| e-texts navigator |
| Wylie |
204a1 སོགས་ཤིག། དེ་དག་གིས་འདི་སྐད་ཅེས་སྨྲས་སོ།། ཅིའི་ཕྱིར་འདི་དག་སངས་རྒྱས་དང་། ཆོས་དང་། དགེ་འདུན་ལ་སོགས་པ་ལ་མཆོད་པའི་དོན་དུ་བརྩོན་པར་བྱེད། དེ་དག་གིས་འདི་སྐད་ཅེས་སྨྲས་སོ།། ལྟུང་བ་འདི་དང་འདི་དག་བྱུང་ངོ་།།
204a2 དེ་དག་གིས་ཐོས་ནས་གང་ལ་རྒན་མོ་རྣམས་ཀྱང་འདི་འདྲ་བའི་གནས་སྐབས་སུ་གྱུར་ན་གཞོན་ནུ་མ་རྣམས་ལ་ཇི་ལྟ་བུ་ཞིག་ཏུ་འགྱུར། ཞེས་ཡིད་ལ་གཅགས་པར་གྱུར་ཏོ།། བཅུ་གཉིས་སྡེ་དག་གིས་དོན་དེ་རྟོགས་པར་བྱས་ནས་དེ་དག་གིས་དགེ་ཚུལ་གཞོན་ནུ་མ་རྣམས
204a3 ལ་དྲིས་པ། ཁྱེད་ཀྱི་མཁན་མོ་དང་། སློབ་དཔོན་དག་ཅི་བྱེད། དེ་རྣམས་ཀྱིས་འདི་སྐད་ཅེས་སྨྲས་སོ།། བསོད་ནམས་བགྱིད་དོ།། དེ་ནས་བཅུ་གཉིས་སྡེ་དག་གིས་འདི་སྐད་ཅེས་སྨྲས་སོ།། ཁྱོད་བསོད་ནམས་འདི་འདྲ་བ་བྱོས་ཤིག། དགེ་ཚུལ་མ་དེ་རྣམས
204a4 ཀྱིས་འདི་སྐད་ཅེས་སྨྲས་སོ། ། དེ་ཅི་ལགས། དེ་ནས་བཅུ་གཉིས་སྡེ་དག་གིས་དེ་དག་གི་དགེ་ཚུལ་མ་རྣམས་ལ་འདི་སྐད་ཅེས་སྨྲས་སོ།། ཅི་ཁྱེད་ཀྱི་སྙིང་ལམ་ན་ཁྱེད་ཀྱི་མཁན་མོ་དང་། སློབ་དཔོན་འདི་དག་འདི་ལ་ཆོས་བཟང་ངོ་ཞེས་སངས་རྒྱས་དང་། ཆོས་དང་། དགེ་འདུན
204a5 ལ་སོགས་པ་ལ་བསྙེན་བཀུར་བྱེད་སྙམ་མམ། དེ་ལྟ་མོད་ཀྱི་ལྟུང་བ་འདི་དང་འདི་དག་བྱུང་ངོ་།། གང་གི་ཚེ་དགེ་སློང་མ་དེ་དག་ལྟུང་བ་དེ་ལས་ལངས་པར་གྱུར་པ་དེའི་ཚེ་དེ་དག་གི་དགེ་ཚུལ་གཞོན་ནུ་མ་དེ་དག་ལ་དགེ་ཚུལ་མ་དག་ལས་དག་གྱིས་ཤིག་ཅེས་བསྒོ་བ་ན། དེ་དག
204a6 གིས་སྨྲས་པ། ཁྱེད་ཅག་ཅིའི་ཕྱིར་མི་མཛད། གནས་བརྟན་མོ་དེ་དག་གིས་འདི་སྐད་ཅེས་སྨྲས་སོ།། ཁོ་མོ་ཅག་གིས་མི་རུང་ངོ་།། དགེ་ཚུལ་མ་རྣམས་ཀྱིས་ཡང་འདི་སྐད་ཅེས་སྨྲས་སོ།། ཁ་ཅིག་རུང་ན་ཁ་ཅིག་མི་རུང་ངམ། དགེ་སློང་མ་དེ་རྣམས་ཀྱིས་འདི
204a7 སྐད་ཅེས་སྨྲས་སོ། ། ཁྱེད་ལ་སུས་སྨྲས། དེ་དག་གིས་འདི་སྐད་ཅེས་བཅུ་གཉིས་སྡེ་དག་གིས་སོ་ཞེས་སྨྲས་པ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་རྒྱས་པར་གསོལ་ཏོ།། བཅོམ་ལྡན་འདས་ཀྱིས་བཀའ་སྩལ་པ།
iiif viewer powered by OpenSeadragon
