| e-texts navigator |
| Wylie |
205b1 སྐད་ཅེས་ཕུ་ནུ་མོ་དག་ཁྱེད་དགེ་སློང་མ་སྡིག་ཅན་ས་བོན་ཚིག་པ་བཞིན་དུ་སྐྱེ་བའི་མཐུ་མེད་པ་འདིས་བསྟན་པ་ལ་ཚོད་མ་འཛིན་ཅིག། དེ་ལྟ་མོད་ཀྱི་དགེ་སློང་མ་གནས་བརྟན་གནས་བརྟན་དག་གིས་བསྟན་པ་འདི་ལ་ཚད་ཟུང་ཤིག་ཅེས་བསྒོ་བར་བགྱི་སྟེ་འདི་ནི་གསོལ་བའོ།།
205b2 དེ་ལྟར་གསོལ་བ་འབའ་ཞིག་པ་བྱས་ནས་དགེ་སློང་མ་དེ་རྣམས་ཀྱིས་གང་དུ་སྐྱེ་བོའི་ཚོགས་ཆེན་པོ་ཡོད་པ་དེར་སོ་སོར་གོ་བར་བྱའོ།། གང་དུ་མ་དད་པར་བྱས་པ་དེར་བརྗོད་པར་བྱའི་ལྟོགས་པ་ཁོ་ནས་ཤི་བར་གྱུར་ན་མི་རུང་བས་གཞན་དུ་ནི་བརྗོད་པར་མི་བྱའོ།། དེ་ནས
205b3 བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གང་ཟག་བསྙེན་པར་མ་རྫོགས་པ་རྣམས་ལ་གནས་ངན་ལེན་གྱི་ལྟུང་བ་བརྗོད་ན་དགེ་འདུན་གྱིས་གནང་བ་མ་གཏོགས་ཏེ་ལྟུང་བྱེད་དོ།། ཡང་དགེ
205b4 སློང་མ་གང་ཞེས་བྱ་བ་ནི་ཆོས་འདི་པའོ། ། བརྗོད་ན་ཞེས་བྱ་བ་ནི་སྨྲ་ནའོ།། དགེ་འདུན་གྱིས་གནང་བ་མ་གཏོགས་ཏེ་ཞེས་བྱ་བ་ནི་དགེ་འདུན་གྱིས་གནང་བ་བཞག་སྟེའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས
205b5 དགེ་སློང་མ་ལ་མཐར་འགྱུར་བའི་ལྟུང་བ་མཐོང་ལ་དེས་མ་རིག་པ་ལ་མ་རིག་པའི་འདུ་ཤེས་ཀྱིས་བརྗོད་ན་ལྟུང་བྱེད་དོ། ། དེ་བཞིན་དུ་མ་རིག་པ་ལ་ཡིད་གཉིས་ཟ་ན་ལྟུང་བྱེད་དོ།། དགེ་སློང་མས་དགེ་སློང་མ་ལ་མཐར་འགྱུར་བའི་ལྟུང་བ་མཐོང་བ་ལ་དེས་རིག་པ་ལ་མ
205b6 རིག་པར་འདུ་ཤེས་ན་ཉེས་བྱས་སོ། ། དེ་བཞིན་དུ་རིག་པ་ལ་ཡིད་གཉིས་ཟ་ན་ཉེས་བྱས་སོ།། རས་ལ་རི་མོར་བྲིས་པ་ལྟར་ཇི་ལྟར་བདག་གིས་ཤེས་པ་དེ་བཞིན་དུ་འཇིག་རྟེན་ཐམས་ཅད་ཀྱིས་ཤེས་པ་ལ་ནི་ལྟུང་བ་མེད་དོ།། ལྟུང་བྱེད་བདུན་པ་རྫོགས་།། །།
205b7 སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ཁང་པ་བརྩེགས་པའི་ཁང་ན་བཞུགས་སོ།། དེའི་ཚེ་མུ་གེ་མི་བཟད་པ་དགོན་པ་སློང་མོ་པས་ཟས་རྙེད་པར་དཀའ་བ་བྱུང་ངོ་།། དེ་ནས་དགེ་སློང་མ་རབ་ཏུ་མང་པོ་ལྗོངས་ཤིག་ཏུ་དོང་བ་དང་། བསོད
iiif viewer powered by OpenSeadragon
