| e-texts navigator |
| Wylie |
223b1 ཕལ་མོ་ཆེ་དག་སྟ་གོན་བྱེད་དོ། ། ཇི་ཙམ་ན་ཁྱིམ་དེར་དགའ་བོ་དང་། ཉེ་དགའ་བསོད་སྙོམས་ཀྱི་ཕྱིར་ཞུགས་ནས་དེ་གཉིས་ཀྱིས་འདི་སྐད་ཅེས་སྨྲས་སོ།། མཚན་མ་བསོད་སྙོམས་བྱིན་ཅིག། དེས་འདི་སྐད་ཅེས་སྨྲས་སོ།། བདག་གློ་བ་བྲེལ་བ་ཞིག་མཆིས་སོ།།
223b2 དེ་གཉིས་ཀྱིས་འདི་སྐད་ཅེས་སྨྲས་སོ།། ཁྱོད་ཅི་ཞིག་བྲེལ། དེས་འདི་སྐད་ཅེས་སྨྲས་སོ།། གཡས་ཞར་མ་རྫོང་བ་ལ་བབ་ལགས་སོ།། དེ་གཉིས་ཀྱིས་འདི་སྐད་ཅེས་སྨྲས་སོ།། དེ་རིང་ཁོ་བོ་ཅག་གི་སྲིང་མོ་རྫོང་ན་ཁོ་བོ་ཅག་གིས་དེ་རིང་ཁོ་ན་བསོད་སྙོམས་མི་རྙེད་དམ། དེ
223b3 དགའ་བ་དང་། མགུ་བ་དང་། རབ་ཏུ་དགའ་བའི་ཡིད་ཀྱིས་བསོད་སྙོམས་མང་དུ་བྱིན་ནོ།། དེ་གཉིས་ཀྱིས་བསོད་སྙོམས་བླངས་ནས་དོང་ངོ་།། དེའི་འོག་ཏུ་སྦོམ་དགའ་མོ་དང་། གཙུག་དགའ་མོ་འོངས་ནས་དེ་གཉིས་ཀྱིས་ཀྱང་བསོད་སྙོམས་བླངས་ཏེ་དོང་ངོ་།། ཇི་ཙམ་ན
223b4 རྒྱལ་དང་། ཉེ་རྒྱལ་གྱིས་སྦོམ་དགའ་མོ་དང་། གཙུག་དགའ་མོ་ལག་པ་གང་ཞིང་ལྷུང་བཟེད་གང་བ་མཐོང་ངོ་།། མཐོང་ནས་ཀྱང་འདི་སྐད་ཅེས་སྨྲས་སོ།། ཕུ་ནུ་མོ་དག་གཡས་ཞར་མ་དེ་རིང་རྫོང་བ་ལ་བབ་ཀྱིས་དེང་ཤིག། དེ་ནས་རྒྱལ་དང་། ཉེ་རྒྱལ་ཡང་བསོད
223b5 སྙོམས་ཀྱི་ཕྱིར་དེ་ཉིད་དུ་དོང་ངོ་། ། དེ་བཞིན་དུ་རྒྱལ་གྲོགས་མ་དང་། རྒྱལ་སྐྱོང་མ་དང་། དེ་བཞིན་དུ་བཟང་མོ་དང་། ཤིན་ཏུ་བཟང་མོ་དང་། དེ་བཞིན་དུ་མཛེས་དགའ་མོ་དང་། རྒྱལ་ལྡན་མ་ཡང་དོང་ནས་ཁྱིམ་དེ་ན་གཡས་ཞར་མ་རྫོང་བའི་ཆེད་དུ་སྟ་གོན་བྱས་པ
223b6 ཅུང་ཟད་ཅི་ཡོད་པ་དེ་ཐམས་ཅད་བཅུ་གཉིས་སྡེ་རྣམས་ལ་བྱིན་ནོ། ། ཇི་ཙམ་ན་ཡང་སྟ་གོན་བྱ་བར་བརྩམས་པ་དང་། དེ་ནས་ཆུང་མ་གསོད་པ་དེའི་ནེའུ་ཟླ་ཞིག་ཡོད་པ་དེས་སྨྲས་པ། གཡས་ཞར་མ་ནི་སྐྱོན་མང་པོ་ཅན་ཡིན་ཏེ། རྒྱ་སྐྱེགས་ཤིང་གི་སོ་ཤིང་དང་།
223b7 ནུབ་ཏུ་སྔས་བསྟན་ཉལ་བ་དང་།། དགོངས་ཀའི་ཞོ་འཐུང་གཡས་ཞར་ལེན།། ཞི་བ་ཡང་ནི་གནས་ནས་འཕོ།། ཞེས་སྨྲས་ཏེ། དེ་ལྟར་གཡས་ཞར་མ་དེ་ལེན་པའི་བར་ཆད་བྱས་པར་གྱུར་ཏོ།། བྲམ་ཟེ་དང་། ཁྱིམ་བདག་རྣམས་དགེ་སྦྱོང་གི་ཤཱཀྱའི
iiif viewer powered by OpenSeadragon
