| e-texts navigator |
| Wylie |
210a1 ཞེས་བྱ་བ་ལ་ས་བོན་ནི་ལྔ་སྟེ། རྩ་བའི་ས་བོན་དང་། སྡོང་བུའི་ས་བོན་དང་། ཐོར་ཏོའི་ས་བོན་དང་། འགས་པའི་ས་བོན་དང་། ས་བོན་གྱི་ས་བོན་ནི་ལྔ་པའོ།། དེ་ལ་རྩ་བའི་ས་བོན་ནི་གླ་སྒང་དང་། ཤུ་དག་དང་། ཡུངས་དང་། སྒེའུ་གཤེར་དང་། བོང
210a2 ང་དཀར་པོ་དང་། གཞན་ཡང་དེ་ལྟ་བུའི་རྩ་བ་སྟེ་རྩ་བ་ཉིད་ས་བོན་དུ་འགྱུར་བ་གང་ཡིན་པ་འདི་ནི་རྩ་བའི་ས་བོན་ཞེས་བྱའོ།། སྡོང་བུའི་ས་བོན་གང་ཞེ་ན། ཤིང་ཀན་ཙ་ན་དང་། པི་ཏ་ལ་དང་། ཨ་ཤྭཏྠ་དང་། ཨུ་དུམ་བཱ་ར་དང་། ནྱ་གྲོ་དྷ་དང་། གཞན་ཡང་དེ་ལྟ་བུའི
210a3 སྡོང་བུ་སྟེ། སྡོང་བུ་ཉིད་ས་བོན་དུ་འགྱུར་བ་གང་ཡིན་པ་འདི་ནི་སྡོང་བུའི་ས་བོན་ཞེས་བྱའོ།། ཐོར་ཏོའི་ས་བོན་གང་ཞེ་ན། བུ་རམ་ཤིང་དང་། འདམ་བུ་དང་། སྨྱིག་མ་དང་། རྒྱ་མཚོ་བ་དང་། རྩཝ་ཀ་ཤ་དང་གཞན་ཡང་དེ་ལྟ་བུའི་ཐོར་ཏོ་སྟེ་ཐོར་ཏོ་ཉིད་ས་བོན་དུ
210a4 འགྱུར་བ་གང་ཡིན་པ་འདི་ནི་ཐོར་ཏོའི་ས་བོན་ཞེས་བྱའོ། ། འགས་པའི་ས་བོན་གང་ཞེ་ན། ཨརྫ་ཀ་དང་། སརྫ་ཀ་དང་། སེ་ཡབ་དང་། རྩཝ་མཁྲིས་དང་། བྷུ་དྲིན་ཀ་དང་། གཞན་ཡང་དེ་ལྟ་བུས་འགས་ཤིང་ས་བོན་དུ་འགྱུར་བ་གང་ཡིན་པ་འདི་ནི་འགས་པའི་ས
210a5 བོན་ཞེས་བྱའོ། ། ས་བོན་གྱི་ས་བོན་གང་ཞེ་ན། ནས་དང་། གྲོ་དང་། སཱ་ལུ་དང་། མོན་སྲན་སྡེའུ་ལ་སོགས་པ་དང་། གཞན་ཡང་ས་བོན་གྱི་ས་བོན་དུ་འགྱུར་བ་གང་ཡིན་པ་དེ་ནི་ས་བོན་གྱི་ས་བོན་ཞེས་བྱ་སྟེ་ལྔ་པ་ཉིད་ཡིན་ནོ།། འབྱུང་པོའི་གནས་ཞེས་བྱ་བ་ལ
210a6 འབྱུང་པོ་ཞེས་བྱ་བ་ནི་སྦྲུལ་དང་། སྡིག་སྦྲུལ་དང་། ཏྲེ་མ་བུ་ཀ་དང་། ཏྲཻ་ལ་ཏ་དང་། སྲིན་བུ་དང་། ཕྱེ་མ་ལེབ་དང་། ཏིལ་གྱི་ཕུབ་མ་ཟ་བ་སྟེ། དེ་དག་གི་ཤིང་གང་ཡིན་པ་ནི་འབྱུང་པོའི་གནས་ཞེས་བྱའོ།། གཅོད་དམ་ཞེས་བྱ་བ་ནི་རང་གིས་སོ།། གཅོད་དུ
210a7 འཇུག་ན་ཞེས་བྱ་བ་ནི་གཞན་ནོ། ། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་རྩ་བའི་ས་བོན་ལ་རྩ་བའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་ནས་གཅོད་དམ་གཅོད་དུ་འཇུག་ན་ལྟུང་བྱེད་དོ།། དགེ
iiif viewer powered by OpenSeadragon
