| e-texts navigator |
| Wylie |
219b1 བ་གང་ཞེ་ན། རླུང་གིས་གདིང་བ་རིམ་གཉིས་བཟློག་པར་གྱུར་པ་སྟེ་ལྟུང་བྱེད་དུ་འགྱུར་རོ།། མ་བཟློག་ན་ཉེས་བྱས་ཏེ་འདི་ནི་རླུང་གིས་ཕན་ཕུན་དུ་གྱུར་པ་ཞེས་བྱའོ།། སྲིལ་གྱིས་ཕན་ཕུན་དུ་གྱུར་པ་གང་ཞེ་ན། གལ་ཏེ་སྲིལ་རྣམས་ཀྱིས་གདིང་བ་རིམ་གཉིས
219b2 གློངས་པར་གྱུར་པ་སྟེ་གློངས་ན་ལྟུང་བྱེད་དོ། ། མ་གློངས་ན་ཉེས་བྱས་སོ།། ལམ་དུ་དོང་བ་ན་དྲན་ན་ཉེས་བྱས་ཞེས་བྱ་བ་ནས། གནས་མལ་ལ་ཇི་ལྟ་བ་བཞིན་དུ་རྒྱས་པར་སྦྱར་བར་བྱའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན།
219b3 གང་ཡང་དགེ་སློང་མས་དགེ་འདུན་གྱི་གཙུག་ལག་ཁང་དུ་རྩཝའི་གདིང་བའམ། ལོ་མའི་གདིང་བ་བཏིང་ངམ། འདིང་དུ་བཅུག་ནས་མ་བསྡུས་སམ། སྡུད་དུ་མ་བཅུག་པར་དེ་ཇི་སྲིད་དུ་ཉེན་ཀོར་སྤངས་ན་ཐམས་ཅད་དུ་ལྟུང་བྱེད་དུ་འགྱུར་རོ།། ཡང་དགེ་སློང་མ་གང
219b4 ཞིག་དགེ་འདུན་གྱི་གཙུག་ལག་ཁང་དུ་རྩཝའི་གདིང་བའམ། ལོ་མའི་གདིང་བ་བླ་གབ་མེད་པར་བཏིང་ངམ། འདིང་དུ་བཅུག་ནས་གཙུག་ལག་ཁང་དུ་ཞུགས་ཏེ་དྲན་པ་ཉེ་བར་མ་བཞག་པ་ཉེ་བར་གཞག་པ་དང་། སེམས་མཉམ་པར་མ་བཞག་པ་མཉམ་པར་གཞག
219b5 པ་དང་། སེམས་རྣམ་པར་མ་གྲོལ་བ་རྣམ་པར་གྲོལ་བར་བྱའོ་ཞེས་ནང་དུ་ཡང་དག་པར་བཞག་ལ་ཐུན་དང་པོ་ཕྱེད་ཁོར་ན་བྱུང་ལ་ཕན་ཕུན་དུ་གྱུར་ན་ལྟུང་བྱེད་དོ།། ཕན་ཕུན་དུ་མ་གྱུར་ན་ཉེས་བྱས་སོ།། ཉི་མ་ནུབ་ཀ་ན་ཞེས་བྱ་བ་ནས་ཕན་ཕུན་དུ་གྱུར་ན་ལྟུང་བྱེད
219b6 དོ། ། ཕན་ཕུན་དུ་མ་གྱུར་ན་ཉེས་བྱས་སོ་ཞེས་བྱ་བའི་བར་གནས་མལ་ལ་ཇི་ལྟ་བ་བཞིན་དུ་རྒྱས་པར་སྦྱར་བར་བྱའོ།། ལམ་ཀར་གནས་མལ་བཏིང་བ་ལ་ཉལ་བ་དེ་དག་འགྱོད་པར་གྱུར་པ་ནས། བཅོམ་ལྡན་འདས་ཀྱིས་བཀའ་སྩལ་པ། གློང་བར་བྱའོ།། གློང
219b7 བར་མི་བྱེད་ན་འགལ་ཚབས་ཅན་དུ་འགྱུར་རོ། ། དེ་ནས་ཕྱིས་དབྱར་ཁང་དུ་ཚོན་རྩིའི་ལས་དག་བྱེད་པ་ན་དགེ་སློང་མ་རྣམས་ཀྱིས་རྩཝ་དག་བཀྲམ་པར་གྱུར་པ་དང་། བསླབ་པ་འདོད་པ་དེ་དག་གིས་རྩཝ་དེ་དག་བསྡུས་ནས་དབྱར་ཁང་གི་ཕྱི་རོལ་དུ་བོར་བ་དང་། གཞན
iiif viewer powered by OpenSeadragon
