| e-texts navigator |
| Wylie |
198b1 གནས་སུ་སོང་བའི་སྲོག་ཆགས་དེ་དག་ཀྱང་ཕྲ་མས་ཀུན་དུ་སྤྱད་པ་ན་ཇི་ཙམ་ན་གཅིག་ལ་གཅིག་གསོད་པར་བྱེད་ན་བུད་མེད་ལྷག་པར་ཁྲོ་བ་ལྟ་སྨོས་ཀྱང་ཅི་དགོས་ཞེས་སྔོན་གྱི་སྦྱོར་བ་འདི་རྒྱས་པར་བརྗོད་པར་བྱའོ། ། གཞན་ཡང་སྔོན་གྱི་སྦྱོར་བ་ནི་དགེ་སློང་མ་དག་སྔོན
198b2 བྱུང་བ་སེང་གེ་ཕྲུ་གུ་བཙས་ནས་རིང་པོ་མ་ལོན་པ་ཞིག་མ་སྤྱོད་ཡུལ་དུ་སོང་བ་དང་ལྟོགས་ཤིང་འཕྱན་པ་ན། དེ་དང་ཧ་ཅང་ཡང་མི་རིང་བ་ཞིག་ན་སྟག་མོ་ཞིག་འབྲངས་སོ།། དེ་འཕྱན་པ་ན་སྟག་མོ་ཞིག་དང་ཕྲད་ནས་ནུ་མ་བསྣུན་པར་བརྩམས་སོ་ཞེས་བྱ་བ་ནས། གནས
198b3 གཅིག་ཏུ་འཁོད་དོ་ཞེས་བྱ་བའི་བར་རོ། ། དེ་ལ་ཡང་སེང་གེའི་མིང་ནི་མཆེ་ཞེས་བྱའོ།། སྟག་གི་མིང་ནི་དཔུང་ཞེས་བྱའོ་ཞེས་བྱ་བ་ནས། དེ་གཉིས་ལ་ཡང་ཝ་ཞིག་གིས་དབྱེན་བྱ་བར་བརྩམས་སོ་ཞེས་བྱ་བའི་བར་རོ།། ཇི་ཙམ་ན་སེང་གེས་ཚིགས
198b4 སུ་བཅད་དེ་སྨྲས་པ། ཆུ་ཞེང་ཕུན་སུམ་ཚོགས་པ་དང་།། རྩལ་དང་ཤུགས་དང་ལྡན་པ་ཡི།། མཆེ་ལ་ནི་རྒོལ་བྱེད་པ།། དཔུང་དེ་ནི་ལེགས་པ་མིན།། དཔུང་སྨྲས་པ། ཆུ་ཞེང་ཕུན་སུམ་ཚོགས་པ་དང་།། རྩལ་དང་ཤུགས་དང་ལྡན
198b5 པ་ཡི། ། དཔུང་ལ་ནི་རྒོལ་བྱེད་པ།། མཆེ་དེ་ནི་ལེགས་པ་མིན།། དེ་གཉིས་ཀྱིས་གཅིག་ལ་གཅིག་དྲིས་ནས་ཞེས་བྱ་བ་ནས་ཝ་བསད་དོ་ཞེས་བྱ་བའི་བར་རོ།། ཇི་ཙམ་ན་ལྷས་ཚིགས་སུ་བཅད་དེ་སྨྲས་པ། གཞན་གྱི་ཚིག་གིས་གྲོགས་པོ་མི
198b6 སྤང་སྟེ། ། གཞན་གྱིས་སྨྲས་པ་དག་ནི་བརྟག་པར་བྱ།། དབྱེ་བར་འདོད་པ་རྣམས་ནི་གླགས་ཚོལ་བྱེད།། དེ་བས་སྐྱེ་བོ་ཕྲ་མ་ཡིད་མི་རྟོན།། གྲོགས་པོ་འབྱེད་པའི་ཕྲ་མ་ཅན།། དུ་སྨྲ་བའི་ཝ་སྐྱེས་པོ།། གྲོང་རྒྱུན་སྐྱེས་ཏེ་རོ་འདི་ནི།། བསད་ནས་བདེ
198b7 བས་དགའ་བར་བྱེད། ། དགེ་སློང་མ་དག་རེ་ཞིག་དུད་འགྲོའི་སྐྱེ་གནས་སུ་སོང་བའི་སྲོག་ཆགས་དེ་དག་ཀྱང་གཅིག་ལ་གཅིག་ཕྲ་མས་ཀུན་དུ་སྤྱད་པ་ན། སྡུག་བསྔལ་དང་ཡིད་མི་བདེ་བ་མང་པོ་གནས་པར་བྱེད་ན། བུད་མེད་ལྷག་པར་ཁྲོ་བ་ལྟ་སྨོས་ཀྱང་ཅི་དགོས།
iiif viewer powered by OpenSeadragon
