| e-texts navigator |
| Wylie |
213a1 སློང་མས་ཤིང་ལྗོན་པའི་རྩཝ་རྒྱུན་འབྱིན་ན་ཉེས་བྱས་སོ། ། ཕྱི་ཤུན་འཆུ་ན་ཉེས་བྱས་སོ།། ཕྲི་འཆུ་ན་ཉེས་བྱས་སོ།། ནང་ཤུན་འཆུ་ན་ཉེས་བྱས་སོ།། སྙིང་པོ་འབྱིན་ན་ལྟུང་བྱེད་དོ།། ལོ་མ་སྐྱ་བོ་ན་ཉེས་བྱས་སོ།། ལོ་མ་རློན་ན་ལྟུང་བྱེད་དོ།། མེ་ཏོག
213a2 ཁ་བྱེ་ན་ཉེས་བྱས་སོ། ། ཁ་མ་ཕྱེ་ན་ལྟུང་བྱེད་དོ།། འབྲས་བུ་སྨིན་ན་ཉེས་བྱས་སོ།། འབྲས་བུ་མ་སྨིན་ན་ལྟུང་བྱེད་དོ།། རྩཝ་ཉམས་པར་གྱུར་ཅིག། རྩཝ་རབ་ཏུ་ཉམས་པར་གྱུར་ཅིག་ཅེས་རྩཝ་སྔོན་པོའི་སྟེང་དུ་འཆག་པར་བྱེད་ན་ལྟུང་བྱེད་དོ།། དེ་བཞིན་དུ་ཁུ་ཚན་ལ་སོགས
213a3 པ་ལ་ཡང་ལྟུང་བྱེད་དོ། ། ཉམས་པར་གྱུར་ཅིག། རབ་ཏུ་ཉམས་པར་གྱུར་ཅིག་ཅེས་ཤིང་ངམ། ཡལ་ག་འདྲེན་ན་ལྟུང་བྱེད་དོ།། འདྲེན་པའི་བསམ་པ་དང་། འཆག་པའི་བསམ་པ་ཡིན་ན་ལྟུང་བ་མེད་དོ།། ཆུ་དྲེག་ཉམས་པར་གྱུར་ཅིག་ཅེས་འཆག་ན་ཉེས་བྱས་སོ།།
213a4 ཁུ་ཚན་དང་། ཤིང་ལ་སོགས་པ་ལ་ཡང་ངོ་།། འཆག་པའི་བསམ་པས་ཡིན་ན་ལྟུང་བ་མེད་དོ།། ཉ་ལྕིབས་ཆུ་ནས་ཇི་སྲིད་མ་བཏོན་པ་དེ་སྲིད་དུ་ཉེས་བྱས་སོ།། བཏོན་ན་ལྟུང་བྱེད་དོ།། རྩ་བ་མེད་པའི་ས་བོན་གྱི་ཁམས་འབྱིན་ན་ཉེས་བྱས་སོ།། ཉ་ཚང་དང་། ཕ་བ་ལྒོ་ལྒོ་དང་།
213a5 ཤ་མོ་འབྱིན་ན་ཉེས་བྱས་སོ།། བུམ་པའི་འདམ་སྐྱ་བོ་འཕྱི་ན་ཉེས་བྱས་སོ།། ཁ་ཟས་འདམ་སྐྱ་བོ་ཟ་ན་ཉེས་བྱས་སོ།། གལ་ཏེ་རུང་བ་བྱས་པ་ཡིན་ན་ལྟུང་བ་མེད་དོ།། ལྟུང་བྱེད་གཉིས་པའི་དང་པོ་རྫོགས་།། །། གླེང་གཞི་ནི་རྒྱལ་པོའི་ཁབ་ནའོ།།
213a6 གང་གི་ཚེ་མཛའ་བོ་དང་། ས་ལས་སྐྱེས་ཀྱིས་དྲུག་སྡེ་རྣམས་ཀྱི་མདུན་དུ་ཚེ་དང་ལྡན་པ་གྱད་བུ་ནོར་ལ་འཕྱ་བར་བྱེད་པ་ན་དེ་བཞིན་དུ་དགེ་སློང་མ་མཛའ་མོ་ཞེས་བྱ་བ་ཡང་བཅུ་གཉིས་སྡེ་རྣམས་ཀྱི་མདུན་དུ་གྱད་བུ་ནོར་ལ་འཕྱ་བར་བྱེད་དོ།། དེ་ནས་དགེ་སློང་མ་གནས
213a7 བརྟན་གནས་བརྟན་དག་གིས་འདི་སྐད་ཅེས་སྨྲས་སོ། ། མཛའ་མོ་འཁོར་གྱི་གཙོ་བོ་ལ་མ་འཕྱ་ཞིག། དེ་ལ་དེ་སྐད་དུ་བསྒོ་བ་ན་འོན་ཀྱང་འཕྱ་བར་བྱེད་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ།། བཅོམ་ལྡན་འདས་ཀྱིས་བཀའ་སྩལ
iiif viewer powered by OpenSeadragon
