| e-texts navigator |
| Wylie |
218a1 གང་གིས་བཤད་པ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། སྤོབས་པའི་མཐུ་དང་ལྡན་པར་གྱུར་པ་གང་ཡིན་པ་དེས་བཤད་པར་བྱའོ།། དེ་ནས་རྒན་རིམས་མཐུ་དང་ལྡན་པ་མ་ཡིན་པར་གྱུར་ནས། འོག་མ་གཞོན་རིམས་དག་འཆད་པར
218a2 བྱེད་པ་ན་དེ་དག་རྒན་རིམས་ནས་གཞོན་རིམས་སུ་དོང་ནས་ཉན་པར་བྱེད་པས་རྒན་རིམས་དེ་དག་མི་བརྗེད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཆོས་སྨྲ་བའི་སེང་གེའི་ཁྲི་བཤམ་པར་བྱ་ཞིང་སེང་གེའི་ཁྲི་ལས་སྨྲ་བར་བྱའོ།། གང་གི་ཚེ་བཅོམ་ལྡན་འདས་ཀྱིས
218a3 སེང་གེའི་ཁྲི་ལས་སྨྲ་བར་བྱའོ་ཞེས་བཀའ་སྩལ་པ་དེའི་ཚེ་མདོ་རིང་པོ་དག་རྒྱས་པར་སྨྲ་བར་བྱེད་པ་ན་ཁྱིམ་པ་མོ་རྣམས་སྐྱོ་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཆ་གསུམ་པ་དང་། ལྔ་པ་ནས་ཆ་གསུམ་པ་དང་། སྟོན་པ་ཡོངས་སུ་བསྒྲགས་པ་ལ་ཚར་བསྲང
218a4 སྟེ་སྨྲ་བར་གནང་ངོ་ཞེས་བྱ་བའི་བར་རོ། ། ཇི་ཙམ་ན་ཁྱིམ་བདག་མོ་རྣམས་ཟས་དག་གཡོ་བར་བྱེད་པ་ན་དེ་རྣམས་སྣོད་སྤྱད་དག་རྙེན་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། རྙོས་ཤིག། སྟན་དག་རྙེན་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ
218a5 པ། རྙོས་ཤིག། དེ་ནས་དེ་དག་གྲོང་དུ་མགྲོན་དུ་འབོད་ནས། བཅོམ་ལྡན་འདས་ཀྱིས་བཀའ་སྩལ་པ། དེར་ཡང་དོང་ལ་ལོངས་སྤྱད་པར་བྱའོ།། དེ་ནས་ཁྱིམ་བདག་མོ་རྣམས་ཀྱིས་དེ་དག་ལ་འདི་སྐད་ཅེས་འཕགས་མ་དག་ཁྱེད་ཅག་ཅིའི་སླད་དུ་ཆབ་སྣོད་དག་སྣོམས་ཏེ་མ
218a6 བྱོན་ཞེས་ཟེར་ནས། བཅོམ་ལྡན་འདས་ཀྱིས་བཀའ་སྩལ་པ། དེར་ཡང་བུམ་པ་དང་། རིལ་བ་དང་། སྟན་དང་། སེང་གེའི་ཁྲི་དག་བཀུར་བར་བྱའོ།། ཇི་ཙམ་ན་དགེ་སློང་མ་ནད་པ་ཞིག་ཡོད་པ་དེས་འདི་སྐད་ཅེས་སྨྲས་སོ།། ཀྱེ་ཕུ་ནུ་མོ་དག་འཆི་བར་འགྱུར་རོ།།
218a7 དེ་དག་གིས་འདི་སྐད་ཅེས་སྨྲས་སོ།། ཅི་སྟེ། དེས་འདི་སྐད་ཅེས་སྨྲས་སོ།། ཁོ་མོ་ནད་པ་ལ་འདྲི་བ་འགའ་ཡང་མེད་དོ་ཞེས་བྱས་ནས། བཅོམ་ལྡན་འདས་ཀྱིས་བཀའ་སྩལ་པ། ནད་པ་ལ་བལྟ་བར་བྱའོ།། ལྟ་བར་མི་བྱེད་ན་འགལ་ཚབས་ཅན་དུ་འགྱུར་རོ།། གང
iiif viewer powered by OpenSeadragon
