| e-texts navigator |
| Wylie |
223a1 ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དོ།། དགེ་སློང་མ་གང་མི་ན་བར་འདུག་གནས་གཅིག་ན་འདུག་པས་བསོད་སྙོམས་ལན་གཅིག་བཟའ་བར་བྱ་སྟེ། དེ་ལས
223a2 ལྷག་པར་ཟ་ན་ལྟུང་བྱེད་དོ། ། འདུག་གནས་གཅིག་ཏུ་ཉལ་ན་ཞེས་བྱ་བ་ནི་མུ་སྟེགས་ཅན་གྱི་གནས་སུ་ཉལ་ནའོ།། དགེ་སློང་མ་གང་ཞེས་བྱ་བ་ནི་བཅུ་གཉིས་སྡེ་དག་གོ།། མི་ན་བར་ཞེས་བྱ་བ་ནི་ན་བ་མ་གཏོགས་པའོ།། བསོད་སྙོམས་ལན་གཅིག་བཟའ་བར་བྱ་སྟེ་ཞེས
223a3 བྱ་བ་ནི་ཕྱི་མ་ཤོས་མ་ཡིན་པའོ། ། དེ་ལས་ལྷག་པར་ཞེས་བྱ་བ་ནི་དེ་ལས་འདས་པར་རོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་འདུག་གནས་སུ་གནས་སམ། འདུག་གནས་སུ་ཟ་བ་ན་གནས
223a4 པ་ན་དེ་ལ་ཉེས་བྱས་སོ། ། ཟ་ན་ལྟུང་བྱེད་དོ།། འདུག་གནས་སུ་གནས་ཤིང་གཞན་དུ་ཟ་ན་འདུག་གནས་སུ་གནས་པ་ན་དེ་ལ་ཉེས་བྱས་སོ།། གཞན་དུ་ཟ་ན་ལྟུང་བ་མེད་དོ།། འདུག་གནས་སུ་ཟ་ལ་གཞན་དུ་གནས་པར་བྱེད་ན་འདུག་གནས་སུ་ཟ་བར་བྱེད་ན་དེ་ལ་ལྟུང
223a5 བྱེད་དོ། ། གཞན་དུ་གནས་པར་བྱེད་པ་ལ་ལྟུང་བ་མེད་དོ།། གཞན་དུ་གནས་པར་བྱེད་ཅིང་གཞན་དུ་ཟ་ན་གཉི་ག་ལ་ལྟུང་བ་མེད་དོ།། ལྟུང་བྱེད་གཉིས་པའི་བཅུ་པ་རྫོགས་།། །། སྡོམ་ནི། ཁུར་བ་འདུས་དང་དུས་མིན་དང་།། སོགས་འཇོག་མ་བྱིན་ལྔ་པ
223a6 ཡིན། ། སྲོག་ཆགས་བཅས་པ་དག་དང་ནི།། ཉལ་པོ་བྱེད་པར་ཤོམ་པ་གཉིས།། གཅེར་བུ་དམག་ལ་ཞག་གཉིས་ལྷག། ཚོགས་ལ་ལྟ་བར་བྱེད་པའོ།། གླེང་གཞི་ནི་མཉན་ཡོད་ནའོ།། དེའི་ཚེ་ཁྱིམ་བདག་ཅིག་གིས་རིགས་མཉམ་པ་ལས་ཆུང་མ་བླངས་ཏེ། དེ་ཆུང
223a7 མ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། ཇི་ཙམ་ན་བུ་མོ་གཡས་ཞར་མ་ཞིག་བཙས་ཏེ་ཞེས་བྱ་བ་ནས། ཆུང་མ་གསོད་པ་ཞེས་བྱ་བས་བསླངས་ཏེ་ཞག་དུས་བཏབ་བོ་ཞེས་བྱ་བའི་བར་རོ།། ཇི་ཙམ་ན་དེའི་ཆེད་དུ
iiif viewer powered by OpenSeadragon
