| e-texts navigator |
| Wylie |
203b1 ཡི་གེ་ལྷག་པར་རོ།། དེ་ལ་ཚིག་མཉམ་པ་ཞེས་བྱ་བ་ནི་ཇི་སྲིད་དུ་སྡིག་པ་ཐམས་ཅད་མི་བྱ་སྟེ་ཞེས་སྨྲ་བ་དེ་སྲིད་དུ་དེ་ཡང་སྡིག་པ་ཐམས་ཅད་མི་བྱ་སྟེ་ཞེས་སྨྲ་བ་སྟེ། འདི་ནི་ཚིག་མཉམ་པ་ཞེས་བྱའོ།། ཚིག་ལྷག་པ་ཞེས་བྱ་བ་ནི་ཇི་སྲིད་དུ་སྡིག་པ་ཐམས་ཅད་མི་བྱ་སྟེ
203b2 ཞེས་མ་སྨྲས་པ་དེ་སྲིད་དུ་དེ་དགེ་བ་ཕུན་སུམ་ཚོགས་པར་བྱའོ་ཞེས་སྨྲ་བ་སྟེ། འདི་ནི་ཚིག་ལྷག་པ་ཞེས་བྱའོ།། ཡི་གེ་མཉམ་པ་ཞེས་བྱ་བ་ནི་ཇི་སྲིད་དུ་ཨ་ཞེས་སྨྲ་བ་དེ་སྲིད་དུ་དེ་ཡང་ཨ་ཞེས་སྨྲ་བ་སྟེ། འདི་ནི་ཡི་གེ་མཉམ་པ་ཞེས་བྱའོ།། ཡི་གེ་ལྷག་པ་ཞེས་བྱ་བ་ནི་ཇི་སྲིད་དུ
203b3 ཨ་ཞེས་མ་སྨྲས་པ་དེ་སྲིད་དུ་དེ་ཡང་ཨ་ཞེས་སྨྲ་བའོ། ། ཆོས་འདོན་དུ་འཇུག་ན་ཞེས་བྱ་བ་ནི་སངས་རྒྱས་ཀྱིས་གསུངས་པའམ། ཉན་ཐོས་ཀྱིས་སྨྲས་པའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད
203b4 གང་ཟག་བསྙེན་པར་མ་རྫོགས་པ་ལ་ཁ་བསྟམས་ཏེ་ཆོས་འདོན་དུ་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ། ། གལ་ཏེ་ལྡབ་ལྡིབ་ཅན་དང་། སྨྲ་མྱུར་བ་དང་། དྲན་པར་བྱ་བ་དང་། འདྲི་བ་གསོལ་བ་ལ་སྦྱིན་པ་ལ་ལྟུང་བ་མེད་དོ།། ལྟུང་བྱེད་དྲུག་པ་རྫོགས་།། །།
203b5 གླེང་གཞི་ནི་མཉན་ཡོད་ནའོ།། ཉོན་མོངས་པ་རྣམས་མ་སྤངས་པའི་ཕྱིར་དང་། མི་ཤེས་པའི་ཕྱིར་ལྟུང་བ་དག་བྱུང་ཞིང་སྔོན་གྱི་ལྟུང་བ་དག་འཆགས་པར་བྱེད་པས་དེ་རྣམས་བཀུར་སྟི་བྱ་བ་སྤྱོད་དེ། དེ་རྣམས་ནང་པར་སྔར་ལངས་ཤིང་སངས་རྒྱས་དང་། ཆོས་དང་། དགེ
203b6 འདུན་ལ་བསྙེན་བཀུར་བྱེད། ཆག་ཆག་དང་། ཕྱག་དར་དང་། ཕྱི་བདར་བྱེད་དོ།། བཅུ་གཉིས་སྡེ་དེ་དག་ནི་སེམས་ལས་ཆུང་ངུར་འདུག་ཅིང་འཁོད་དོ།། དེར་ཡང་ཁྱིམ་བདག་ལྷགས་ཏེ་དེ་རྣམས་ཀྱིས་དེ་དག་མཐོང་ནས་འདི་སྙམ་དུ་དགེ་སློང་མ་རྒན་མོ་འདི་དག
203b7 ནི་རིན་པོ་ཆེ་ཤེས་ཤིང་རིན་པོ་ཆེ་སོགས་པར་བྱེད་དོ། ། བཅུ་གཉིས་སྡེ་འདི་དག་ནི་རིན་པོ་ཆེ་མི་ཤེས་ཤིང་རིན་པོ་ཆེ་སོགས་པར་མི་བྱེད་དོ་སྙམ་སེམས་སོ།། དེ་ནས་བཅུ་གཉིས་སྡེ་དག་གིས་ཁྱིམ་བདག་ལས་ཐོས་ནས་འདི་སྐད་ཅེས་སྨྲས་སོ།། ཁྱེད་འདི་ལྟ་བུ་རིན་པོ་ཆེ
iiif viewer powered by OpenSeadragon
