| e-texts navigator |
| Wylie |
214b1 འཚལ་བ། སྨན་པར་འཚལ་བ། བདེ་བར་འཚལ་བ། རེག་པར་འཚལ་བ། གྲུབ་པ་དང་བདེ་བར་འཚལ་བ་རྣམས་ཀྱིས་སྨྲས་པ། འདུན་མ་ཁྱོད་ལ་ལྟུང་བ་བྱུང་གིས་དེ་ཤོགས་ཤིག་ཅེས་བགྱིས་ན། དེ་དགེ་སློང་མ་དེ་རྣམས་ཀྱི་བསྒོ་བ་གཅོག་པར་བགྱིད
214b2 ལགས་ཀྱིས། གལ་ཏེ་འཕགས་མའི་དགེ་འདུན་གྱི་དུས་ལ་བབ་ཅིང་བཟོད་ན་འདི་ལྟར་འཕགས་མའི་དགེ་འདུན་གྱིས་གནང་བར་མཛོད་ཅིག་དང་། དགེ་སློང་མ་འདུན་མ་བསྒོ་བ་གཅོག་པའི་གྲངས་སུ་སྩལ་ཏོ།། འདི་ནི་གསོལ་བའོ།། དེ་ཁོ་ན་བཞིན་ལས་ཀྱང་བྱའོ།། དེ
214b3 འདི་སྙམ་དུ་མ་ལ་བདག་གིས་ཁ་རོག་པའམ། བདག་གིས་མ་སྨྲས་པར་གྱུར་ན་བདག་གྲངས་སུ་བཅུག་པར་མི་འགྱུར་བ་ཞིག་སྟེ། འདི་ལྟར་ལ་ལས་ཀྱང་། སྐྱེས་བུ་མཁས་པར་ལྡན་པ་ཡིས།། ངག་རྣམས་བཞི་པོ་བསྲུང་བྱ་སྟེ།། ནགས་ཀྱི་ནང་ན་གོང་མ་སྲེག།
214b4 སྒྲ་འབྱིན་པས་ནི་ཟིན་ལ་ལྟོས།། ཞེས་སྨྲས་སོ་སྙམ་དུ་བསམས་ནས་དེ་ཅང་མི་སྨྲ་བས་དགེ་སློང་མ་རྣམས་ཀྱི་བསྒོ་བ་གཅོག་གོ་ཞེས་བྱ་བ་ནས། བཅོམ་ལྡན་འདས་ཀྱིས་བཀའ་སྩལ་པ། གཉི་གས་གཅོག་པའི་གྲངས་སུ་གཞུག་པར་བྱ་སྟེ། གསོལ་བ་དང་ལས་བྱའོ།། དེ
214b5 ལ་བསྒོ་བ་ན་འོན་ཀྱང་གཅོག་པར་བྱེད་པ་ནས་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས།
214b6 བསླབ་པ་བཅའ་བའི་བར་དུ་མཛད་དེ། བསྒོ་བ་གཅོག་ན་ལྟུང་བྱེད་དོ།། བསྒོ་བ་གཅོག་པ་ཞེས་བྱ་བ་ནི་བསྒོ་བ་གཅོག་པའི་བསམ་པ་ཅན་གྱི་གང་ངག་དང་། ཚིག་དང་། བརྗོད་པ་ཞེས་བྱ་བའི་བར་གོང་མ་བཞིན་ནོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ
214b7 ལྟུང་བར་ཇི་ལྟར་འགྱུར་ཞེ་ན། དགེ་སློང་མ་དགེ་སློང་མའི་དྲུང་དུ་སོང་ནས་འདི་སྐད་ཅེས་ཁྱོད་ཀྱི་དགེ་སློང་མ་སྐྲ་བྲེགས་ནས་རིང་པོ་མ་ལོན་པ། སྣམ་སྦྱར་དམར་སེར་ཅན་ལྷུང་བཟེད་ཞ་ཉེའི་དབྱར་འདབ་ཅན། མར་གྱིས་ལྷུང་བཟེད་བཀང་བའམ། སྦྲང་རྩིས་ལྷུང་བཟེད་བཀང
iiif viewer powered by OpenSeadragon
