| e-texts navigator |
| Wylie |
224a1 སྲས་རྣམས་ཀྱི་དགེ་སྦྱོང་གི་ཚུལ་དང་། ཚངས་པའི་ཚུལ་ནི་ཚིག་པ་ཡིན་ཏེ། གང་གི་ཕྱིར་བུ་མོ་ལེན་པའི་བར་ཆད་བྱེད་དོ་ཞེས་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང
224a2 བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་རབ་ཏུ་མང་པོ་ཁྱིམ་རྣམས་སུ་དོང་བ་ན་དེ་དག་ལ་གལ་ཏེ་བྲམ་ཟེ་དང་། ཁྱིམ་བདག་དད་པ་ཅན་རྣམས་སྐྱོ་མའམ། སྣུམ་ཁུར་དག་གིས་ཤིན་ཏུ་སྟོབས་པར་བྱེད་ལ། འདོད་ན་དགེ་སློང
224a3 མ་དེས་ལྷུང་བཟེད་དོའམ། གསུམ་བླང་བར་བྱའོ།། དེ་ལས་ལྷག་པར་ལེན་ན་ལྟུང་བྱེད་དོ།། ལྷུང་བཟེད་དོའམ། གསུམ་བླངས་ནས་ཁྱིམ་གྱི་ཕྱི་རོལ་ཀུན་དགའི་ར་བར་སོང་ལ་དགེ་སློང་མ་འཁོད་པ་རྣམས་དང་བགོ་བར་བྱ་སྟེ། དེ་ལ་ཆོ་ག་ནི་དེ་ཡིན་ནོ།། ཡང་དགེ
224a4 སློང་མ་ཞེས་བྱ་བ་ནི་བཅུ་གཉིས་སྡེ་དག་གོ། ། ཁྱིམ་རྣམས་སུ་དོང་བ་ན་ཞེས་བྱ་བ་ནི་བྲམ་ཟེ་དང་། ཁྱིམ་བདག་གི་ཁྱིམ་རྣམས་སུའོ།། དེ་དག་ལ་གལ་ཏེ་བྲམ་ཟེ་དང་། ཁྱིམ་བདག་དད་པ་ཅན་དག་ཅེས་བྱ་བ་ལ། དད་པ་ཅན་ཞེས་བྱ་བ་ནི་སངས་རྒྱས་ལ་མངོན་པར་དད
224a5 པ་དང་། ཆོས་དང་། དགེ་འདུན་ལ་མངོན་པར་དད་པ་ཞེས་བྱ་བ་ནས། འབྲས་བུ་ཐོབ་པ་ཞེས་བྱ་བའི་བར་གང་ཡིན་པའོ།། ཤིན་ཏུ་ཞེས་བྱ་བ་ནི་ཆོག་པར་རོ།། སྟོབས་པར་བྱེད་ན་ཞེས་བྱ་བ་ནི་མགྲོན་དུ་གཉེར་ནའོ།། སྐྱོ་མ་ཞེས་བྱ་བ་ནི་ཕྱེའིའོ།། སྣུམ་ཁུར
224a6 ཞེས་བྱ་བ་ནི་ཁུར་བའོ། ། འདོད་ན་ཞེས་བྱ་བ་ནི་དོན་དུ་གཉེར་ནའོ།། དོའམ་གསུམ་ཞེས་བྱ་བ་ལ་དོ་ཞེས་བྱ་བ་ནི་ཆེན་པོའིའོ།། གསུམ་ཞེས་བྱ་བ་ནི་ཆུང་ངུ་དང་། འབྲིང་དང་། ཆེན་པོའིའོ།། དེ་ལ་ཆེན་པོ་ནི་ཡུལ་མ་ག་དྷཱའི་བྲེའུ་ཆུང་གང་ངོ་།། ཆུང་ངུ་ནི་བྲེའུ
224a7 ཆུང་ཕྱེད་དོ། ། དེའི་བར་མ་ནི་བར་མའོ།། བླངས་ནས་ཁྱིམ་གྱི་ཕྱི་རོལ་ཀུན་དགའ་ར་བར་སོང་ནས་གཙུག་ལག་ཁང་ན་དགེ་སློང་མ་འཁོད་པ་རྣམས་དང་བགོ་བར་བྱ་སྟེ་ཞེས་བྱ་བ་ནི་དེ་ན་ཡོད་པའི་དགེ་སློང་མ་དག་དང་ངོ་།། དེ་ལས་ལྷག་པར་ཞེས་བྱ་བ་ནི་དེ་ལས་འདས་པར་རོ།།
iiif viewer powered by OpenSeadragon
