| e-texts navigator |
| Wylie |
198a1 བརྗོད་པར་བྱའོ། ། ལས་དང་པོ་ལ་སོགས་པ་ལ་ནི་ལྟུང་བ་མེད་དོ།། ལྟུང་བྱེད་གཉིས་པ་རྫོགས་།། །། གླེང་གཞི་ནི་མཉན་ཡོད་ནའོ།། དེའི་ཚེ་དགེ་སློང་མ་བཅུ་གཉིས་སྡེ་རྣམས་ཕྲ་མས་ཀུན་དུ་སྤྱོད་པར་བྱེད་དེ། ཚུ་བི་ལས་ཐོས་ནས་ཕ་བི་དག་ལ
198a2 རྗོད་པར་བྱེད། ཕ་བི་ལས་ཐོས་ནས་ཚུ་བི་དག་ལ་རྗོད་པར་བྱེད་པ་ན་དེ་དག་ཕྱེ་སྟེ་ཕྱོགས་གཉིས་སུ་གྱུར་པས་ཕན་ཚུན་སྡུག་བསྔལ་ཞིང་ཡིད་མི་བདེ་བ་སྐྱེས་ལ། ལུང་མནོད་པ་དང་། བཀླག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས
198a3 ཀྱི་ཞི་གནས་ཀྱང་སྟོང་པར་བྱེད་ཅིང་གནས་པ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་དགེ་སློང་མ་རྣམས
198a4 ལ་བཀའ་སྩལ་པ། དགེ་སློང་མ་དག་ཁྱེད་གཅིག་ལ་གཅིག་ཕྲ་མས་ཀུན་དུ་སྤྱོད་པར་མ་བྱེད་ཅིག། དེ་ཅིའི་ཕྱིར་ཞེ་ན། དགེ་སློང་མ་དག་སྔོན་བྱུང་བ་ན་ནགས་ཚང་ཚིང་ཞིག་ན་སེང་གེ་མོ་སྦྲུམ་མ་ཞིག་ཡོད་དེ། དེ་རྣམས་ཀྱི་རང་བཞིན་ནི་བདག་གི་ཕྲུ་གུས་ནུ་མ་ལ
198a5 ཟ་བའམ། ལྟོགས་པར་གྱུར་ན་མི་རུང་ངོ་ཞེས་དེ་ཉིད་ཁ་ཟས་སུ་བྱ་བའི་ཕྱིར་ཤ་ཁོ་ནའི་ཚོགས་བྱས་ཏེ་འབྲང་བར་བྱེད་དོ་ཞེས་བྱ་བ་ནས་བ་ཞིག་བསད་དེ་འབྲངས་སོ།། བ་དེ་ལ་ཡང་བེའུ་ཞིག་ཡོད་པ་སེང་གེ་མོ་དེ་ཉིད་ཀྱི་ནུ་མ་ལ་འཐུང་ངོ་ཞེས་བྱ་བའི་བར་དུའོ།། ཇི་ཙམ
198a6 ན་གཉིས་ཀ་ཆེན་པོར་གྱུར་ནས་དེ་ཡང་འཆི་བའི་དུས་ཀྱི་ཚེ་ཞེས་བྱ་བ་ནས། མཛའ་བ་འབྱེད་པ་ནི་མང་དུ་ཡོད་དོ་ཞེས་ཡང་དག་པར་གཏམས་ནས་ཞེས་བྱ་བའི་བར་རོ།། ཝ་ཞིག་གིས་གཉིས་ཀ་ཕྱེ་ནས་ཞེས་བྱ་བ་ནས། དེ་གཉིས་ཀྱང་གཅིག་གིས་གཅིག་སྲོག་དང་ཕྲལ
198a7 ལོ་ཞེས་བྱ་བའི་བར་རོ། ། ཇི་ཙམ་ན་ལྷས་ཚིགས་སུ་བཅད་དེ་སྨྲས་པ། སྐྱེ་བོ་སྡིག་ཅན་འགྲོགས་པ་ལས།། མི་ཡིས་བཟང་པོ་མཐོང་མི་འགྱུར།། སེང་གེ་ཁྱུ་མཆོག་མཛའ་བ་ལས།། ཝ་ཡིས་ཐ་དད་ཕྱེ་ལ་ལྟོས།། དགེ་སློང་མ་དག་རེ་ཞིག་དུད་འགྲོའི་སྐྱེ
iiif viewer powered by OpenSeadragon
