| e-texts navigator |
| Wylie |
197a1 དང་། རྨེལ་བ་དང་། འཁལ་བ་ཞེས་བྱ་བ་ནས་ལྟུང་བྱེད་དོ་ཞེས་བྱ་བའི་བར་རོ།། དེ་བཞིན་དུ་ཐ་ག་པ་ལས་རབ་ཏུ་བྱུང་བ་ལ་ཞེས་བྱ་བ་ནས་འདི་ལྟ་སྟེ། ཐགས་དང་། སོན་མ་དང་། དྲུ་བུ་དང་། སྣས་དང་། སྣས་གྲི་དང་། སྐུད་པ་དང་།
197a2 འབྲས་ཐུག་ཏུ་གཞུག་དང་། བརྒྱང་ཐག་གི་ལས་བྱ་དགོས་སོ་ཞེས་སྨྲས་ན་ལྟུང་བྱེད་དོ་ཞེས་བྱ་བའི་བར་རོ།། དེ་བཞིན་དུ་སྐུད་རིས་མཁན་ལས་རབ་ཏུ་བྱུང་བ་ལ་རྒྱང་ཤིང་དང་། ཐགས་དང་། སྤུན་གྱི་སྨྱུག་མ་དང་། སོ་དང་ཞེས་བྱ་བ་ནས་ལྟུང་བྱེད་དོ
197a3 ཞེས་བྱ་བའི་བར་རོ། ། དེ་བཞིན་དུ་བཟང་མཁན་ལས་རབ་ཏུ་བྱུང་བ་ལ་དྲ་གྲི་དང་། ཁབ་དང་། ལྕིབ་མོ་དང་། མཐེབ་ལྕིབ་དང་། ཞེས་བྱ་བ་ནས་ལྟུང་བྱེད་དོ་ཞེས་བྱ་བའི་བར་རོ།། དེ་བཞིན་དུ་མགར་བ་ལས་རབ་ཏུ་བྱུང་བ་ལ་སྦུད་རུ་དང་། སོ་མལ་དང་། གྲི
197a4 དང་། ཐེའུ་དང་། ཐོ་ཆེན་དང་། སྦུད་པ་དང་། སྐམ་པ་དང་ཞེས་བྱ་བ་ནས་ལྟུང་བྱེད་དོ་ཞེས་བྱ་བའི་བར་རོ།། དེ་བཞིན་དུ་རྫ་མཁན་ལས་རབ་ཏུ་བྱུང་བ་ལ་འཁོར་ལོ་དང་། དབྱུག་གུ་དང་། འཁོར་ལོའི་རྟེན་མ་དང་། གཞག་པ་དང་། དྲ་བའི་ཐེ་གུ་དང་། ཆུ
197a5 སྣོད་དང་ཞེས་བྱ་བ་ནས་ལྟུང་བྱེད་དོ་ཞེས་བྱ་བའི་བར་རོ། ། དེ་བཞིན་དུ་འདྲེག་མཁན་ལས་རབ་ཏུ་བྱུང་བ་ལ་ཆན་པ་དང་། སྤུ་གྲི་དང་། སྨང་ཚེར་དང་། སེན་མོ་བྲེག་པ་དང་། གདར་དང་ཞེས་བྱ་བ་ནས་ལྟུང་བྱེད་དོ་ཞེས་བྱ་བའི་བར་རོ།། དེ་བཞིན་དུ་ཤིང་མཁན་ལས
197a6 རབ་ཏུ་བྱུང་བ་ལ་སྟེའུ་དང་། གཞི་དང་། གཟོང་དང་། སྟ་རེ་དང་། སོག་ལེ་དང་། སོག་ཆུང་དང་། གསོར་བུ་དང་ཞེས་བྱ་བ་ནས་ལྟུང་བྱེད་དོ་ཞེས་བྱ་བའི་བར་རོ།། དེ་བཞིན་དུ་སྨྱུག་མཁན་ལས་རབ་ཏུ་བྱུང་བ་ལ་སྨྱུག་མ་དང་། སྐུད་པ་དང་། གཤེག་གྲི་དང་། ཚོན
197a7 རྩི་དང་། ལྷང་ཚེར་དང་ཞེས་བྱ་བ་ནས་ལྟུང་བྱེད་དོ་ཞེས་བྱ་བའི་བར་རོ།། དེ་བཞིན་དུ་བྲན་མོའི་རིགས་ལས་རབ་ཏུ་བྱུང་བ་ལ་ཐག་པ་དང་། བུམ་པ་དང་། འབྲུ་མར་དང་། བསྐུ་མཉེ་དང་། ཁྲུས་དང་ཞེས་བྱ་བ་ནས་ལྟུང་བྱེད་དོ་ཞེས་བྱ་བའི་བར་ཏེ། འདི་ནི་ལས
iiif viewer powered by OpenSeadragon
