| e-texts navigator |
| Wylie |
216b1 མ་བཅོལ་བར་དེའི་འོག་ཏུ་དོང་ན་དེ་འདྲ་བའི་རྐྱེན་མ་གཏོགས་ཏེ་ལྟུང་བྱེད་དོ། ། ཡང་དགེ་སློང་མ་གང་ཞེས་བྱ་བ་ནི་ཆོས་འདི་པའོ།། དགེ་འདུན་གྱི་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་མའི་དགེ་འདུན་གྱིའོ།། གཙུག་ལག་ཁང་ཞེས་བྱ་བ་ནི་གང་དུ་སྤྱོད་ལམ
216b2 བཞི་ཤོང་བའོ། ། ཁྲི་ཞེས་བྱ་བ་ནི་ཉལ་བའིའོ།། ཁྲིའུ་ཞེས་བྱ་བ་ནི་འདུག་པའིའོ།། སྟན་ནང་ཚངས་ཅན་ཞེས་བྱ་བ་ནི་ཤིང་བལ་ཅན་ནོ།། ལ་བ་ཞེས་བྱ་བ་ནི་ལ་བའོ།། སྔས་ཞེས་བྱ་བ་ནི་སྔས་སུ་གཞུག་པའོ།། གོར་བུ་ཞེས་བྱ་བ་ནི་གྲུ་བཞིའོ།། བླ་གབ་མེད
216b3 པར་ཞེས་བྱ་བ་ནི་བར་སྣང་ངོ་། ། བཏིང་བ་ཞེས་བྱ་བ་ནི་རང་ཉིད་ཀྱིས་སོ།། འདིང་དུ་བཅུག་པ་ཞེས་བྱ་བ་ནི་གཞན་ནོ།། མ་བསྡུས་སམ་ཞེས་བྱ་བ་ནི་རང་གིས་སོ།། སྡུད་དུ་མ་བཅུག་པར་ཞེས་བྱ་བ་ནི་གཞན་ནོ།། དེའི་འོག་ཏུ་དོང་ན་ཞེས་བྱ་བ་ནི་ཉེན་ཀོར་སྤངས་ནས
216b4 སོ། ། གནས་མལ་གྱི་ཉེན་ཀོར་གང་ཞེ་ན། བཅོམ་ལྡན་འདས་ཀྱིས་བཀའ་སྩལ་པ། འདོམ་བཞི་བཅུ་རྩ་དགུའོ།། ཕན་ཕུན་དུ་གྱུར་ན་ལྟུང་བྱེད་དོ།། ཕན་ཕུན་དུ་མ་གྱུར་ན་ཉེས་བྱས་སོ།། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས
216b5 ཞུས་པ། བཙུན་པ་གནས་མལ་ཕན་ཕུན་དུ་འགྱུར་བ་དུ་མཆིས། ཉེ་བ་འཁོར་གཉིས་ཏེ། གཉིས་གང་ཞེ་ན། ཆར་གྱིས་ཕན་ཕུན་དུ་འགྱུར་བ་དང་། རླུང་གིས་ཕན་ཕུན་དུ་འགྱུར་བའོ།། ཆར་གྱིས་ཕན་ཕུན་དུ་འགྱུར་བ་གང་ཞེ་ན། ཉེ་བ་འཁོར་གལ་ཏེ་ཆར
216b6 གྱི་ཆུས་གནས་མལ་རིམ་པ་གཉིས་བརླན་པར་གྱུར་ན་ལྟུང་བྱེད་དུ་འགྱུར་རོ། ། མ་བརླན་ན་ཉེས་བྱས་ཏེ་འདི་ནི་ཆར་གྱིས་ཕན་ཕུན་དུ་འགྱུར་བ་ཞེས་བྱའོ།། གལ་ཏེ་རླུང་གིས་རིམ་པ་གཉིས་བཟློག་པར་གྱུར་ན་ལྟུང་བྱེད་དུ་འགྱུར་རོ།། མ་བཟློག་ན་ཉེས་བྱས་སོ།། གལ་ཏེ
216b7 ལམ་དུ་ཞུགས་པ་ན་དྲན་ན་དེས་སེམས་བསྐྱེད་པར་བྱ་ཞིང་ཚིག་ཏུ་ཡང་བདག་གིས་གནས་འདི་འདྲ་བ་ཞིག་ཏུ་གནས་མལ་བཞག་པ་ཚངས་པ་མཚུངས་པར་སྤྱོད་པ་རྣམས་ཀྱིས་བརྟུལ་གྲང་ཞེས་བརྗོད་པར་བྱ་ལ། ལྟུང་བ་དེ་ཡང་སླར་ཆོས་བཞིན་བྱའོ།། ལམ་དུ་དགེ་སློང་མ
iiif viewer powered by OpenSeadragon
