| e-texts navigator |
| Wylie |
222a1 དང་། ཆོས་གོས་བླངས་ཏེ། ཚོང་དཔོན་གྱི་ཆུང་མ་ཞིག་གི་དྲུང་དུ་སོང་ནས་སོན་པ་དང་འདི་སྐད་ཅེས་སྨྲས་སོ།། མཚན་མ་ནད་མེད་པར་གྱུར་ཅིག། དེ་ནས་ཁྱིམ་བདག་གི་ཆུང་མ་དེས་སྦོམ་དགའ་མོའི་ཕྱིར་སྟན་བཏིང་ངོ་།། དེ་ནས་སྦོམ་དགའ
222a2 མོ་སྟན་བཏིང་བ་ལ་འདུག་གོ། ། འདུག་ནས་རྫས་ལས་བྱུང་བའི་བསོད་ནམས་བྱ་བའི་དངོས་པོ་བདུན་གྱི་མདོ་རྒྱས་པར་རྣམ་པར་ཕྱེ་བས་ཁྱིམ་བདག་གི་ཆུང་མ་དེ་དད་པར་བྱས་ནས་སྐབས་འབྱེད་དུ་བཅུག་གོ་ཞེས་བྱ་བ་ནས་དེས་སྨྲས་པ། གཙུག་ལག་ཁང་གི་རྒྱུ་ཅུང་ཟད་ཅིག
222a3 བྱིན་ཅིག་ཅེས་བྱ་བའི་བར་རོ། ། དེ་ནས་སྦོམ་དགའ་མོས་དབྱར་ཁང་དེ་ལ་སྟོར་ཁུང་ཡང་མེད། ཆུ་ཁུང་ཡང་མེད་པ། སྦྱང་གི་དབྱིབས་ལྟ་བུ་ཞིག་བརྩིག་པར་བརྩམས་པ་དང་། དེ་ནས་དགེ་སློང་མ་དེ་རྣམས་ཀྱིས་སྦོམ་དགའ་མོ་ལ་འདི་སྐད་ཅེས་སྨྲས་སོ།། འཕགས
222a4 མ་བཅོམ་ལྡན་འདས་ཀྱི་སྒོ་ཁང་དང་། གཏན་པའི་གནས་ཇི་སྲིད་པར་འཇི་བའི་རིམ་པ་གཉིས་སམ་གསུམ་བརྩིག་པར་བྱའོ་ཞེས་བཀའ་སྩལ་པ་མ་ཡིན་ནམ། དེས་འདི་སྐད་ཅེས་དགེ་སློང་རྣམས་ལ་བཀའ་སྩལ་གྱི་དགེ་སློང་མ་རྣམས་ལ་ནི་མ་ཡིན་ནོ།། དེ་ལྟ་མོད་ཀྱི་བུ
222a5 ཟན་གྱི་བུ་མོ་དག། ཀྱེ་ཁོ་མོ་སྡེ་སྣོད་གསུམ་པ་ཡིན་པས་གཙུག་ལག་ཁང་ཅི་འདྲ་བར་བརྩིགས་པར་ཤེས་སོ་ཞེས་སྨྲས་པ་དང་། དོན་ཉུང་བའི་དགེ་སློང་མ་རྣམས་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་། དགེ་སློང་དག་གིས
222a6 བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། དགེ་སློང་མས་གཙུག་ལག་ཁང་ཆེན་པོ་ཞིག་རྩིག་ཏུ་འཇུག་ན་སྒོ་ཁང་དང་། གཏན་པ་དང་། སྣང་བའི་གནས་ཇི་ཙམ་པའི
222a7 འདུ་ཤེས་ཀྱིས་ས་བརྟག་པ་ནས་བཟུང་སྟེ་འཇི་བའི་རིམ་པ་གཉིས་སམ་གསུམ་བརྩིག་པར་བྱའོ། ། དེ་ལས་ལྷག་པར་རྩིག་ན་ལྟུང་བྱེད་དོ།། ཆེན་པོ་ཞེས་བྱ་བ་ལ་ཆེན་པོ་ནི་གཉིས་ཏེ། སྦྱིན་པར་བྱ་བ་ལས་དང་། ཚད་ལས་ཏེ། དོན་འདི་ལ་ནི་སྦྱིན་པར་བྱ་བ་ལས་ཡིན་པར
iiif viewer powered by OpenSeadragon
