| e-texts navigator |
| Wylie |
228b1 པ་ན་འགྲེང་ན་ཐམས་ཅད་དུ་ལྟུང་བྱེད་དུ་འགྱུར་རོ། ། གལ་ཏེ་སྐྲག་པར་གྱུར་པའམ། བར་ཆད་ཡོད་པ་ཡིན་ན་ལྟུང་བ་མེད་དོ།། ལྟུང་བྱེད་གསུམ་པའི་བརྒྱད་པ་རྫོགས་།། །། གླེང་གཞི་ནི་རྒྱལ་པོའི་ཁབ་ནའོ།། གང་གི་ཚེ་བཅོམ་ལྡན་འདས་ཀྱིས་ཀུན་དགའ་བོ
228b2 ལ་བརྟེན་ནས་གཅེར་བུ་པ་དང་། གཅེར་བུ་མའི་བསླབ་པའི་གཞི་བཅའ་བ་མཛད་པ་དེའི་ཚེ་བཅུ་གཉིས་སྡེ་རྣམས་རང་གི་ལག་གིས་བཟའ་བ་དང་། བཅའ་བ་གཅེར་བུ་པ་དང་། གཅེར་བུ་མ་རྣམས་ལ་སྦྱིན་པར་བྱེད་པ་དང་། དོན་ཉུང་བའི་དགེ་སློང་མ་རྣམས་སྨོད་པར
228b3 བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་རང་གི་ལག་གིས་བཟའ་བ་དང་། བཅའ་བ་གཅེར་བུ་པའམ། གཅེར་བུ་མ་འམ། ཀུན་དུ
228b4 རྒྱུ་འམ། ཀུན་དུ་རྒྱུ་མོ་ལ་སྦྱིན་པར་བྱེད་ན་ལྟུང་བྱེད་དོ།། ཡང་དགེ་སློང་མ་གང་ཞེས་བྱ་བ་ནི་བཅུ་གཉིས་སྡེ་དག་གོ།། གཅེར་བུ་པ་ཞེས་བྱ་བ་ནི་གོས་མེད་པའོ།། གཅེར་བུ་མ་ཞེས་བྱ་བ་ཡང་གོས་མེད་པའོ།། དེ་བཞིན་དུ་ཀུན་དུ་རྒྱུ་ཞེས་བྱ་བ་ནི་གྲངས་ཅན་ནོ།།
228b5 ཀུན་དུ་རྒྱུ་མོ་ཡང་དེ་བཞིན་ནོ།། རང་གི་ལག་གིས་ཞེས་བྱ་བ་ནི་ལག་པས་ལག་པར་རོ།། བཟའ་བ་དང་བཅའ་བ་ཞེས་བྱ་བ་ནས། ལྟུང་བྱེད་དོ་ཞེས་བྱ་བའི་བར་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་རང་གི་ལག
228b6 གིས་བཟའ་བ་དང་། བཅའ་བ་གཅེར་བུ་པའམ་ཞེས་བྱ་བ་ནས། ཀུན་དུ་རྒྱུ་མོའི་བར་ལ་སྦྱིན་པར་བྱེད་ན་ལྟུང་བྱེད་དོ།། གལ་ཏེ་ཕ་དང་མ་ཡིན་ན་ལྟུང་བ་མེད་དོ།། གལ་ཏེ་ལྟ་བར་སོང་བ་ཞིག་དབྲལ་བར་འདོད་ན་ལྟུང་བ་མེད་དོ།། གལ་ཏེ་སློང་ན་དེ་ལ་འདི་སྐད
228b7 ཅེས་སློང་ཕོར་ས་ལ་ཞོག་ཅིག་ཅེས་བརྗོད་པར་བྱའོ། ། གལ་ཏེ་བཞག་ན་སྦྱིན་པར་བྱའོ།། འོན་ཏེ་མ་བཞག་ན་སྦྱིན་པར་མི་བྱའོ།། ལྟུང་བྱེད་གསུམ་པའི་དགུ་པ་རྫོགས་།། །། གླེང་གཞི་ནི་མཉན་ཡོད་ནའོ།། གང་གི་ཚེ་བཅོམ་ལྡན་འདས་ཀྱིས་དྲུག་སྡེ་རྣམས
iiif viewer powered by OpenSeadragon
