| e-texts navigator |
| Wylie |
199b1 གོང་དུ་བཤད་པ་བཞིན་དུ་རྒྱས་པར་བརྗོད་པར་བྱའོ། ། དེ་ལ་སྐུད་རིས་མཁན་དང་བཟང་མཁན་དང་།། ལྕགས་མགར་དང་ནི་ལྷམ་མཁན་དང་།། རྫ་མཁན་འདྲེག་མཁན་ཤིང་མཁན་དང་།། སྨིག་མ་མཁན་དང་བྲན་མོའོ།། འདི་ནི་བཟོ་ཞེས་བྱ་བ་ཡིན་ནོ།། དགེ
199b2 སློང་མས་བྲམ་ཟེ་ལས་རབ་ཏུ་བྱུང་བའི་དགེ་སློང་མའི་དྲུང་དུ་སོང་སྟེ་འདི་སྐད་ཅེས། འཕགས་མ་ཁྱོད་ལ་དགེ་སློང་མ་ཆེ་གེ་མོ་ཞིག་འདི་སྐད་ཅེས་ཁྱོད་ལ་དགེ་སྦྱོང་གི་ཚུལ་དང་། ཚངས་པའི་ཚུལ་གྱིས་ཅི་ཞིག་བྱ། ཁྱོད་ནི་བྲམ་ཟེ་ལས་རབ་ཏུ་བྱུང་བ་ཡིན་པས་ཁྱོད
199b3 ཀྱིས་རང་གི་གཞུང་ལུགས་ཀྱི་ལས་བྱ་དགོས་སོ་ཞེས་ཟེར་རོ་ཞེས་སྨྲས་ཤིང་། ལས་སྒྲོགས་པར་བྱེད་ན་ཉེས་བྱས་སོ།། དེ་བཞིན་དུ་རྒྱལ་རིགས་ལས་རབ་ཏུ་བྱུང་བ་ལ་ཞེས་བྱ་བ་ནས། ཉེས་བྱས་སོ་ཞེས་བྱ་བའི་བར་རོ།། དེ་བཞིན་དུ་རྗེའུ་རིགས་ལས་རབ་ཏུ་བྱུང་བ
199b4 ལ་ཞེས་བྱ་བ་ནས། ལྟུང་བྱེད་དོ་ཞེས་བྱ་བའི་བར་རོ།། དེ་བཞིན་དུ་དམངས་རིགས་ལས་རབ་ཏུ་བྱུང་བ་ལ་ཞེས་བྱ་བ་ནས། ལྟུང་བྱེད་དོ་ཞེས་བྱ་བའི་བར་ཏེ། ཇི་ལྟར་གོང་དུ་བཤད་པ་བཞིན་བར་སྡོམ་དེ་རྒྱས་པར་བརྗོད་པར་བྱའོ།། རིགས་དང་བཟོ་དང་ལས་དང་ནི།།
199b5 རྟགས་དང་ནད་ནི་ལྔ་པ་ཡིན།། ལྟུང་བ་དང་ནི་ཉེ་ཉོན་མོངས།། སྤྱོ་བར་བྱེད་པ་ཐ་མ་ཡིན།། ལྟུང་བྱེད་གསུམ་པ་རྫོགས་།། །། གླེང་གཞི་ནི་མཉན་ཡོད་ནའོ།། དེའི་ཚེ་བཅུ་གཉིས་སྡེ་རྣམས་ཀྱིས་རྩོད་པ་ཉེ་བར་ཞི་བར་བྱས་པ་རྣམས་རྩོད་པ་འདི་ནི་ཤད་ཀྱིས་མ་བྱང
199b6 སྟེ། ཡང་ཤད་ཀྱིས་སྦྱང་བར་བྱའོ།། རྩོད་པ་འདི་ནི་ངེས་པར་མ་བརྟགས་ཏེ་ཡང་ངེས་པར་བརྟག་པར་བྱའོ།། རྩོད་པ་འདི་ནི་ལེགས་པར་གཏན་ལ་མ་ཕབ་སྟེ་ཡང་ལེགས་པར་གཏན་ལ་དབབ་པར་བྱའོ།། རྩོད་པ་འདི་ནི་ཉེ་བར་ཞི་བར་མ་བྱས་ཏེ་ཡང་ཉེ་བར་ཞི་བར་བྱའོ
199b7 ཞེས་ཡང་དང་ཡང་དུ་སྐྱོ་སྔོགས་བྱེད་དོ། ། དེ་ནས་དགེ་སློང་མ་དེ་རྣམས་འཐབ་མོ་དང་། མཚང་འདྲུ་བ་དང་། རྩོད་པ་བྱུང་ཞིང་མཚང་འདྲུ་བར་གྱུར་པས་གནས་ཤིང་ལུང་མནོད་པ་དང་། ཀློག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱེད་པ་དང་། ནང་གི
iiif viewer powered by OpenSeadragon
