| e-texts navigator |
| Wylie |
219a1 པའི་དགེ་སློང་མ་དེ་རྣམས་ཀྱིས་ནི་ཐོས་ནས་རྗེས་སུ་སྒྲུབ་པར་བྱེད་དོ། ། བཅུ་གཉིས་སྡེ་རྣམས་ཀྱིས་ནི་རྩཝའི་གདིང་བ་དག་བཏིང་ཞིང་འདིང་དུ་བཅུག་ནས། མི་སྡུད་ཅིང་སྡུད་དུ་མ་བཅུག་གོ།། དེ་ནས་བཅུ་གཉིས་སྡེ་རྣམས་ལ་དགེ་སློང་མ་དེ་རྣམས་ཀྱིས་འདི་སྐད་ཅེས་སྨྲས
219a2 སོ། ། ཀྱེ་ཕུ་ནུ་མོ་དག་བཅོམ་ལྡན་འདས་ཀྱིས་བསླབ་པའི་གཞི་བཅའ་བ་མ་མཛད་དམ། ཅིའི་ཕྱིར་རྩཝའི་གདིང་བ་དག་མི་རྟུལ། དེ་དག་གིས་འདི་སྐད་ཅེས་བསླབ་པའི་གཞི་བཅའ་བ་མཛད་པ་དེ་ནི་དགེ་སློང་རྣམས་ཀྱི་ཡིན་གྱི། དགེ་སློང་མ་རྣམས་ཀྱི་ནི་མ་ཡིན་ནོ་ཞེས་སྨྲས་པ་དང་།
219a3 དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ།
219a4 ཡང་དགེ་སློང་མ་གང་དགེ་འདུན་གྱི་གཙུག་ལག་ཁང་དུ་རྩཝའི་གདིང་བའམ། ལོ་མའི་གདིང་བ་བཏིང་ངམ། འདིང་དུ་བཅུག་ནས་མ་བསྡུས་སམ། སྡུད་དུ་མ་བཅུག་གམ། དགེ་སློང་མ་ཡོད་པ་ལ་མ་བཅོལ་བར་དེ་ནས་སོང་ན་དེ་ལྟ་བུའི་རྐྱེན་མ་གཏོགས་ཏེ་ལྟུང་བྱེད
219a5 དོ། ། ཡང་དགེ་སློང་མ་གང་ཞེས་བྱ་བ་ནི་གོང་མ་བཞིན་ནོ།། རྩཝའི་གདིང་བ་ཞེས་བྱ་བ་ལ། རྩཝ་ཞེས་བྱ་བ་ནི་རྩཝ་ཉིད་དོ།། ལོ་མ་ཞེས་བྱ་བ་ནི་ལོ་མ་དག་ཉིད་དོ།། བཏིང་ངམ་ཞེས་བྱ་བ་ནི་རང་ཉིད་ཀྱིས་སོ།། འདིང་དུ་བཅུག་པ་ཞེས་བྱ་བ་ནི་གཞན་གྱིས་སོ།། མ་བསྡུས
219a6 སམ་ཞེས་བྱ་བ་ནི་རང་གིས་སོ། ། སྡུད་དུ་མ་བཅུག་གམ་ཞེས་བྱ་བ་ནི་གཞན་ནོ།། དེ་ནས་སོང་ན་ཞེས་བྱ་བ་ནི་ཉེན་ཀོར་སྤངས་ནའོ།། གདིང་བའི་ཉེན་ཀོར་གང་ལགས། བཅོམ་ལྡན་འདས་ཀྱིས་བཀའ་སྩལ་པ། འདོམ་བཞི་བཅུ་རྩ་དགུ་སྟེ། ཕན་ཕུན་དུ་གྱུར
219a7 ན་ལྟུང་བྱེད་དོ། ། ཕན་ཕུན་དུ་མ་གྱུར་ན་ཉེས་བྱས་སོ།། ཉེ་བ་འཁོར་གྱིས་ཞུས་པ། གདིང་བ་ལ་ཕན་ཕུན་དུ་གྱུར་པ་དུ་མཆིས། ཉེ་བ་འཁོར་གཉིས་ཏེ། རླུང་གིས་ཕན་ཕུན་དུ་གྱུར་པ་དང་། སྲིལ་གྱིས་ཕན་ཕུན་དུ་འགྱུར་བའོ།། རླུང་གིས་ཕན་ཕུན་དུ་འགྱུར
iiif viewer powered by OpenSeadragon
