| e-texts navigator |
| Wylie |
218b1 གི་ཚེ་བཅོམ་ལྡན་འདས་ཀྱིས་ནད་པ་ལ་བལྟ་བར་བྱའོ། ། ཞེས་བཀའ་སྩལ་པ་དང་། དེ་ཕྱིན་ཆད་གཎྜཱི་བརྡུངས་ཏེ་དགེ་འདུན་ཐམས་ཅད་ནད་པ་ལ་བལྟ་བའི་ཕྱིར་འདོང་བ་ན། དེ་ནས་ནད་པས་མཐོང་ནས་གང་གི་ཕྱིར་དགེ་འདུན་ཐམས་ཅད་ལྷགས་པ་ལས་ན། བདག་ནི་འཆི
218b2 བར་འགྱུར་གོར་མ་ཆག་གོ་སྙམ་ནས་སྐྲག་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གཅིག་གམ། གཉིས་འགྲོ་བར་བྱའོ།། དེར་དོང་བ་ན་སྟན་དག་མེད་ནས། བཅོམ་ལྡན་འདས་ཀྱིས་བཀའ་སྩལ་པ། ནད་འདྲི་བའི་ཆེད་དུ་སྟན་དག་གདིང
218b3 བར་བྱའོ། ། གང་གི་ཚེ་བཏིང་བ་དེའི་ཚེ་དེ་དག་འདི་སྙམ་དུ་བཅོམ་ལྡན་འདས་ཀྱིས་བླ་གབ་མེད་པར་གནས་མལ་དོར་བར་མི་བྱའོ་ཞེས་གསུངས་སོ་སྙམ་དུ་སེམས་ཤིང་། དེ་དེ་དག་དེ་ཉིད་ན་སྲུང་ཞིང་འཁོད་པ་ན་དེ་དག་གི་སངས་རྒྱས་དང་། ཆོས་དང་། དགེ་འདུན་དང་།
218b4 མཁན་པོ་དང་། སློབ་དཔོན་གྱི་བྱ་བ་གང་ཡིན་པ་དེ་དེས་ཉམས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བཅོལ་ལ་འདོང་བར་བྱའོ།། དེ་དག་ནད་པ་ལ་འཆོལ་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ་ཞེས་བྱ་བ་ནས། རྐྱེན་ལྔས
218b5 གནས་མལ་བླ་གབ་མེད་པར་བོར་ཏེ་འདོང་བར་མི་བྱའོ་ཞེས་བྱ་བའི་བར་རོ། ། ལྔ་པོ་དེ་དག་གང་ཞེ་ན་ཞེས་བྱ་བ་ནས་རྒས་པ་དང་། ངོ་ཚ་བ་མེད་པ་དང་། བར་ཆད་དང་བཅས་པ་དང་། འགྱོད་པ་མེད་པ་དང་། བསྙེན་པར་མ་རྫོགས་པའོ་ཞེས་བྱ་བའི་བར་ཏེ། དེ
218b6 དག་རྐྱེན་དུ་བྱས་ནས་དོར་བར་མི་བྱའོ། ། བྱེད་ན་འགལ་ཚབས་ཅན་དུ་འགྱུར་རོ།། གཉིས་ཁྲི་གཅིག་ལ་འདུག་ན་གང་གིས་ཁྲི་བརྟུལ་བར་བྱ། བཅོམ་ལྡན་འདས་ཀྱིས་བཀའ་སྩལ་པ། གཞོན་པས་སོ།། གཉིས་ཀ་གཞོན་པར་གྱུར་ན་གལ་ཏེ་བཟོད་ན་གཅིག
218b7 གིས་སོ། ། ལྟུང་བྱེད་གཉིས་པའི་བཞི་པ་རྫོགས་།། །། གླེང་གཞི་ནི་མཉན་ཡོད་ནའོ།། གང་གི་ཚེ་བཅོམ་ལྡན་འདས་ཀྱིས་ལྷོ་ལམ་ནས་འོངས་པའི་དགེ་སློང་ཞིག་ལ་བརྟེན་ནས་རྩཝའི་གདིང་བའི་བསླབ་པའི་གཞི་བཅའ་བ་མཛད་པ་དེའི་ཚེ་རང་བཞིན་དུ་གནས
iiif viewer powered by OpenSeadragon
