| e-texts navigator |
| Wylie |
220a1 དག་ཕོངས་པར་གྱུར་པ་ནས་བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་འགའ་ཞིག་སེམས་ལས་ཆུང་བར་གྱིས་ཤིག་ཅེས་ཟེར་ན་མི་དོར་རོ།། ལྟུང་བྱེད་གཉིས་པའི་ལྔ་པ་རྫོགས་།། །། གླེང་གཞི་ནི་མཉན་ཡོད་ནའོ།། དེའི་ཚེ
220a2 སྦོམ་དགའ་མོས་དབྱར་གྱི་ཐལ་ནས་རྒྱུ་ཞིང་སོང་བ་དང་། དེ་ནས་དགེ་སློང་མ་གཞོན་ནུ་རྣམས་ཀྱིས་མཁན་མོ་དང་སློབ་དཔོན་མོ་དག་ལ་འདི་སྐད་ཅེས་སྨྲས་སོ།། འཕགས་མ་དག་བདག་ཅག་ཀྱང་རྒྱུ་ཞིང་མཆི་ལགས་སོ།། དེ་དག་གིས་དྲིས་པ་སུ་དང་ལྷན་ཅིག། དེ
220a3 རྣམས་ཀྱིས་འདི་སྐད་ཅེས་སྨྲས་སོ། ། འཕགས་མ་སྦོམ་དགའ་མོ་དང་ངོ་།། དེ་དག་གིས་འདི་སྐད་ཅེས་སྨྲས་སོ།། མ་འདེང་ཤིག། ཅིའི་སླད་དུ། དེ་དག་གིས་འདི་སྐད་ཅེས་སྨྲས་སོ།། སྦོམ་དགའ་མོ་ནི་གནས་ངན་ལེན་ཀུན་དུ་སྤྱོད་པ་ཡིན་ནོ།། ཞེས་དེ་དག་གིས་དེ
220a4 ལྟར་བཟློག་ཀྱང་དེ་དང་ལྷན་ཅིག་རྒྱུ་ཞིང་དོང་སྟེ། དེ་དག་རྒྱུ་ཞིང་དོང་བ་ན་རི་འོར་ཞིག་ཏུ་ཕྱིན་ཏོ།། དེ་ནས་གཞོན་ནུ་དེ་རྣམས་ཀྱིས་རྩཝ་དག་བསླངས་ཏེ་གདིང་བ་བཤམས་ནས་དེ་དག་ཉལ་བ་དང་། སྦོམ་དགའ་མོས་དབུས་སུ་མཆོངས་ནས་གནོད་པར་བྱས་ཤིང་ཕུལ་ཏེ་གོ
220a5 བཤུགས་ནས་འདི་སྐད་ཅེས་སུ་ལ་གནོད་པར་འགྱུར་བ་དེ་དག་འདོང་བར་འགྱུར་གྲང་ཞེས་སྨྲས་སོ། ། དེ་ནས་དགེ་སློང་མ་དེ་རྣམས་ཕྱི་དེ་ཉིན་པར་སླར་ལོག་པ་དང་། དེ་ནས་དགེ་སློང་མ་སྦོམ་དགའ་མོས་དེ་དག་ལ་འདི་སྐད་ཅེས་སྨྲས་སོ།། ཁོ་མོས་ཁྱེད་ལ་ནད་ཀྱི་སྨན
220a6 ལ་སོགས་པ་སྦྱར་བར་བྱའོ། ། ཞེས་བྱ་བ་ནས། གཞོན་ནུ་མ་དེ་དག་གིས་སྐབས་དེ་མཁན་མོ་དང་། སློབ་དཔོན་མོ་དག་ལ་རྒྱས་པར་སྨྲས་སོ།། ཞེས་བྱ་བའི་བར་རོ།། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།།
220a7 དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དགེ་སློང་མ་རྣམས་སྔ་ནས་འཁོད་པར་ཤེས་བཞིན་དུ་དེའི་འོག་ཏུ་འོངས་ནས་སུ་ལ་གནོད་པར་འགྱུར་བ་དེ་འགྲོ་བར་འགྱུར་བ་དེ་ཉིད་རྐྱེན་དུ་བྱས
iiif viewer powered by OpenSeadragon
