མ་མཛད་དམ། དེ་དག་གིས་འདི་སྐད་ཅེས་དགེ་སློང་རྣམས་ལ་བཅའ་བ་མཛད་ཀྱི། དགེ་སློང་མ་རྣམས་ལ་ནི་མ་ཡིན་ནོ་ཞེས་སྨྲས་པ་དང་། དོན
230a3 ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་གལ་ཏེ་དགེ་སློང་མ་དམག་དེའི་ནང་དུ་ཞག་གཉིས་གནས་པ་ན་གཡུལ་བཤམས་པ
230a4 དང་། རྒྱལ་མཚན་གྱི་མཆོག་དང་། དཔུང་གི་མཆོག་དང་། དཔུང་བཀོད་པའི་ཚོགས་ལ་ལྟ་བ་སོ་སོར་ཉམས་སུ་མྱོང་བར་བྱེད་ན་ལྟུང་བྱེད་དོ།། ཡང་དགེ་སློང་མ་གང་ཞེས་བྱ་བ་ནི་བཅུ་གཉིས་སྡེ་དག་གོ།། བཀོད་པའི་ཚོགས་ལ་ལྟ་བ་ཞེས་བྱ་བ་ལ། བཀོད་པ་ཞེས་བྱ་བ་ནི
230a5 ཤིང་རྟའི་དབྱིབས་ལྟ་བུ་དང་། ནམ་མཁའ་ལྡིང་གི་འདབ་མའི་དབྱིབས་ལྟ་བུ་དང་། འབྲུའི་ཁ་ལྟ་བུ་དང་། པད་མའི་དབྱིབས་ལྟ་བུ་དང་། ཟླ་བ་ཁམ་པའི་དབྱིབས་ལྟ་བུའོ།། ཚོགས་ཞེས་བྱ་བ་ནི་དཔུང་གི་མཆོག་དག་གོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།།
230a6 དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་གཡུལ་བཤམས་པའི་ནང་དུ་འགྲོ་ན་ཐམས་ཅད་དུ་ལྟུང་བྱེད་དུ་འགྱུར་རོ།། ལྟུང་བྱེད་གསུམ་པའི་བཅུ་གཉིས་པ་རྫོགས་།། །། སྡོམ་ནི། རྡེག་པ་དང་ནི་ཐལ་མོ་དང་།། འཁྲུ་དང་སྦེད་དང་བསོད་པ
230a7 སློང་། ། གནས་ངན་ལེན་འཆབ་ཁྱིམ་དང་མེ།། འདུན་པ་དང་ནི་ནུབ་གཉིས་དང་།། བར་ཆད་དང་ནི་ཤེས་བཞིན་དང་།། དགེ་ཚུལ་མ་གཉིས་ཁ་དོག་སྒྱུར།། གླེང་གཞི་ནི་མཉན་ཡོད་ནའོ།། དེའི་ཚེ་སྦོམ་དགའ་མོ་དགེ་སློང་མ་རྣམས་དང་ལྷན་ཅིག་འཐབ་མོ་དང་མཚང
iiif viewer powered by OpenSeadragon
