| e-texts navigator |
| Wylie |
221b1 འཇུག་ན་ལྟུང་བྱེད་དོ། ། ཡང་དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ།། སྲོག་ཆགས་དང་བཅས་པའི་ཞེས་བྱ་བ་ལ་སྲོག་ཆགས་ནི་གཉིས་ཏེ། གང་དག་མིག་ལམ་དུ་སྣང་བར་འགྱུར་བ་དང་། གང་དག་ཆུ་ཚགས་ཀྱིས་ཟིན་པར་འགྱུར་བའོ།། ཆུས་ཞེས་བྱ་བ
221b2 ནི་ཆུས་རྩཝའམ། སའམ། འཇི་བའམ། ལྕི་བའམ། ལུད་ལའོ།། འདེབས་སམ་ཞེས་བྱ་བ་ནི་བདག་ཉིད་ཀྱིས་སོ།། འདེབས་སུ་བཅུག་ན་ཞེས་བྱ་བ་ནི་གཞན་དག་གོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། སྲོག
221b3 ཆགས་དང་བཅས་པའི་ཆུ་ལ་སྲོག་ཆགས་དང་བཅས་པར་འདུ་ཤེས་ཏེ་འདེབས་སམ། འདེབས་སུ་འཇུག་ན་ལྟུང་བྱེད་དོ།། དེ་བཞིན་དུ་ཡིད་གཉིས་ཟ་ན་ལྟུང་བྱེད་དོ།། དགེ་སློང་མས་སྲོག་ཆགས་མེད་པའི་ཆུ་ལ་སྲོག་ཆགས་དང་བཅས་པར་འདུ་ཤེས་ནས་འདེབས་སམ། འདེབས
221b4 སུ་འཇུག་ན་ཉེས་བྱས་སོ། ། དེ་བཞིན་དུ་ཡིད་གཉིས་ཟ་ན་ཉེས་བྱས་སོ།། དགེ་སློང་མས་ཡུར་བ་འདྲེན་པར་བྱེད་ན་དེར་སྲོག་ཆགས་ཇི་སྙེད་ཤི་བ་དེ་སྙེད་ཀྱི་ལྟུང་བྱེད་དུ་འགྱུར་རོ།། ཇི་སྙེད་མ་ཤི་བ་དེ་སྙེད་ཀྱི་ཉེས་བྱས་སུ་འགྱུར་རོ།། དེ་བཞིན་དུ་རྒྱུན་གཅོད་པར་བྱེད་པ
221b5 དང་། ཞིང་གི་དཀའ་གཅོད་པ་དང་། འགོག་ཅིང་གཏོང་བ་སྟེ། ཐམས་ཅད་དུ་གཞི་ཇི་ལྟ་བ་བཞིན་དུ་འགྱུར་རོ།། ལྟུང་བྱེད་གཉིས་པའི་བརྒྱད་པ་རྫོགས་།། །། དགེ་སློང་མའི་འདུལ་བ་རྣམ་པར་འབྱེད་པ། བམ་པོ་བརྒྱད་པ། གླེང་གཞི་ནི
221b6 མཉན་ཡོད་ནའོ། ། གང་གི་ཚེ་བཅོམ་ལྡན་འདས་ཀྱིས། བསོད་ནམས་དག་ནི་བྱ་བ་སྟེ།། བསོད་ནམས་མ་བྱས་སྡུག་བསྔལ་འགྱུར།། འཇིག་རྟེན་འདི་དང་ཕ་རོལ་དུ།། བསོད་ནམས་བྱས་པ་དགའ་བར་འགྱུར་ཞེས་བཀའ་སྩལ་པ་དེའི་ཚེ། དགེ་སློང་མ་དེ་དག
221b7 གིས་གནས་ཁང་དང་། ར་བ་དང་། སྒོ་ཁང་ལ་སོགས་པ་བྱ་བར་བརྩམས་སོ།། དེ་ནས་སྦོམ་དགའ་མོས་བསམས་པ། བདག་གིས་འདི་ལྟ་བུའི་བསོད་ནམས་ཀྱི་ཕུང་པོ་ལས་ཡོངས་སུ་ཉམས་སོ་སྙམ་དུ་བསམས་ནས་སྔ་དྲོ་ཤམ་ཐབས་བགོས། ལྷུང་བཟེད
iiif viewer powered by OpenSeadragon
